ភ្នំពេញ៖ កម្លាំងនគរបាលប៉ុស្តិ៏បឹងធំ ខណ្ឌពោធិសែនជ័យ បានទាញកាំភ្លើងបាញ់ ២គ្រាប់ ដើម្បីបំបែកក្រុមក្មេង ស្ទាវ ប្រមាណពី៥០ ទៅ៦០នាក់ ដែលនាំគ្នា ជិះម៉ូតូបង្ហោះ និងស្រែកតាមដងផ្លូវយ៉ាងអាណាធិបតេយ្យ នាយប់ ថ្ងៃទី២១ ខែមិថុនា ឆ្នាំ២០១៥នេះ ។
មន្រ្តីនគរបាល ប៉ុស្តិ៏បឹងធំ បានអោយដឹងថា មុនពេលកើតហេតុ មានក្រុមក្មេងស្ទាវ ជិះម៉ូតូ បង្ហោះ និងស្រែកតាម ផ្លូវកៅស៊ូ នៅភូមិបឹងធំ ពេលនោះ កម្លាំងនគរបាល បានចុះទៅឃាត់ និងទប់ស្កាត់ តែក្រុមក្មេងស្ទាវទាំងនោះ មិន ស្តាប់ ហើយថែមទាំង ដែញកំញើញសមត្ថកិច្ចទៀតផង ទើបទាញកាំភ្លើង បាញ់ឡើងលើចំនួន២គ្រាប់ ធ្វើឲ្យបើក ម៉ូតូគេចខ្លួនអស់ បន្សល់ម៉ូតូ២-៣គ្រឿង នៅកន្លែងកើតហេតុផងដែរ៕