កម្លាំងអាវុធហត្ថយកគ្រឿងញៀន ដាក់ក្នុងហោប៉ៅរបស់យុវជនម្នាក់?
នៅពេលថ្មីៗនេះ រូបភាពវីដេអូ និងរូបថត ដែលចោទថា កម្លាំងអាវុធហត្ថបានយកគ្រឿងញៀន
ទៅដាក់ក្នុងហោប៉ៅរបស់យុវជនម្នាក់ ក្រោយពីឆែកឆេរមិនឃើញអ្វីនោះ ត្រូវបានបង្ហោះ និង
ផ្សព្វផ្សាយតៗគ្នា តាមបណ្តាញអ៊ីនធឹណែត បានក្លាយទៅជាពត៌មានដ៏ក្តៅគគុកបំផុត។
ខ្លីបវីដេអូដែលមានរយៈពេល២នាទី និង២៥វិនាទីបានបង្ហាញឲ្យឃើញពីកងរាជអាវុធហត្ថ បាន
ឈរកកកុញ ចោមរោមឃាត់ខ្លួនយុវជនម្នាក់ហើយឆែកឆេរអស់រយៈពេលមួយសន្ទុះ ប្រហែល
មិនឃើញមានភស្តុតាងអ្វីផ្ទុយនឹងច្បាប់នោះទេ។ បន្ទាប់មក មន្ត្រីកងរាជអាវុធហត្ថម្នាក់បានយក
វត្ថុម្យ៉ាងដែលគេសង្ស័យថា ជាថ្នាំញៀន ញាត់ចូលក្នុងហោប៉ៅខោក្រោយរបស់ជនសង្ស័យ។
តាមប្រភពព័ត៌មានកាសែតដើមអំពិលបានឲ្យដឹងថា យុវជននេះឈ្មោះ សោម សុម៉ុច អាយុ ២៥ឆ្នាំ
រស់នៅក្នុងប្លុកបុរីកីឡា បានរៀបរាប់រឿងរ៉ាវទាំងនេះ នៅយប់ថ្ងៃទី០៤ ខែមិថុនា ឆ្នាំ២០១២នេះថា
តាមពិតទៅកម្លាំងរាជអាវុធហត្ថ ដែលបានឃាត់សួរនាំនោះ គឺមិនបានដាក់គ្រឿងញៀននៅក្នុង
ហោប៉ៅ ដូចដែលការចោទប្រកាន់របស់ក្រុមមនុស្សមួយចំនួនតាមប្រព័ន្ធសង្គម Facebook នោះ
ទេ។ យុវជនរូបនេះ បានបញ្ជាក់យ៉ាងច្បាស់ថា តាមពិតមន្ត្រីកងរាជអាវុធហត្ថបានដាក់ក្រដាស
សមួយសន្លឹកនៅក្នុងហោប៉ៅក្រោយរបស់ខ្លួន គឺជាក្រដាស់កត់លេខទូរស័ព្ទរបស់ខ្លួន មិនមែនដាក់
គ្រឿងញៀន ដូចអ្វីដែលបានផ្សព្វផ្សាយឡើយ។
ប៉ុន្តែចម្លើយនេះ ហាក់ដូចជាមិនធ្វើឲ្យអ្នកលេងអ៊ីនធឹណែតស្ងប់ចិត្តបានឡើយ ដោយមានការ
សង្ស័យជាច្រើនទៀតកើតឡើង។
គួររំលឹកថា ការចុះឃាត់ខ្លួនជនសង្ស័យនោះ ត្រូវបានធ្វើឡើងនៅក្នុងទឹកដីបូរីកីឡានៃខណ្ឌ៧មករា
កាលពីវេលាម៉ោង១ រំលងអធ្រាត្រឈានចូលថ្ងៃទី៣០ ខែឧសភា ឆ្នាំ២០១២ នៅចំណុចផ្លូវលេខ
២១១ក្នុងសង្កាត់វាលវង់ ខណ្ឌ៧មករា។ តាមប្រភពព័ត៌មានកម្ពុជាថ្មី បានឲ្យដឹងថា នៅមុនពេល
កើតហេតុនោះ មានការផ្ទុះអាវុធមួយកើតឡើង។ ក្រោយពេលកើតហេតុ មន្ត្រីកងរាជអាវុធហត្ថ
ប្រចាំការនៅក្បែរនោះ ក៏បានចុះដល់កន្លែងកើតហេតុ ហើយរកឃើញសំបកគ្រាប់កាំភ្លើងម៉ាក
k-54 ចំនួន១គ្រាប់។ ប៉ុន្តែមិនបានរកឃើញជនសង្ស័យជាអ្នកបាញ់នោះទេ។ ប៉ុន្តែពេលនោះជន
សង្ស័យដែលមានសភាពស្រវឹងម្នាក់ ត្រូវបាន កងរាជអាវុធហត្ថឃាត់ខ្លួនសួរនាំ៕
ដោយ៖ មិនា
- ប្រធានាធិបតី ធ្លាក់ពីតំណែង លោកស្រី Park ត្រូវចាប់ឃាត់ខ្លួនហើយ ប្រឈមមុខជាប់ពន្ធនាគារ ១០ឆ្នាំ (31/03/2017 10:22:00)
- តុលាការ ចេញសេចក្តីសម្រេច ចាប់ឃាត់ខ្លួន អតីតប្រធានាធិបតី ធ្លាក់ចេញពីតំណែង ក្រោយរងព្យុះភ្លៀងរឿងអាស្រូវ (31/03/2017 09:22:00)
- ២០ឆ្នាំក្នុងគុក?? ថៅកែ Samsung ដៃជាប់ខ្នោះ កំពុងតែជូបទុក្ខធំ ចំពេល ប្រធានាធិបតី ធ្លាក់ចេញពីតំណែង (13/03/2017 16:31:00)
- ប៉ូលីសស្រីស្អាតអស់ទាស់ បែរជាត្រូវប្រឈមមុខនឹងការដេញចេញពីការងារ ក្រោយថតរូបសុិចសុីពេក (17/06/2016 09:18:00)
- ព័ត៌មានលម្អិត ៖ អ៊ុំប្រុសអាយុ ៧០ ឆ្នាំដែលត្រូវជាប់ក្នុងភក់នៅបាតទន្លេ អស់រយៈពេលដល់ទៅ ១២ម៉ោង (15/06/2016 09:27:00)
- សរសេរ សារ គម្រាម វាយប្រហារ នាយករដ្ឋមន្រ្តី តាម Facebook ប្រឈមជាប់គុក ១៥ខែ (09/12/2015 14:30:00)
- Not No Not Yes លោក ហ៊ុន ម៉ាណែត គ្មានចម្លើយ សម្រាប់សំនួរ ពីការ បន្តវេនពីឪពុក ក្នុងកិច្ចសម្ភាសន៍ (17/10/2015 12:22:00)
- វីដេអូ ផ្សាយផ្ទាល់ ពីរូងផ្លូវក្រោមដី អច្ឆរិយៈ ប្រើគេចខ្លួន ដោយ ស្តេចគ្រឿងញៀន (Video Inside) (21/07/2015 09:04:00)
- កំពូលមេដឹកនាំនយោបាយទាំង១០ ដែលមានប្រាក់ខែខ្ពស់ជាងគេ បំផុតក្នុងតំបន់អាស៊ី (08/07/2015 15:26:00)
- ប៉ូលីសស្រី ជំនាញប្រឆាំង ឧក្រិដ្ឋកម្ម គ្រឿងញៀន យាយពីសម្រស់ អស់ទាស់ (26/06/2015 10:11:00)