ចាប់ពូលរួចហើយក្នុងពាន Europa League, Man Utd ស្ថិតក្នុងពូលស្រួលបំផុត
(ម៉ូណាកូ)៖ ការចាប់ពូលក្នុងព្រឹត្តិការណ៍ពានរង្វាន់លំដាប់ទី២ ប្រចាំទ្វីបអឺរ៉ុប UEFA Europa League រដូវកាលឆ្នាំ២០១៦-២០១៧ ត្រូវបានបញ្ចប់ហើយយប់មិញនេះ ដោយមានក្រុមខ្លាំង Manchester United ស្ថិតក្នុងពូល A ដំបូងគេ ដែលត្រូវតតាំងជាមួយអតីតកីឡាកររបស់គេ Robin van Persie ដែលកំពុងលេងឲ្យក្លឹប Fenerbahce, Feyenoord, Zorya Luhansk។
មិនជាយ៉ាប់ប៉ុន្មានទេសម្រាប់ Man Utd ពីការប្រដែងយកកៅអី ដើម្បីឡើងទៅវគ្គ១៦ក្រុម បើទោះបីជាត្រូវប្រជែងជាមួយខ្សែប្រយុទ្ធចាស់របស់គេ Robin van Persie ដែលត្រូវបាន ក្លឹបលក់ទៅឲ្យក្លឹបតួកគី Fenerbahce កាលពីឆ្នាំ២០១៥ ដោយសារតែធ្លាក់ទម្រង់លេងខ្លាំងពេក បន្ទាប់ពីរកគ្រាប់ស៊ុតបញ្ចូលទីបាន៥៨គ្រាប់ ពីការចូលលេង បាន ១០៥ប្រកួតនៅទឹកដី Old Trafford មកនោះ។
ការប្រកួតសន្សំពិន្ទុទាំង ១២ពូល (៤ក្រុមក្នុង១ពូល) នឹងចាប់ផ្តើមចេញដំណើរនៅថ្ងៃទី១៥ ខែកញ្ញា ឆ្នាំ២០១៦ តទៅហើយរហូតដល់ថ្ងៃទី០៨ ខែធ្នូ ឆ្នាំ២០១៦ ដដែលទើបចប់វគ្គជម្រុះសន្សំពិន្ទុនេះ៕
កីឡាករខ្សែប្រយុទ្ធ Robin van Persie (អាវក្រហម) កាលលេងនៅ Man Utd
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
