(សៀមរាប)៖ ព័ត៌មានពីកន្លែងកើតហេតុ ដែលផ្ដល់ដោយមន្ដ្រីនគរបាលម្នាក់ សុំមិនបញ្ចេញឈ្មោះ បានថ្លែងឲ្យដឹងថា នៅថ្ងៃទី៨ ខែកញ្ញា ឆ្នាំ២០១៤នេះ ល្ងាចម៉ោងប្រមាណជា ១៧៖០០នាទី មានករណីក្មេងលេងថ្មទូរស័ព្ទម្នាក់ បណ្តាលឲ្យផ្ទុះ និងធ្វើឲ្យកុមារម្នាក់ឈ្មោះ ទាវ វាសនា ភេទប្រុស អាយុ ១២ឆ្នាំ នៅភូមិបុសតាតាវ ឃុំស្វាយចេក ស្រុកពួក ខេត្តសៀមរាប រងរបួសពេញខ្លួន ពិសេសដៃ និងជើង ផងដែរ ដោយសារតែគេបានយកថ្ម ទូរស័ព្ទ ផ្គួបគ្នាដើម្បីតអំពូល (អំពិលអំពែក) ហើយត្រូវបានសាច់ញាតិ បញ្ជូនមកកាន់មណ្ឌលសុខភាព ឃុំស្វាយចេក៕