តើអូស្ដ្រាលី អាចសងសឹកវៀតណាម លើកពាន AFF U-16 បានអត់ល្ងាចនេះ?
(ភ្នំពេញ)៖ បន្ទាប់ពីទម្លាក់ក្រុមការពារតំណែងជើងឯកថៃ ដោយបាល់ប៉េណាល់ទីរួចមក ក្រុមយុវជនមាឌធំអូស្ដ្រាលី នឹងត្រូវជួបក្រុមយុវជន U-16 វៀតណាមម្ដងទៀត នៅក្នុងវគ្គផ្ដាច់ព្រ័ត្រពានរង្វាន់ AFF U-16 Championship ល្ងាចនេះ ខណៈកាលជួបគ្នាក្នុងពូលកាលពីពេលថ្មីៗកន្លងទៅ ក្រុម U-16 អូស្រ្ដាលី ចាញ់ក្រុម U-16 វៀតណាម ៣-០។ ដូច្នេះចាំមើលតើអូស្រ្ដាលី អាចសងសឹក លើកពាននេះបានទេ?
សូមរំឮកថា មុនឈានដល់វគ្គផ្ដាច់ព្រ័ត្រនេះ ក្រុម U-16 អូស្ដ្រាលី បានយកឈ្នះក្រុម U-16 ថៃ ដោយបាល់ប៉េណាល់ទីកាត់សេចក្ដី ៥-៣ បន្ទាប់ពីប្រកួតពេញម៉ោង ៩០នាទីស្មើគ្នា ៣-៣។ ចំណែកក្រុម U-16 វៀតណាមវិញ គឺបានយកឈ្នះទាំងលំបាកលើក្រុមយុវជនម្ចាស់ផ្ទះកម្ពុជា ដោយលទ្ធផល ១-០ កាលពីថ្ងៃទី២១ ខែកក្កដាកន្លងទៅ។
លោក Dinh The Nam គ្រូបង្វឹកក្រុមយុវជនវៀតណាម បានលើកឡើងថា ថ្វីត្បិតក្រុមលោកធ្លាប់យកឈ្នះក្រុមយុវជនអូស្រ្ដាលីក្នុងពូលក៏ពិតមែន ប៉ុន្ដែបន្ទាប់ពីលោកតាមដានការប្រកួតរវាងអូស្ដ្រាលី និងថៃរួចមក លោកគិតថា អូស្ដ្រាលី ពិតជាមិនធម្មតាឡើយ ជាមួយនឹងការផ្លាស់ប្ដូរទម្រង់លេងថ្មី ដូច្នេះលោកនឹងស្វែងរកយុទ្ធសាស្ដ្រថ្មីៗ ដើម្បីទប់ទល់ និងយកឈ្នះអូស្ដ្រាលី លើកពានយុវជនថ្នាក់តំបន់នេះឲ្យបាន។
ដោយឡែកនៅថ្ងៃនេះដែរ ក្រុមយុវជនកម្ពុជា ក៏ត្រូវជួបគ្នាជាថ្មី ជាមួយក្រុមយុវជនថៃ ដើម្បីដណ្ដើមចំណាត់ថ្នាក់លេខ៣ ប្រចាំព្រឹត្តិការណ៍ AFF U-16 Championship នេះផងដែរ។ កាលពីជួបគ្នាក្នុងពូល B ក្រុមម្ចាស់ផ្ទះកម្ពុជា បានប្រកួតចាញ់ក្រុមថៃ ៦-០ ឯណោះ។ ប៉ុន្ដែលោក Inoue Kazanori គ្រូបង្វឹកក្រុមយុវជនកម្ពុជា នៅតែមានទឹកចិត្តយកឈ្នះថៃជានិច្ច បើទោះបីធ្លាប់ចាញ់ថៃក៏ដោយ។ លោកថា «លទ្ធផល ទាល់តែការប្រកួតចប់ ទើបបានដឹងឈ្នះ-ចាញ់»៕
U-16 វៀតណាម កាលយកឈ្នះ U-16 កម្ពុជា ១-០
U-16 កម្ពុជា (អាវខៀវ) ប្រកួតទល់នឹង U-16 វៀតណាម វគ្គពាក់កណ្តាលផ្តាច់ព្រ័ត្រ
U-16 ថៃ
ផ្តល់សិទ្ធដោយ ៖ ខ្មែរថកឃីង
កីឡាជាតិ ដែលមើលច្រើន
