ក្រុម U-19កម្ពុជា យកឈ្នះប៉ូលិស ២-១ ក្នុងជំនួបកម្ដៅសាច់ដុំម្សិលមិញ
(ភ្នំពេញ)៖ ក្រុមជម្រើសជាតិយុវជនអាយុក្រោម ១៩ឆ្នាំកម្ពុជា(U-19) បានយកឈ្នះក្រុមអគ្គស្នងការដ្ឋាននគរបាលជាតិ(ប៉ូលិស) ដោយលទ្ធផល ២-១ នៅក្នុងជំនួបមិត្តភាពកម្ដៅសាច់ដុំ លើទីលានមជ្ឈមណ្ឌល និងសាលាបាល់ទាត់ជាតិបាទីកាលពីម្សិលមិញ ។
នេះជាការប្រកួតមិត្តភាពចុងក្រោយរបស់ក្រុម U-19កម្ពុជា ខណៈដែលត្រូវចេញដំណើរទៅវៀតណាម ដើម្បីចូលរួមប្រកួតពានរង្វាន់ AFF U-19 Championship 2016 នាថ្ងៃទី០៩ ខែកញ្ញាស្អែកនេះ ហើយក៏ជាលើកទី២ ដែល U-19កម្ពុជា បានយកឈ្នះក្រុមប៉ូលិសនេះដែរ ដោយកាលពីចុងសប្ដាហ៍មុនបានយកឈ្នះ ៣-០ ។
គ្រាប់បាល់ជ័យជម្នះរបស់ U-19កម្ពុជា គឺរកបានដោយកីឡាករ ឆេង ម៉េង នៅនាទីទី៣១ និងកីឡាករ គន្ធា រ៉ាវ៉ាន់ នៅនាទីទី៦៥ មុននឹងកីឡាករ នួន បូរី រកបានគ្រាប់បាល់វាយបក ១គ្រាប់នៅនាទីទី៨០ ហើយលទ្ធផលក្រុម U-19កម្ពុជា នាំមុខប៉ូលិស ២-១ ក៏បានរក្សាដល់ចប់ការប្រកួតពេញម៉ោងតែម្ដង ។
ក្រោយបញ្ចប់ការប្រកួតនេះលោក Ohara Kazunori នឹងដឹកនាំក្រុម U-19កម្ពុជា ទៅប្រកួតពាន AFF U-19 Championship 2016 នាថ្ងៃស្អែក ខណៈកម្មវិធីប្រកួតនឹងចាប់ផ្ដើមពីថ្ងៃទី១១-២៤ ខែកញ្ញាខាងមុខ នៅទីក្រុងហាណូ ប្រទេសវៀតណាម ដោយ U-19កម្ពុជា ស្ថិតក្នុងពូល B ជាមួយថៃ, អូស្ដ្រាលី, មីយ៉ាន់ម៉ា និងឥណ្ឌូនេស៊ី ៕
ផ្តល់សិទ្ធដោយ ៖ ខ្មែរថកឃីង
- ក្រុម U-19 កម្ពុជា ប៉ះក្រុមការពារតំណែងជើងឯក U-19 ថៃ ម៉ោង ៤លា្ងចនេះក្នុងពានរង្វាន់អាស៊ាន (16/09/2016 09:37:00)
- ចប់ការប្រកួតពេញម៉ោង៖ ក្រុម U-19 កម្ពុជា ចាញ់ U-19 អូស្រ្តាលី ២-០ នៅវៀតណាម (13/09/2016 09:37:00)
- ក្រុម U-19 កម្ពុជា ចេញទៅប្រកួតពាន AFF U-19 នៅវៀតណាមល្ងាចមិញ (10/09/2016 10:42:00)
កីឡាជាតិ ដែលមើលច្រើន
