CamNews

ថៃ ៖​ ហ្វេនភាគច្រើនសុទ្ធតែបានដឹងមកហើយថា តារាសម្តែងថៃ លោក Mark Prin គឺជាមិត្តប្រុសរបស់នាង Kimberly ហើយអ្នកទាំងពីរបានចាប់ដៃគ្នាសាងស្នេហាអស់រយៈពេលជាច្រើនឆ្នាំមកហើយ ប៉ុន្តែថ្មីៗនេះបែរជាលេចធ្លាយព័ត៌មានថា Mark prin បណ្តើរស្រីថ្មីទៅទិញឥវ៉ាន់ ដែលមិនមែនជា Kimberly ទេ ។ 

យោងតាមប្រភពផ្លូវការរបស់ប្រទេសថៃបានឲ្យដឹងថា ស្រីដែលលោក Mark Prin បណ្តើរនោះគឺនាង Sky Maria ។ នៅក្នុងព្រឹត្តិការណ៍មួយឈ្មោះថា OVS តារាសម្តែងវ័យ ២៨ ឆ្នាំរូបនេះក៏បានស្រាយចម្ងល់ជាមួយនិងអ្នកកាសែតអំពីរឿងនេះ ។ 

-ឱកាសពិសេសសម្រាប់អ្នកចង់ផ្សាយពាណិជ្ជកម្ម នៅលើគេហទំព័រ Camnews 

អ្នកកាសែត ៖ លោកពិតជាបានទៅដើរទិញឥវ៉ាន់ជាមួយនិង Sky The Face? 

លោក Mark prin ៖ ខ្ញុំពិតជាចង់ដឹងចង់លឺអំពីព័ត៌មាននេះមែនទែន!! ជាការពិតណាស់ យើងធ្លាប់ធ្វើការជាមួយគ្នា ប៉ុន្តែបន្ទាប់ពីនោះ គឺគ្មានពាក់ព័ន្ធអ្វីនឹងគ្នានោះទេ ។ 

អ្នកកាសែត ៖ តើលោកពិតជាមិនបានទាក់ទងនាងពិតមែន? 

លោក Mark prin ៖ គ្មានទេ ។ 

អ្នកកាសែត ៖ លោកមានបាននិយាយគ្នាជាមួយនាងស្ងាត់ៗទេ? 

លោក Mark prin ៖ គ្មានទេ ។ 

អ្នកកាសែត ៖ តើលោកបានឃើញព័ត៌មាននេះយូរ ឬនៅ? 

លោក Mark prin ៖ ខ្ញុំទើបបានឃើញនៅលើបណ្តាញសង្គម ។ អ្នករាល់គ្នាអាចសរសេរអ្វីដែលគេសរសេរ ប៉ុន្តែពួកគេពិតជាមិនបានដឹងថាវាពិតឬអត់ទេ ។ 

អ្នកកាសែត ៖ ព័ត៌មាននេះជះឥទ្ធិពលដល់លោកខ្លាំងទេ? 

លោក Mark prin ៖ ខ្ញុំព្យាយាមមិនយកចិត្តទុកដាក់ដែរ ប៉ុន្តែខ្ញុំពិតជាមិនយល់ ដោយសារតែវាធ្វើអោយប៉ះពាល់ដល់ការងាររបស់នាង ។ 

អ្នកកាសែត ៖ លោកខឹងជាមួយនិងអ្នកណាដែលបង្កើតព័ត៌មានបែបនេះឡើងទេ? 

លោក Mark prin ៖ ខ្ញុំមិនដឹងថាត្រូវខឹងយ៉ាងម៉េចទេ (ញញឹម) ។ ខ្ញុំមិនដឹងថាត្រូវធ្វើយ៉ាងម៉េចទេ តាមដំនើរទៅ ។ 

អ្នកកាសែត ៖ លោកមានបាននិយាយជាមួយមិត្តស្រីគឺនាង Kimmy Kimberley ដែរទេ? 

លោក Mark prin ៖ អត់ទេ!! 

អ្នកកាសែត ៖ លោកធុញនឹងព័ត៌មានបែបនេះទេ? 

លោក Mark prin ៖ ពិតប្រាកដណាស់ ។ 

អ្នកកាសែត ៖ តើលោកនឹងចាត់វិធានការអ្វីទៅលើអ្នកដែលចេញព័ត៌មាននេះទេ? 

លោក Mark prin ៖ អត់ទេ ៕

ប្រែសម្រួល ៖ គន្ធា

ប្រភព ៖ thaistarnews