ភ្នំពេញ៖ បុរសវ័យប្រមាណ ១៨ឆ្នាំម្នាក់ បានបាញ់សម្លាប់ខ្លួនឯង នាវេលាម៉ោងប្រមាណ ៤ និង៥០នាទីល្ងាច ថ្ងៃទី២០ ខែធ្នូ ឆ្នាំ២០១៤នេះ នៅខាងត្បូងសកលវិទ្យាល័យកសិកម្ម ចម្ងាយប្រមាណ ១០០ម៉ែត្រ ស្ថិតនៅភូមិ ខ្វា សង្កាត់ដង្កោ ខណ្ឌដង្កោ។
សមត្ថកិច្ចពាក់ព័ន្ធកំពុងពិនិត្យសាកសពនៅកន្លែងកើតហេតុ។ សមត្ថកិច្ចមិនទាន់បញ្ជាក់ពីអត្តសញ្ញាណរបស់ ជនរងគ្រោះ និងមូលហេតុ ដែលគេបាញ់សម្លាប់ខ្លួនឯងនៅឡើយនោះទេ។
ប្រភពពីសមត្ថកិច្ច បានឲ្យដឹងថា ឪពុករបស់ជនរងគ្រោះបម្រើការជាមន្រ្តីនគរបាលនៅនាយកដ្ឋានអង្គរក្សក្រសួងមហាផ្ទៃ។ សមត្ថកិច្ចបន្តថា ការបាញ់សម្លាប់ខ្លួន ដោយសារតែខឹងសម្បារនិងឪពុកស្តីបន្ទោសកុំឲ្យដើរលេងច្រើន៕
ផ្តល់សិទ្ធដោយ ៖ ដើមអម្ពិល