(ភ្នំពេញ)៖ ចំហាយស្នេហ៍បញ្ច្រាសទិស ពីសំណាក់តារាសម្តែងស្រីសិចស៊ី មិនប្រណីដៃ កញ្ញា ហ្វីហ្វី ហាក់នៅតែរសាត់ចេញទៅមិនឆ្ងាយ ពីជីវិតនាងទេ គឺបាននៅវិលវល់និងតាមញ៉ាំញី សម្រាប់ជីវិតតារាស្រីនាង ហ្វីហ្វី ជានិច្ច ពោលកន្លងផុតអស់មួយចូលមួយស្ទើរតែធ្វើឲ្យទស្សនិកជន តាមដានមិនទាន់ នៃភាពវិវឌ្ឍន៍ស្នេហារបស់នាង។ ខណៈពត៌មានស្នេហ៍ជាមួយបុរសម្នាក់ងារជាឧកញ៉ា មិនទាន់ត្រូវបានបញ្ជាក់ច្បាស់លាស់ផង ក៏ស្រាប់តែធ្លាយដំណឹងស្នហេ៍ អានិជនវ័យក្មេង នៅសិង្ហបុរី។
តារាសម្តែងសាច់សរខ្ចីដូចបណ្ដូលចេក ហ្វីហ្វី កាលពីថ្មីៗនេះ ត្រូវបានទស្សនិជនគាំទ្រ លើកការសង្ស័យជុំវិញការលួចលាក់ សាងសម្ព័ន្ធភាពស្នេហា ជាមួយបុរសឧកញ៉ា ជំនួញឈើក្នុងស្រុកម្នាក់។ ម្យ៉ាងទៀតថែមទាំងឮថានាង ហ្វីហ្វី រស់នៅក្រោយការជួយទំនុក បម្រុងពីសំណាក់គូស្នេហ៍សម្បូរទ្រព្យធន ម្នាក់នេះទៀតផង។ ប៉ុន្តែជាការឆ្លើយតប ចំពោះរឿងរ៉ាវខាងលើនេះ កញ្ញា ហ្វីហ្វី ក៏ធ្លាប់បានចេញមុខបដិសេធ ម្តងជាពីរដងរួចមកហើយដែរ ថាគ្មានស្នេហាជាមួយឧកញ៉ាណា និងជួយឧបត្ថម្ភជ្រោមជ្រែងនាងឡើយ។
ឆ្លងតាមការបកស្រាយ របស់នាង ហ្វីហ្វី ទាំងនេះ កន្លងមក បានធ្វើឲ្យចំណាយស្នេហ៍រសាយចេញពីអារម្មណ៍ របស់នាងរួចម្តងមកហើយ ប៉ុន្តែកាលថ្មីៗនេះ ស្របពេលពិធីរៀបចំខួបកំណើតនាង ចូលមកដល់ ក៏ធ្លាយដំណឹងថា ថវិកាដែលចំណាយលើកម្មវិធីទាំងប៉ុន្មាន ស្ថិតក្រោយការចំណាយ និងឧបត្ថម្ភដោយបុរសឧកញ៉ាខាងលើ គ្រាន់តែពេលខ្លះ ជាការបិទបាំងភ្នែកមហាជន។
យ៉ាងណាមិញ ទោះបីជាសាច់រឿងនេះ មិនទាន់កន្លងផុតចាកឆ្ងាយ ពីការតាមដានចង់ដឹងការពិត ពីទស្សនិកជនអ្នកគាំទ្រក្ដី តែថ្មីៗនេះនាង ហ្វីហ្វី ក្លាយហានបែរជាហ៊ានទម្លាយរូបថត ផ្អែមល្ហែមជាមួយបុរសវ័យក្មេងរូបសង្ហាម្នាក់ សម្ញែងភ្នែកមហាជន ជាសាធារណៈ។ នេះទំនងគ្រាន់តែល្បែង ដើម្បីបំភ័ន្តភ្នែកពីទស្សនិជនអ្នកគាំទ្រប៉ុណ្ណោះ។
កញ្ញា ហ្វីហ្វី ក្រៅតែពីការបង្ហោះរូប បង្ហាញពីភាពផ្អែមល្ហែមនេះ នាងក៏បានសរសេរថា «My cute boy nearly go to Singapore huy so sad but is ok wait wait wait » ដែលមានន័យជាភាសាខ្មែរថា « ប្រុសសំណព្វរបស់ខ្ញុំ ជិតនឹងទៅប្រទេស សិង្ហបុរី ហើយ.....ខ្ញុំពិតជាក្រៀមក្រំណាស់ ប៉ុន្តែ មិនថ្វីទេ...ខ្ញុំនឹងរង់ចាំ....រង់ចាំ....រង់ចាំ.»។
នៅព្រឹកថ្ងៃទី ០២ ខែមករា ឆ្នាំ២០១៦ នេះគេហទំព័រ Khmertalking មិនទាន់អាចសុំការសួរនាំ ពីកញ្ញា ហ្វីហ្វី តាមទូរស័ព្ទបានទេ។ ដូច្នេះKhmertalking ស្វាគមន៍ ចំពោះវត្តមាននៃការចេញមុខបំភ្លឺ ពីសាម៉ីខ្លួននៅពេលក្រោយ៕
ផ្តល់សិទ្ធដោយ ៖ ហ្វ្រេសញូវអាស៊ី