ស្វាមី កាតុ លោក ខ្យង ជំងឺរើឡើងវិញត្រូវសង្គ្រោះបន្ទាន់ជាថ្មីនៅមន្ទីរពេទ្យកាល់ម៉ែត្រ
(ភ្នំពេញ)៖ បន្ទាប់ពីវិលត្រប់មកពីព្យាបាលនៅប្រទេសវៀតណាមមិនទាន់បានប៉ុន្មានថ្ងៃផង ស្វាមីតារាកំប្លែងអ្នកនាង កាតុ គឺលោក ខ្យង ពេលនេះជំងឺបេះដូងធ្វើទុក្ខត្រូវចូលសង្គ្រោះជាថ្មីនៅមន្ទីពេទ្យកាល់ម៉ែត្រកាលពីយប់ថ្ងៃទី១៨ ខែមិថុនា ឆ្នាំ២០១៦ម្សិលមិញ។
បើតាមFacebook Page សិល្បករកម្ពុជា របស់លោក អ៊ឹម ជីវ៉ា បានបង្ហោះភ្ជាប់ជាមួយរូបភាពប៉ុន្មានស្លឹកនៃសកម្មភាពចូលមន្ទីពេទ្យពីសំណាក់ស្វាមីអ្នកនាង កាតុ ថាយប់ថ្ងៃទី១៨ ខែ មិថុនា ឆ្នាំ២០១៦ ស្វាមីរបស់តារាកំប្លែងអ្នកនាងសុខ ចាន់ ធីតា ហៅ ស្រីតុ កំពុងចូលសង្រ្គោះបន្ទាន់ម្តងទៀតហើយ នៅមន្ទីពេទ្យកាល់ម៉ែត្រ ដោយជំងឺបេះដូងរើឡើងវិញ ។
ប្រភពដដែលបានបន្តថា មិនទាន់ដឹងថាជំងឺរបស់លោក ខ្យង ប្រែប្រួលយ៉ាងណានោះទេ ព្រោះគ្រូពេទ្យសូមតាមដានជំងឺបន្ត ។ បន្ទាប់ពីបញ្ជូនមកដល់មន្ទីពេទ្យកាល់ម៉ែត្រទាំងយប់ភ្លាមនោះ ក៏មានវត្តមានតារាល្បីៗជាច្រើនមកសួសុខទុក្ខដល់មន្ទីពេទ្យភ្លាមៗដែរ ក្នុងនោះរួមមាន៖ លោក អ៊ឹម ជីវ៉ា , លោក វណ្ណៈ , អ្នកនាង ខាត់ សុឃីម និងស្វាមី , លោក ករុណា ពេជ្រ , លោក សុគន្ធថេរៈយុ , កញ្ញា អាលីហ្សា និង កញ្ញា ស្រីពៅ ជាដើម។
គួររម្លឹកថាលោក ខ្យង ស្វាមីតារាកំប្លែងនិងចម្រៀងអ្នកនាងកាតុ បានធ្លាក់ខ្លួនឈឺកាលពីថ្ងៃសៅរ៍ ទី០៤ ខែមិថុនា ឆ្នាំ២០១៦ ដោយសាជំងឺដាច់សរសៃឈាមបេះដូង ខណៈពេលកំពុងលេងភ្លេងហើយត្រូវបញ្ជូនទៅព្យាបាលបន្ទាន់នៅប្រទេសវៀតភ្លាមៗដោយក្នុងមួយយប់ត្រូវចំណាយជាង១ម៉ឺនដុល្លារ ប៉ុន្តែក្រោយពេលធូស្រាលក៏ត្រូវបានវិលត្រឡប់មកភ្នំពេញវិញ តែដោយសារស្ថានភាពជំងឺមិនទាន់ជាសះស្បើយនោះ ឥឡូវត្រូវចូលពេទ្យជាថ្មី៕
ផ្តល់សិទ្ធដោយ ៖ ខ្មែរថកឃីង
- កាតុ បញ្ជូនស្វាមីទៅវៀតណាមម្ដងទៀត ខណៈការព្យាបាលជាមួយគ្រូពេទ្យស្រុកខ្មែរ បានធូរស្រាល (27/06/2016 16:02:00)
- ស្វាមីអ្នកនាង សុខ ចានធីតា ហៅ កាតុ ស្ថានភាពជំងឺបេះដូងបានធូរស្រាលខ្លះហើយ (20/06/2016 16:41:00)
- កាតុ ត្រូវអ្នកសិល្បៈដូចគ្នា រិះគន់ចំៗព្រោះពូកែឌឺដង ពេក (06/12/2013 13:05:00)
តារា ដែលមើលច្រើន
