ព័ត៌មានអំពីសំបុត្រចូលទស្សនា Europa League វគ្គផ្តាច់ព្រ័ត្រ
ក្រុមតោខៀវឆេលស៊ី (Chelsea) នឹងត្រូវប្រកួតជាមួយក្រុមកាំភ្លើងធំអាសិនណល (Arsenal) ក្នុងជំនួបវគ្គផ្តាច់ព្រ័ត្រ UEFA Europa League នៅថ្ងៃពុធ ទី២៩ ខែឧសភា ឆ្នាំង ២០១៩ ខាងមុខនេះ ។ ការប្រកួត នឹងត្រូវចាប់ផ្តើម នៅម៉ោង ៨ ល្ងាច ម៉ោងនៅប្រទេសអង្គគ្លេស ហើយត្រូវនឹងម៉ោង ១១ យប់ម៉ោងចាក់ផ្សាយ នៅពហុកីឡដ្ឋានអូឡាំពិក ក្នុងទីក្រុងបាគូ រដ្ឋអាហ្សឺបៃស្សិន (Azerbaijan)។
ក្រោយពីទទួលបានជ័យជម្នះ ទៅលើក្រុម Valencia ក្នុងជំនួប UEFA Europa League វគ្គពាក់កណ្ដាលផ្តាច់ព្រ័ត្រមក ពួកយើងនឹងត្រូវប្រគួតក្នុងវគ្គផ្តាច់ព្រ័ត្រ UEFA Europa League នៅថ្ងៃពុធ ទី ២៩ ខែឧសភា ឆ្នាំង២០១៩ ខាងមុខនេះ នៅពហុកីឡដ្ឋានអូឡាំពិក ក្នុងទីក្រុងបាគូ រដ្ឋអាហ្សឺបៃស្សិន។
សំបុត្រ នឹងមិនមានដាក់លក់ទេ ក្នុងការប្រកួតនេះ
សមាជិក ដែលបានកក់ពីមុន និងបានជ្រើសរើសមធ្យោបាយដឹកជញ្ជូនសំបុត្រពិសេស នឹងត្រូវបានគេផ្ញើសំបុត្រមកឱ្យតាមរយៈប្រៃសណីយ៍ ចាប់ពីថ្ងៃច័ន្ទ ទី ២០ ខែឧសភា ឆ្នាំ២០១៩ ដែលនឹងត្រូវមកដល់មុនថ្ងៃពុធទី ២២ ខែឧសភា ឆ្នាំ២០១៩ ។ សូមចាំថា ប្រសិនបើអ្នកសម្រេចថា មកទទួលសំបុត្រពីប្រអប់សំបុត្ររបស់ការិយាល័យប្រៃសណីយ៍ដ្រាយតុនផាក (Drayton Park) អ្នកត្រូវមកទទួលវាឱ្យបានមុនម៉ោង ៥ ល្ងាច នៅថ្ងៃសុក្រទី២៤ ខែឧសភា ឆ្នាំ២០១៩ ។
សមាជិកដែលមកទទួលសំបុត្រ នៅទីក្រុងបាគូ (Baku) ពីសណ្ឋាគារ Holiday Inn នៅចន្លោះពេលដូចខាងក្រោម នឹងទទួលបានអ៊ីម៉ែលរៀបរាប់លម្អិតពីទម្រង់បែបបទ ដែលអ៊ីម៉ែលនេះ ផ្ញើទៅកាន់អាសយដ្ឋានអ៊ីម៉ែលរបស់អតិថិជនពិសេសប៉ុណ្ណោះ។
តារាងទទួលសំបុត្រក្នុងទីក្រុងបាគូ - (ត្រូវភ្ជាប់ជាមួយនឹងអត្តសញ្ញាណប័ណ្ណ)
ថ្ងៃអង្គារ៍ ទី ២៨ ខែឧសភា ចាប់ពីរ ម៉ោង ២ រសៀល ដល់ម៉ោង ៨ យប់
ថ្ងៃពុធ ទី២៩ ខែឧសភា ចាប់ពីរ ម៉ោង ១០ព្រឹក ដល់ម៉ោង ៦ យប់
ជាអកុសលពួកយើងមិនអាចបង្ហាញអេក្រង់ រីផ្លេ (LED Screening) ក្នុងការប្រគួតវគ្គផ្តាច់ព្រ័ត្រ UEFA Europa League នៅថ្ងៃពុធ ទី២៩ ខែឧសភា ឆ្នាំង២០១៩ នេះសម្រាប់អ្នកគាំទ្រ នៅពហុកីឡដ្ឋាន អ៊ីមឺរ៉េតបានទេ ។ ហេតុផលផលនេះ បណ្ដាលមកពីការលើកថ្ងៃជួសជុល ដែលចាប់ផ្ដើមនៅពហុកីឡដ្ឋានបន្ទាប់ពីការប្រគួតជាមួយ Brighton។ ដោយសារតែចំនួនកន្លែងជួសជុល បានកើនឡើងក្នុងអំឡុងពេលរដូវក្តៅនេះ និងកាលវិភាគក៏ខ្លីដែរនោះ វាពិតជាមិនអាចពន្យារការជួសជុលឱ្យលើសពី ៣ សប្តាហ៍ឡើយ បើពុំនោះទេ ពហុកីឡដ្ឋាន នឹងជួសជុលមិនរួចរាល់សម្រាប់ថ្ងៃបើកការប្រកួតឡើយ។
ទម្រង់បែបបទសំខាន់សម្រាប់ការធ្វើដំណើរ
នៅពេលដែលការកក់ទទួលបានជោគជ័យ អ្នកគួតែបានទទួលអ៊ីម៉េល ដែលមានទម្រង់បែបបទ ដែលត្រូវតែបំពេញ និងផ្ញើត្រលប់ទៅវិញភ្លាមៗ សម្រាប់អ្នកគាំទ្រ ដែលធ្វើដំណើរ។ ចំពោះអ្នកដែលពុំបានបំពេញ ព័ត៌មានលម្អិត នឹងនាំឱ្យការកក់សំបុត្ររបស់អ្នក ត្រូវបានលក់ចោល។
ព័ត៌មានអំពីទិដ្ឋាការចូលក្នុងរដ្ឋអាហ្សឺបៃស្សិន (Azerbaijan)
សូមចងចាំថា ប្រសិនបើអ្នកមានសញ្ជាតិ អង់គ្លេសធ្វើដំណើទៅក្រុងបាគូ អ្នកត្រូវតែដាក់ពាក្យសុំទិដ្ឋាការ ដើម្បីចូលក្នុងរដ្ឋអាហ្សឺបៃស្សិន (Azerbaijan)។
សូមបំពេញពាក្យសុំតាមអ៊ិនធឺណិត នៅលើគេហទំព័រ Asan Visa (https://evisa.gov.az/en/)។ ឯកសារតែមួយគត់ ដែលតម្រូវសម្រាប់ពាក្យសុំទិដ្ឋាការអេឡិចត្រូនិក គឺជាទំព័រទិន្នន័យដែលបានថតចម្លងលិខិតឆ្លងដែនអ្នកកាន់សំបុត្រ ហើយក្នុងប្រឡោះ "គោលបំណងនៃដំណើរទស្សនកិច្ច" នៃពាក្យសុំទិដ្ឋាការអេឡិចត្រូនិក អ្នកគួរតែជ្រើសរើស "វគ្គផ្តាច់ព្រ័ត្រ Europa League" ។
យើងសូមណែនាំឱ្យអ្នកដាក់ពាក្យសុំទិដ្ឋាការអេឡិចត្រូនិច ឱ្យបានមុនថ្ងៃទី ២០ ខែឧសភាឆ្នាំ ២០១៩ ហើយលិខិតឆ្លងដែនរបស់អ្នក ត្រូវតែមានសុពលភាពយ៉ាងតិច ៦ ខែ បន្ទាប់ពីថ្ងៃចាកចេញពី រដ្ឋអាហ្សឺបៃស្សិន (Azerbaijan)៕
ប្រែសម្រួល៖ ស៊ីថា
ប្រភព៖ arsenal
កីឡាអន្តរជាតិ ដែលមើលច្រើន
