CamNews

ព័ត៌មានកំសាន្ត ៖ ជនភៀសខ្លួន កូរ៉េខាងជើង នាង Park Yeon-mi សព្វថ្ងៃមានវ័យ ២១ ឆ្នាំ ខណៈនាង មានឆ្នាំកំណើត ១៩៩៣ ក្នុងនោះ បច្ចុប្បន្នភាព នាងជានិស្សិត មហាវិទ្យាល័យ ឆ្នាំ   ទី  ៣ ។ អំឡុងឆ្នាំ ២០០៩ នាង ក៏ដូចជា សមាជិកគ្រួសារឯទៀត បានឆ្លងកាត់បណ្តាទីកន្លែង  ជា  ច្រើន មុននឹងមកដល់ ទឹកដី កូរ៉េខាងត្បូង ដោយធ្វើការភៀសខ្លួនចេញពី ប្រទេស កូរ៉េខាងជើង ។

រយៈពេល ៥ ឆ្នាំ ចាប់តាំងពីអំឡុងឆ្នាំ ២០០៩ នាង បានមករស់នៅក្នុងទីក្រុង សេអ៊ូលប្រទេសកូរ៉េខាង ត្បូង ដោយនៅក្នុងនោះ នាងកំពុងតែសិក្សា ជំនាញច្បាប់ នៅឯសកលវិទ្យាល័យ Dongguk ។ សេចក្តី រាយការណ៍ គូសបញ្ជាក់អោយដឹងថា កាលពីអតីត នាង និងគ្រួសារ បានរស់នៅជុំគ្នា     នៅ ឯ  ទីក្រុង Hyesan ខេត្ត Ryanggang ភាគខាងជើង ប្រទេស កូរ៉េខាងជើង ។

គួរបញ្ជាក់ថា មកទល់នឹងសព្វថ្ងៃនេះ នាង Park Yeon-mi គឺទទួលបានភាពល្បីល្បាញ   សមល្មម នៅ តាមបណ្តាញទំនាក់ទំនងសង្គម រួមមានដូចជា ៖ acebook, Twitter, Skype, WeChat ជាដើម មិនត្រឹម តែប៉ុណ្ណោះជារឿយៗ នាងក៏បានទទួលយក ការធ្វើបទសម្ភាសន៍ នៅតាមស្ថានីយិ៍  ទូរទស្សន៍ក្នុងស្រុក ដូចគ្នាដែរ ។ ដោយឡែក នាងក៏បានធ្លាប់ធ្វើដំណើរកំសាន្ត ទៅតាមបណ្តាប្រទេស មួយចំនួនទន្ទឹមនឹង គ្នាដែរ ខណៈនាងមានការគូសបញ្ជាក់ និយាយដំណាលរឿងហេតុ ដ៏ស្មុគស្មាញ ដែល   បានកើតឡើង ជុំវិញខ្លួននាង កាលពីពេលអតីតកាល ទៅកាន់ក្រុមមនុស្សឯទៀត ។ គួររំឮកថា នៅ  អំឡុងខែក្រោយ នាង Park Yeon-mi នឹងធ្វើដំណើរទៅចូលរួម កិច្ចប្រជុំកំពូលពិភពលោក ភាពជាអ្នក   ដឹកនាំយុវជនពិ ភពលោក នៅឯទីក្រុង Dublin ប្រទេស អាយឡេន ។

បច្ចុប្បន្នភាព នាងរស់នៅក្នុងក្រុង សេអ៊ូល ប្រទេស កូរ៉េខាងត្បូងជាទីក្រុងដែលប្រជុំទៅដោយសំណង់ អាគារខ្ពស់ៗ រថយន្តទំនើបគ្រប់ទីកន្លែង ផ្លូវហាយវេធំៗ ជាដើម ពោលទីនេះមានរយៈចម្ងាយប្រមាណ ៥០ គីឡូម៉ែត្រ ពីព្រំប្រទល់ដែន ប្រទេស​កូរ៉េខាងជើង ។ នៅពេលដែលនាង មានការចងចាំនូវ រឿងរ៉ាវ អតីតរបស់នាង នាងតែងគិតថា បើសិនជាអាច នាងចង់ចេញទៅរស់នៅភពមួយផ្សេងពីនេះ ។

"នាងខ្ញុំកំពុងតែសិក្សា នៅសកលវិទ្យាល័យ នាពេលសព្វថ្ងៃនេះ ដោយជ្រើសរើសនិងចាប់យកជំនាញ ខាងនិតិសាស្រ្ត នាងខ្ញុំមានអារម្មណ៍ថា ជាមនុស្សថ្មីមួយផ្សេងទៀត បើធៀបទៅពីមុន " ។ "   នៅពេល ដែលនាងខ្ញុំស្នាក់នៅ ប្រទេស កូរ៉េខាងជើង គ្មាននរណាម្នាក់ធ្លាប់សួរថា តើខ្ញុំគិត អី ខ្ញុំ ចង់ បានអី  នៅ ពេលអនាគត តើខ្ញុំមានបំណងប្រាថ្នាអ្វីនោះទេ " ក៏ប៉ុន្តែ ឥលូវនេះ អ្វីគ្រប់យ៉ាង គឺខ្ញុំ  មាន សិទ្ធសម្រេច បាន និង មានសេរីភាព ជាខ្លាំង ៕

ប្រែសម្រួល ៖ កុសល
ប្រភព​៖ អាស៊ីវ័ន