ព្រះសីហនុ៖ លោក គិន លី ប្រធានសាខាគយប្រចាំខេត្តព្រះសីហនុ នៅព្រឹកថ្ងៃទី២២ ខែឧសភា ឆ្នាំ២០១៤នេះ បានបើកសន្និសីទកាសែតមួយនៅក្នុងសាលប្រជុំ នៃកំពង់ផែស្វយ័តក្រុងព្រះសីហនុ ស្ដីអំពីប្រតិបត្តិការចាប់ភ្លុកដំរី ជាង ៣ពាន់គីឡូក្រាម កាលពីដើមខែឧសភា។
លោក គិន លី បានថ្លែងនៅក្នុងសន្និសីតកាសែតនោះថា ភ្លុកដំរី ដែលមានចំនួនរហូតទៅដល់ ៣.០០៨គីឡូក្រាម ដែលមានប្រភពចេញមកពីប្រទេសកេនយ៉ា ឆ្លងកាត់ប្រទេសម៉ាឡេស៊ី មកកម្ពុជា ក្នុងគោលដៅបន្ដទៅប្រទេសទី៤ ទៀតនោះ បច្ចុប្បន្នកំពុងរៀបចំសំណុំរឿងបញ្ជូនទៅតុលាការខេត្តព្រះសីហនុ។
សូមជំរាបថា ភ្លុកដំរីខុសច្បាប់នេះ ត្រូវបានកម្លាំងគយចាប់បាន កាលពីថ្ងៃទី០៩ ខែឧសភា ឆ្នាំ២០១៤ ដោយលួច បង្កប់នៅក្នុងកុងតឺន័រដឹកសណ្ដែក៕
ផ្តល់សិទ្ធិដោយ៖ ដើមអម្ពិល