ត្រឹម ៧នាទីចុងម៉ោង អេស្ប៉ាញរកបាន ២គ្រាប់តាមស្មើអង់គ្លេស ២-២ ក្នុងមិត្តភាពយប់មិញ
(ក្រុងឡុងដ៍)៖ ក្រុមបាល់ទាត់ជម្រើសជាតិអេស្ប៉ាញ បានធ្វើការវាយបករកបាន២គ្រាប់ភ្លាមៗត្រឹមតែ៧នាទីចុងម៉ោង ដើម្បីទទួលបានលទ្ធផលស្មើ ២-២ ទល់នឹងក្រុមម្ចាស់ផ្ទះអង់គ្លេសក្នុងមិត្តភាពអន្តរជាតិយប់មិញនេះ នៃពហុកីឡដ្ឋាន Wembley។
តាមរយៈសារព័ត៌មាន BBC បានចេញផ្សាយនាថ្ងៃពុធ ទី១៦ ខែវិច្ឆិកា ឆ្នាំ២០១៦ នេះថា អតីតម្ចាស់ជើងឯកពានរង្វាន់ បាល់ទាត់ពិភពលោក World Cup 2010 គោជល់អេស្ប៉ាញ បានធ្វើការវាយបកយក២គ្រាប់វិញនៅនាទីទី៨៩ ពីការធ្វើ បានសម្រេចដោយកីឡាករ Iago Aspas មុនពេលមិត្តរួមក្រុម Isco មកពីក្លឹប Real Madrid បន្ថែមគ្រាប់ទី២ នៅនាទីទី៩០+៦ ក្រោយពេលរបូត២គ្រាប់នៅនាទីទី៩ ប៉េណាល់ទីដោយ Adam Lallana និង Jamie Vardy នៅនាទីទី៤៨។
ការសម្រេចបានលទ្ធផលស្មើ ក្រោយបញ្ចប់ការប្រកួតពេញម៉ោងនេះដែរ អេស្ប៉ាញបានបញ្ចប់ការឈ្នះរបស់គ្រូបង្វឹកអង់គ្លេសថ្មី Gareth Southgate ក្នុងការដឹកនាំលេង៤ប្រកួត ឈ្នះ៣ និងស្មើ១ដង៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
