CamNews

(ភ្នំពេញ)៖ មិនមែនមានតែទស្សនិកជនអ្នកនិយមលេងបណ្តាញសង្គមហ្វេសប៊ុននោះទេ​ដែ​ល​បា​​នរិះគន់លើការប្រើប្រាស់ពាក្យសម្តីរបស់តារាចម្រៀងផលិតកម្មថោនកញ្ញា លី អ៊ីវ៉ាធីណា ហើយគាំទ្រខាងភាគីតារាចម្រៀងស្រីរូបស្រស់កញ្ញា សុខ ពិសី សូម្បីតែតារាសិល្បៈមួយចំនួន​ក៏បានបង្ហាញគោលជំហរគាំទ្រកញ្ញា សុខ ពិសី ហើយរិះគន់លើកញ្ញា លី អ៊ីវ៉ាធីណា ផងដែរ។

ជាស្តែងថ្មីៗនេះតារាសម្តែងស្រីស្រអែមស្រស់កញ្ញា សុខ ស្រីម៉ុច នៅលើបណ្តាញ​សង្គម​ហ្វេ​ស​ប៊ុករបស់នាងក៏បានបង្ហាញពីចំណាប់អារម្មណ៍គាំទ្រកញ្ញា សុខ ពិសី ហើយបាន​រិះគន់លើ​តារាចម្រៀងកញ្ញា លី អ៊ីវ៉ាធីណា ថានិយាយយូទៅប្រៀបដូចជាក្មេងថ្នាក់មតេយ្យ។ខណៈ​ពេ​លដែលឃ្លីបវីដេអូចេញមុខបកស្រាយរបស់កញ្ញា លី អ៊ីវ៉ាធីណា ត្រូវបានបង្ហោះប​កស្រាយ​ឆ្លើ​យកញ្ញា សុខ ពិសី និងការរិះគន់របស់មហាជន។

តារាស្រីកញ្ញា សុខ ស្រីម៉ុច បានសរសេរបង្ហោះភ្ជាប់ជាមួយការShareឃ្លីបវីដេអូរបស់កញ្ញា លី អ៊ីវ៉ាធីណា ថា បងស្រី លី អ៊ីវ៉ាធីណា និយាយយូៗទៅដូចមនុស្សថ្នាក់មតេយ្យចាំបាច់និយាយដ​ល់ពីមុនរឿងគាត់ក្រឡាប់ឡានធ្វើអ្វីឈប់បានឈប់ទៅសុទ្ធតែខ្មែរដូចគ្នាខ្មាស់មហាជនផង។ប​ងប​ងទាំងងពីរជាអក្នសិល្បៈត្រូធ្វើគំរូគេអូឬក៏ស្ងាត់ព័ត៌មានពេកបង្កើតពាក្យឈ្លោះគ្នាបើធ្វើចឹងមែនចប់ហើយមិនគិតយកបទចម្រៀងមកច្រៀងលក់អោយច្រើនចាំធ្វើបែបនឹងធ្វើអី។

ដោយឡែកកាលពីប៉ុន្មានថ្ងៃមុននេះបន្ទាប់ពីកើតមានរឿងរ៉ាវនេះឡើងតារាសម្តែងសិចស៊ីក​ញ្ញា ដេននី ខ្វាន់ ក៏បានចេញមុខគាំទ្រកញ្ញា សុខ ពិសី និងរិះគន់កញ្ញា លី អ៊ីវ៉ាធីណាថា អត់កាន់ជើងខាងណាទេតែខ្ញុំក៏បានមើលដែលគឺឃើញថាកញ្ញា អ៊ីវ៉ាធីណា និយាយមកអត់មានវិជ្ជាជីវៈក្នុងខ្លួនសោះខ្ញុំមើលកម្មវិធីច្រើនដែលមិនថាThe voiceឬCambodia Idol នោះទេគឺមិនដែលឮគណៈកម្មការណានិយាយថាអ្នកចូលប្រលងមានសម្លេងច្រៀងពិរោះជាងម្ចាស់ដើ​មនោះ​ទេគឺធ្លាប់តែឮថាច្រៀងបានល្អ...។

តារាស្រីចង្កាស្រួចកញ្ញា ដេននី ខ្វាន់ បានបន្ថែមថា  ប្រហែលជាគាត់ពីរនាក់ហ្នឹងធ្លាប់មានជ​ម្លោះ​គ្នាពីមុនហើយ។ប៉ុ​ន្តែ​កញ្ញា សុខ ពិសី បាននិយាយហើយថាមិនដែលធ្លាប់មានបញ្ហាជា​មួយគ្នានោះទេចឹងគឺហេតុផលមានតែម្យ៉ាងទេគឺ(ច្រណែន)ស្អប់បំផុតអ្នកណាដែលអាងខ្លួនជារៀមច្បងហើយគិតថាខ្លួ​ននិយាយអីធ្វើអីក៏ត្រូវខ្ញុំយល់ពីអារម្មណ៍របស់កញ្ញា សុខ ពិសី ព្រោះខ្ញុំក៏ធ្លាប់ជួបរឿងបែបហ្នឹ​ងទាំងដែលខ្ញុំមិនបានធ្វើអីប៉ះពាល់ដល់អ្នកណាផងក៏មានគេជេរគេថានឹងព្យាយាមជាន់ពន្លិចខ្ញុំ​តែទីបំផុតធ្វើល្អបានល្អចុងក្រោយខ្ញុំនៅតែរក្សាជំហររបស់ខ្ញុំបានដដែល៕

ផ្តល់សិទ្ធដោយ ៖ ខ្មែរថកឃីង