Higuain ផ្លាស់ចេញពី Napoli ទៅលេងឲ្យ Juventus ក្នុងនាមជាកីឡាករថ្លៃជាងគេ លំដាប់ទី៣
(ក្រុងតូរីន)៖ កីឡាករខ្សែប្រយុទ្ធជួរមុខ Gonzalo Higuain បានសម្រេចចិត្តផ្លាស់ចេញពីក្លឹប Napoli ទៅលេងឲ្យក្លឹបសេះបង្កង់ Juventus ដែលមានតម្លៃខ្លួន ៧៥.៣លានផោន ឈរនៅចំណាត់ថ្នាក់លេខ៣ពិភពលោក ក្នុងនាមជាកីឡាករថ្លៃជាងគេ។
សារព័ត៌មាន BBC បានផ្សាយឲ្យដឹងថា កីឡាករជនជាតិអាហ្សង់ទីន វ័យ២៨ឆ្នាំរូបនេះ បានព្រមចុះកិច្ចសន្យារយៈពេល ៥ឆ្នាំ ក្នុងការលេងឲ្យក្លឹបជើងឯកអ៊ីតាលី Juventus បន្ទាប់ពីបានចំណាយពេល ៣ឆ្នាំលេងឲ្យក្លឹបស្ថិតក្នុងក្របខណ្ឌ Italie-Serie A ពពកស Napoli ដោយបានស៊ុតបញ្ចូលទីបាន៣៥គ្រាប់ពីការចូលលេងបាន៣៦ប្រកួត រដូវកាលមុននេះ។
Higuain បានផ្លាស់ចេញពីក្លឹប Real Madrid មកចូលរួមលេងឲ្យក្លឹប Napoli ក្នុងឆ្នាំ២០១៣ ក្រោមតម្លៃខ្លួន ៣៤.៥លានផោន ដែលត្រូវបានក្លឹបកាំភ្លើងធំ Arsenal របស់អង់គ្លេស ទាក់ទងទិញដែរកាលពីដើមខែនេះ តែមិនបាន សម្រេចឡើយ ដោយរូបគេសម្រេចចិត្តជ្រើសយកក្លឹប Juventus វិញ។
ការទិញក្នុងតម្លៃខ្លួនខ្ពស់កប់ពពកបែបនេះ បានធ្វើឲ្យខ្សែប្រយុទ្ធ Gonzalo Higuain ឈរនៅចំណាត់ថ្នាក់លេខ៣ ចាប់ពីខែកក្កដា ឆ្នាំ២០១៦ តទៅ ដោយលេខ២ បានទៅកីឡាករ Cristiano Ronaldo របស់ក្លឹប Real Madrid កាលពីផ្លាស់ចេញពីក្លឹប Manchester United របស់អង់គ្លេសក្នុងឆ្នាំ២០០៩ និងលេខ១ Gareth Bale កាលផ្លាស់ចេញពីក្លឹប Tottenham Hotspur មានតម្លៃ ៨៥លានផោន៕
Gonzalo Higuain
Cristiano Ronaldo
Gareth Bale
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
