CamNews

ស្វែងរកកំរិតខ្ពស់
កីឡាជាតិ 

តោះទៅបាក់ទូក ចលនា​កីឡា​អូឡាំ​ពិក ប្រារព្ធ​នៅ​កម្ពុជា​លើក​ដំបូង នា​ថ្ងៃ​អាទិត្យ​ចុង​សប្តាហ៍​នេះ

(ភ្នំពេញ)៖ កម្ពុជានឹងប្រារព្ធចលនាកីឡាអូឡាំពិកជាលើកដំបូង នាព្រឹកថ្ងៃអាទិត្យទី២២ ខែឧសភា ឆ្នាំ២០១៦ នៅបរិវេណវិទ្យាល័យបាក់ទូក ដើម្បីស្វែងរកក្រុមជើងខ្លាំង ទៅប្រកួតនៅវគ្គផ្ដាច់ព្រ័ត្រដណ្តើម យកជ័យលាភីសម្រាប់វិទ្យាល័យ ដែលមានទំហំទឹកប្រាក់សរុប ១០០០០ដុល្លារ ទៅកាន់៤ជ័យលាភី សម្រាប់ប្រើប្រាស់ក្នុងការសាងសង់សាលា ឬការអភិវឌ្ឍន៍បណ្ណាល័យ។

នេះជាកម្មវិធីកីឡាអន្តរជាតិ ដែលបានរៀបចំឡើងនៅជុំវិញពិភពលោក ក្នុងគោលដៅលើកកំពស់សុខភាព និងគុណភាពនៃការរស់នៅ តាមរយៈការលេងកីឡា ដោយផ្ដោតពិសេសលើមនុស្សជំនាន់ក្រោយ ពោលគឺយុវជន និងវ័យជំទង់។

ព្រឹត្តិការណ៍នាថ្ងៃអាទិត្យចុងសប្តាហ៍នេះ រួមមាន ការប្រកួតកីឡាទូទៅសម្រាប់សាធារណជន ការហាត់ក្បាច់គុណល្បុក្កតោ ការប្រកួតអាវ៉ង់ ការប្រកួតហ្គេមជាក្រុម ការគូរមុខ ការថតរូបកីឡា និង ការប្រកួតសម្រាប់សិស្សវិទ្យាល័យបាក់ទូក លើវិញ្ញាសាបាល់ទាត់ បាល់ទះ រត់ប្រណាំង ចោលដុំដែក លោតចម្ងាយ និងកាយសម្ព័ន្ធ។

អ្នកចូលរួមអាចនឹងមានឱកាសទទួលបានរង្វាន់ សំភារៈកីឡាជាច្រើនដូចជា អាវយឺត មួក កងដៃ ក្រណាត់ជូតញើស ឧបករណ៍កីឡាតាមដានសុខភាព។
 
គោលបំណងសំខាន់ នៃកម្មវិធីគឺចង់បញ្រ្ជៀបទំលាប់ នៃការលេងកីឡាចូលក្នុងជីវភាពប្រចាំថ្ងៃ របស់សិស្សនិស្សិត និងសាធារណជន ស្របពេលដែលការលេងកីឡា ហាក់ត្រូវបានមើលរំលង និងធ្លាក់ចុះជាពិសេស ក្នុងសម័យបច្ចេកវិទ្យាទូរស័ព្ទទំនើប។

សូមសិស្សានុសិស្ស និស្សិត និងសាធារណជនចូលរួមប្រកួត លេងកំសាន្ត និងគាំទ្រចលនាកីឡាអូឡាំពិក ទាំងអស់គ្នាដើម្បីសុខភាព។

កម្មវិធីនេះត្រូវបានរៀបចំឡើងដោយក្រុមហ៊ុនភេសជ្ជៈ កូកា-កូឡា សហការជាមួយគណៈកម្មាធិការជាតិអូឡាំពិកកម្ពុជា និងគាំទ្រដោយក្រសួងអប់រំយុវជន និងកីឡា និងសហភាពសហព័ន្ធយុវជនកម្ពុជា៕

ផ្តល់សិទ្ធដោយ ៖ ខ្មែរថកឃីង


Tags: local sport news

កីឡាជាតិ ដែលមើលច្រើន

ការប្រកួតប៉ារ៉ាឡាំពិក ២០១២ ត្រូវបានបញ្ចប់ ជាមួយនឹងអំណរដ៏ធំធែង

អង់គ្លេស៖ តាមកាអោយដឹងពីសារពត៌មាន BBC កាលពីចុងពីសប្ដាហ៍នេះ បានអោយដឹងថា ក្រោយពីការបញ្ចប់ការប្រកួតប៉ារ៉ាឡាំពិក ឆ្នាំ២០១២រូច មក គណៈកម្មការរៀបចំការប្រកួតកីឡា

កីឡាករកម្ពុជាត្រលប់មកមាតុភូមិវិញជាមួយកិត្តិយស

ក្រុមកីឡាករតូចដែលមានសមាជិកត្រឹមតែ 13 នាក់បានឈ្នះមេដាយប្រាក់ចំនួន

ក្រុមសេះបង្កង់ Juventus ធ្លាក់ពី UEFA Champion League ក្នុងវគ្គ ១៦ ក្រុមចុងក្រោយ

Lyon បានបើកីឡារដ្ឋានទទួលស្វាគមន៍ក្រុមបាល់ទាត់ Juventus ដើម្បីលេង វគ្គជម្រុះ ១៦ ក្រុមចុងក្រោយ ដោយ Lyon មានប្រៀបជាង Juventus ដោយសារកាល ពីប្រគួតនៅទឹកដីរបស់ Juventus ជើងទីមួយ Lyon បានយកឈ្នះក្រុម ម្ចាស់ផ្ទ

ក្រុមអ្នកគាំទ្រសម្រុកមកពហុកីឡដ្ឋាន Bernabéu យ៉ាងភ្លូកទឹកភ្លូកដីដើម្បីអបអរកីឡាករថ្មីក្នុងថ្ងៃបង្ហាញខ្

Eden Hazard នឹងគ្មានថ្ងៃភ្លេចថ្ងៃដំបូងរបស់ខ្លួនជាកីឡាកររបស់ ស្តេចស Real Madrid ឡើយ។

តារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣

នេះតារាងម៉ោងប្រកួតបាល់ទាត់សំរាប់ថ្ងៃទី 30/03 ដល់ 02/04 ២០១៣ ។

តារាងលទ្ធផលបាល់ទាត់ ២៥ មិនា ២០១៣

នេះជាតារាងលទ្ធផលបាល់ទាត់ ២៥ មិនា ២០១៣ ។