កំសាន្ត ៖ កាលពីថ្ងៃទី០៩ ខែកញ្ញាកន្លងទៅនេះ នៅរោងភាពយន្ត Major Cineplex មានការចាក់បញ្ចាំងរឿង IT ជាលើកដំបូងជាប្រភេទ 4DX ជាមួយអ្នកគាំទ្រជាច្រើនចូលរួមទស្សនាផងដែរ ដែលសាច់រឿង IT ទាំងមូលនិយាយពីប្រវត្តិនៃទីក្រុង Derry ដែលជួបឧបទ្ទេវហេតុជាច្រើនលើកច្រើនសារ ធ្វើអោយមានអ្នកស្លាប់ជាច្រើន ហើយគ្រប់គ្នាក៏និយាយថាទីក្រុងមួយនេះកំពុងជាប់បណ្តាសារដែលអ្នករស់នៅទីនោះត្រូវរងទុកជារឿយៗ។ ហើយលើកនេះផងដែរទីក្រុង Derry បានជួបរឿងអាក្រក់កើតឡើងថ្មីមួយទៀតនោះគឺការបាត់ក្មេងៗជាបន្តបន្ទាប់ ដែលក្មេងទាំងអស់ត្រូវចាប់ដោយបិសាចដ៏អាក្រក់មួយ គឺ Pennywise the Dancing Clown ដែលវាជាបិសាចដែលស្រឡាញ់ការភ័យខ្លាច និងចាប់ដកហូតព្រលឹងក្មេងៗ អោយក្មេងអណ្តែតឡើងទៅលើ។ Georgie ត្រូវជាប្អូនរបស់ Bill ក៏ត្រូវបាន Pennywise the Dancing Clown ចាប់យកទៅដែរ ហើយគ្រប់គ្នាបានប្រាប់ Bill ថា Georgie បានស្លាប់បាត់ទៅហើយមិនបាច់ព្យាយាមតាមរកគេទៀតទេ តែ Bill មិនស្តាប់។ ថ្ងៃមួយដែលជាវិស្សមកាល Bill និងមិត្តភ័ក្ររបស់គេបានចូលទៅកន្លែងដែល Pennywise the Dancing Clown លាក់ខ្លួនដើម្បីស្វែងរកការពិតនៃការបាត់ក្មេងៗ នឹងព្យាយាមតាមរកប្អូនរបស់ខ្លួនដែរ។ តើ Bill នឹងដឹងការពិតនៃការបាត់ខ្លួនរបស់ក្មេងៗទេ ហើយ Bill អាចរក Georgie ឃើញដែរឬទេមានតែរងចាំទស្សនាទាំងអស់គ្នាដែរចាប់បញ្ចាំងចាប់ពីថ្ងៃនេះតទៅហើយ ។
ទស្សនា Trailer នៅទីនេះ
ដើម្បីទទួលបានពត៌មានលំអិតពីភាពយន្តនេះ និង ពត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្ត អាចចូលទៅកាន់ចៃកុនតាមរយៈ www.cinema.com.kh រឺតាមប្រព័ន្ធបណ្តាញសង្គមដូចជា: www.facebook.com/JaiKon.Cambodia, www.youtube.com/JaiKonCambodia ហើយក៏អាច add ចៃកុនជាមិត្តក្នុងកម្មវិធីLINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ពីភាពយន្តជារៀងរាល់សប្តាហ៍ ៕
ដោយ ៖ គន្ធា
ប្រភព ៖ Westec Media Limited