(ភ្នំពេញ)៖ បន្ទាប់ពីប្រើអំពើរហឹង្សាវាយដំលើតារាសម្តែងស្រីសាច់ខ្ចីដូចបណ្តូលចេកកញ្ញា ពេជ្រ អាវីហ្សា បណ្តាលឲ្យរបួសស្ទើរសុះសាច់កាលពីយប់ថ្ងៃទី ១៣ ខែវិច្ឆិកា ឆ្នាំ២០១៦ក្នុងទឹកដីខេត្តព្រះសីហនុមកនោះអតីតសង្សារបស់នាងគឺលោក គៀន ហេង ក៏ត្រូវបានតុលាការសម្រេចឃុំខ្លួនកាលពីថ្ងៃទីល្ងាចថ្ងៃទី១៦ ខែវិច្ឆិកា ខណៈមហាជនជាច្រើនបានធ្វើការរិះគន់យ៉ាងចាស់ដៃផងនោះ។
យ៉ាងណាមិញក្រោយពេលឃុំខ្លួនទើបបានរយៈពេល៣ថ្ងៃប៉ុណ្ណោះសារសំងាត់ របស់អតីតសង្សាកញ្ញា ពេជ្រ អាវីហ្សា គឺលោក គៀន ហេង ដែលស្នើរឲ្យមានកិច្ចអន្តរាគមដោយអង្វរសុំឲ្យបលោក ផែង វណ្ណៈ បញ្ឈប់ការបង្ហោះព័ត៌មានពាក់ព័ន្ធការប្រើអំពើហឹង្សាលើអតីតគូស្នេហ៍ត្រូវបានមន្រ្តីបានទម្លាយជាសាធារណៈនៅលើបណ្តាញសង្គមហ្វេសប៊ុក។
បើតាមការទម្លាយពីមន្រ្តីនគបាលក្រសួងមហាផ្ទៃគឺលោក ផែង វណ្ណៈ នៅលើបណ្តាញសង្គមយក្សមួយនេះបានឲ្យដឹងថាក្រោយពេលប្រើហឹង្សាបង្ករបួសស្នាមលើកអតីតមិត្តស្រីកញ្ញា ពេជ្រ អាវីហ្សា ហើយភ្លាមៗនោះរូបថតនៃការរងរបួសស្នាមរបស់កញ្ញា ពេជ្រ អាវីហ្សាក៏ត្រូវបានបង្ហោះចែកចាយនៅលើបណ្តាញសង្គមហ្វេសប៊ុកតាមរយៈលោក ផែង វណ្ណៈ គេសង្កេតឃើញជនបង្កគឺលោក គៀន ហេង បានផ្ញើសាមកអង្វរអោយមានការបញ្ឈប់បង្ហោះព័ត៌មានពាក់ព័ន្ធលើករណីមួយនេះ។ប៉ុន្តែជាចម្លើយត្រូវបានលោក ផែង វណ្ណៈ ឆ្លើយបដិសេធ។
បង្ហោះភ្ជាប់ជាមួយខ្លឹមសារដែលលោក គៀន ហេង ផ្ញើមកអង្វរលោក ផែង វណ្ណៈ ក៏បានសរសេរថា ខ្ញុំកម្របញ្ចេញខ្លឹមសារឆាតឯកជនចេញមកខាងក្រៅណាស់ តែដោយសារមានភាពចាំបាច់ទើបខ្ញុំសម្រេចចេញផ្សាយឆាតឯកជនរបស់ខ្ញុំជាមួយលោក គៀង ហេង ដែលប្រើហឹង្សាលើកញ្ញា ពេជ្រ អាវីហ្សា៕
ផ្តល់សិទ្ធដោយ ៖ ខ្មែរថកឃីង