ឆ្លងកាត់មហាសមុទ្រ ដោយប្រើប៉េងប៉ោងហោះចំនួន ៣៦៥ បើទោះដឹងថា ធ្លាប់មានមនុស្សស្លាប់
ថ្មីៗនេះ អ្នកផ្សងព្រេង Jonathan Trappe បានបន្ដធ្វើឱ្យមានឈ្មោះនៅក្នុងបញ្ជីឯតទគ្គកម្មពិភពលោក ដោយបានឆ្លងកាត់មហាសមុទ្រ Atlantic តាមរយៈការប្រើប្រាស់ប៉េងប៉ោងហោះ ចំនួន ៣៦៥ ជំនួសឱ្យបាឡុងហោះបែបបុរាណ។
នេះគឺជាឯតទគ្គកម្មទីពីររបស់ Jonathan Trappe ដែលបានប្រើប្រាស់ប៉េងប៉ោងហោះ
ដោយយកលំនាំតាមផ្ទះ និងប៉េងប៉ោងហោះរបស់ព្រឹទ្ធាចារ្យ Carl Fredricksen ក្នុងខ្សែភាពយន្ដជីវចល "Up" របស់ក្រុមហ៊ុន Pixar ថ្មីៗនេះ កំពូលអ្នកផ្សងព្រេង Jonathan Trappe អាយុ ៣៩ឆ្នាំ ជនជាតិអាមេរិក ជាថ្មីម្ដងទៀត បានបង្កើតឯតទគ្គកម្មមួយទៀត ដោយបានប្រើប្រាស់ប៉េងប៉ោងហោះ ចំនួន ៣៦៥ ដើម្បីហោះឆ្លងកាត់មហាសមុទ្រ Atlantic ។
ប៉េងប៉ោងហោះចំនួន ៣៦៥ របស់ Jonathan Trappe
Jonathan Trappe អ្នកគ្រប់គ្រងគម្រោងបច្ចេកវិទ្យាព័ត៌មាន រស់នៅក្នុងក្រុង Raleigh រដ្ឋ Carolina នៃប្រទេសអាមេរិក ធ្លាប់ត្រូវបានគេស្គាល់ច្រើន តាមរយៈការបង្កើតឯតទគ្គកម្ម ហោះឆ្លងកាត់ព្រែកជីករបស់អង់គ្លេស ដោយកញ្ចុំប៉េងប៉ោងហោះ កាលពីខែឧសភា ឆ្នាំ ២០១។ ប៉ុន្ដែ លើកនេះ Jonathan Trappe ត្រូវឆ្លងកាត់ផ្លូវដែលមានប្រវែង ៤,០២៣ គីឡូម៉ែត្រ ក្នុងរយៈពេល ៧ថ្ងៃ អណ្ដែតនៅលើមេឃ និងមានកំពស់ប្រហែល ពី ៥,៥០០ ទៅ ៧,៦០០ម៉ែត្រ។
ផ្ទះ និងប៉េងប៉ោងហោះរបស់ព្រឹទ្ធាចារ្យ Carl Fredricksen ក្នុងរឿង "Up"
ការផ្សងព្រេងរបស់ Jonathan Trappe បានចាប់ផ្ដើមពីទីក្រុង Caribou ក្នុងរដ្ឋ Maine របស់អាមេរិក។ ក្នុងដំណើរផ្សងគ្រោះថ្នាក់នេះដែរ លោក Jonathan Trappe ក៏អាចឈប់នៅកន្លែងណាក៏បាន ចន្លោះប្រទេស ន័រវែស និងអាហ្វ្រិកខាងជើង ឬក៏អាចចុះចតនៅកណ្ដាលសាគរ។
គួររំឭកថា មុននេះ ក៏ធ្លាប់មានអ្នកផ្សងព្រេងចំនួន ៥នាក់ ដែលបានសាកល្បងផ្សងគ្រោះថ្នាក់បែបនេះ ប៉ុន្ដែពួកគេទាំងអស់ បានបាត់បង់ជីវិត។ ប្រការនេះ នាំឱ្យ Jonathan Trappe មានការព្រួយបារម្ភ នៅមុនពេលចេញដំណើរ។ Jonathan Trappe ថ្លែងថា ៖ “ខ្ញុំចេះតែព្រួយភ័យ ខ្លាចខ្លួននឹងត្រូវស្លាប់ដូចអ្នកមុន” ។
បើទោះជាធ្លាប់មានបទពិសោធកាលពីមុន ប៉ុន្ដែលើកនេះ Jonathan Trappe នៅតែព្រួយបារម្ភ
ប៉េងប៉ោងទាំងឡាយ កំពុងត្រូវបានបញ្ចូលខ្យល់ heli
កញ្ចុំប៉េងប៉ោងហោះ ចំនួន ៣៦៥ ដែលនាំអ្នកផ្សងព្រេង Jonathan Trappe ឆ្លងកាត់មហាសមុទ្រ Atlantic ។
ដោយ ៖ តារា
ប្រភព ៖ mirror
ប្លែកៗ ដែលមើលច្រើន
