K-Drama ថ្មីៗទាំង ៦ រឿង ដែលសម្តែងដោយតារា K-Pop ក្នុងដើមឆ្នាំនេះ

ភាពយន្ត

K-Drama ថ្មីៗទាំង ៦ រឿង ដែលសម្តែងដោយតារា K-Pop ក្នុងដើមឆ្នាំនេះ

04:42 PM 14.02.2018
Print Email

1. Radio Romance

រឿងនេះនិយាយពីអ្នកសរសេរកម្មវិធីវិទ្យុម្នាក់ឈ្មោះ Song Geu Rim ដែលសម្តែងដោយតារា Kim So Hyun។ កម្មវិធីវិទ្យុដែល Song Geu Rim កំពុងធ្វើការ កំពុងជួបការលំបាក ហើយជិតបិទចោល ដូច្នោះហើយនាងក៏ ស្វែងរកជំនួយពីតារាល្បី លោក Ji Soo Ho ដែលសម្តែងដោយតារា Yoon Doojoon។ រឿងភាគនេះបានចាក់ផ្សាយ កាលពីថ្ងៃទី ២៩ ខែមករា ឆ្នាំ ២០១៨ មកម្ល៉េះ។

2. Suits

រឿងភាគនេះគឺនិយាយពីតួ Choi Kyung-Seo (Jang Dong-Gun) ដែលជាមេធាវីដ៏មានប្រជាប្រិយភាពម្នាក់។ ហើយគាត់បានរើសយក Go Yeon-Woo (Park Hyung Sik) មកធ្វើការជាមេធាវីថ្មីថ្មោង ក្នុងក្រុមហ៊ុនរបស់គាត់។ សមត្ថភាពពិសេសរបស់ Go Yeon-Woo គឺការចងចាំយ៉ាងលម្អិតរបស់គេ។ រឿងនេះគ្រោងនឹងចាក់ផ្សាយ ក្នុងដើមឆ្នាំ ២០១៨ នេះផងដែរ។

3. Four Sons

រឿងនេះនិយាយពី អ្នកស៊ើបអង្កេតនារី ដែលបានជួបប្អូនប្រុស ៤ នាក់ របស់សង្សារចាស់នាង។ Nana នឹងសម្តែងជាតួ Yeo Rin អ្នកស៊ើបអង្កេតនារី។ អ្នកស៊ើបអង្កេតវ័យក្មេងនេះ បានសម្រេចចិត្តក្នុងការស្វែងរកពីមូលហេតុនៃការស្លាប់របស់សង្សារចាស់នាង ហើយបានធ្លាក់ខ្លួនក្នុងស្ថានភាពមិនបានព្រៀងទុក។ លោក Ren នឹងសម្តែងជាតួ Yeo Hoon ដែលជាប្អូនប្រុសដ៏គួរឲ្យស្រលាញ់របស់ Yeo Rin តែគាត់មានអាថ៌កំបាំងផ្ទាល់ខ្លួនមួយ។

4. Miss Hammurabi

លោក L ពី ក្រុម INFINITE នឹងចូលរួមសម្តែងនៅក្នុងរឿង "Miss Hammurabi" ។ គាត់នឹងសម្តែងជាមួយ Go Ara ។ ខ្សែភាពយន្តនេះនិយាយអំពី ចៅក្រមស្រីម្នាក់ (Go Ara) ដែលមានអាយុម្ភៃឆ្នាំក្រាស់ ដែលគាត់មិនអនុញ្ញាតិឱ្យមានការរើសអើង ឬមិនគោរពតាមច្បាប់ឡើយ។ តួ Im Ba-Reun (សម្តែងដោយ L) គឺជាមិត្តរួមការងាររបស់នាង។ ខ្សែភាពយន្តនេះនឹងចាក់ផ្សាយនៅខែឧសភាឆ្នាំ ២០១៨ ។

5. That Man Oh Soo

លោក Jonghyun ពីក្រុម CNBLUE នឹងសម្តែងនៅក្នុងរឿង 'That Man Oh Soo' ។ ខ្សែភាពយន្តនេះនិយាយអំពី បុរសម្នាក់ឈ្មោះ Oh Soo (Lee Jong Hyun) ដែលធ្វើការជាវិស្វករផ្នែកបច្ចេកវិទ្យា និងម្ចាស់ហាងកាហ្វេ។ Oh Soo គឺដូចជាទេវតានៃក្តីស្រលាញ់ (Cupid) ព្រោះគាត់តែងតែធ្វើឲ្យ ក្មេងៗលង់ស្រលាញ់គ្នា តាមរយៈសិល្ប៍របស់គាត់។ បន្ទាប់មកគាត់ក៏បានធ្លាក់ក្នុងអន្លង់ស្នេហ៍របស់ Seo Yoo Ri (Kim So Eun) ដែលជាមន្រ្តីប៉ូលីសឯករាជ្យមួយដែលមានបុគ្គលិកលក្ខណៈស្រស់ស្រាយ។ រឿងនេះនឹងចាក់ផ្សាយក្នុងខែមិនា ឆ្នាំ ២០១៨ នេះ។

6. My Ahjusshi

រឿងនេះនិយាយពី បងប្អូនប្រុសបីនាក់ ដែលព្យាយាមដោះស្រាយបញ្ហាប្រចាំថ្ងៃរបស់ពួកគេ និងស្ត្រីម្នាក់ដែលធ្វើជារឹងមាំ ដោយសារតែនាងជួបប្រទះភាពលំបាកក្នុងជីវិតរបស់នាង។ តួ Lee Ji An (IU) គឺជាស្រ្តីម្នាក់ ដែលស៊ូទ្រាំនឹងការលំបាកជាច្រើន។ ចៅហ្វាយ របស់ Lee Ji An បានឲ្យនាងទៅស្វែងរកចំនុចខ្សោយរបស់ Park Dong Hoon។ លោក Park Dong Hoon (Lee Sun Gyun) គឺជាវិស្វករស្ថាបត្យកម្ម។ ចុងក្រោយនាងបានលង់ស្រលាញ់ Dong Hoon ហើយចាប់ផ្តើមទុកចិត្តមនុស្សដំបូងក្នុងជីវិតរបស់នាង ៕