កូរ៉េ ៖ យោងតាមវេបសាយ Dispatch និងគេហទំព័រជាច្រើនទៀត បានធ្វើការទម្លាយរូបថតនៅក្នុងផ្ទះល្វែង ដែលសមាជិកក្រុម SHINee គឺលោក Jonghyun បានសម្លាប់ខ្លួន ។
រូបថតជាច្រើនត្រូវបានធ្វើការចែកចាយស្ទើរតែជុំវិញពិភពលោក ក្រោយពីបានបង្ហោះនៅលើអុិនធឺណិត ត្រឹមតែមួយរំភេពប៉ុណ្ណោះ ។
ផ្ទះល្វែងត្រូវបានគេដឹងថា លោក Jongyun បានជួលនៅថ្ងៃទី ១៨ ខែធ្នូ ឆ្នាំ ២០១៧ វេលាម៉ោង ១២ និង ៣០ នាទី ហើយក្រោយមកតារាចម្រៀងវ័យ ២៧ ឆ្នាំរូបនេះ ក៏បានផ្ញើរសារទៅកាន់ប្រាប់បងស្រីថា ខ្លួននឹងធ្វើឃាតខ្លួនឯង នៅម៉ោង ៤ និង ៣០ នាទីល្ងាច ហើយនៅទីបំផុតគេក៏បានរកឃើញថា សមាជិកក្រុម SHINee រូបបានស្លាប់នៅម៉ោង ៦ និង ៣០ នាទីតែម្តង ។
ជាងនេះទៅទៀត ទ្វាររបស់ផ្ទះល្វែងដែល Jongyun បានជួលនោះ ត្រូវបានគេដឹងថា មានការខូចខាតច្រើន ដោយសារតែប៉ូលីសព្យាយាម ទំលុះទ្វារចូលទៅក្នុង ដើម្បីសង្រ្គោះតារាចម្រៀងរូបនេះ ប៉ុន្តែនៅតែមិនទាន់ពេលវេលាដដែល ៕
ប្រែសម្រួល ៖ គន្ធា
ប្រភព ៖ koreaboo