(ភ្នំពេញ)៖ តារាសម្តែងនិងជាពិធីករលេចធ្លោលើការងារមនុស្សធម៌លោក អ៉ឹម ជីវ៉ា បាន បង្ហោះ សារថ្លែងអំណរគុណសម្តេចអគ្គមហាសេនាបតីតេជោ ហ៊ុន សែន និង សម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ដែលសម្តេចទាំងពីរតែបានគិតគូដល់សុខទុកប្រជាពលរដ្ឋ ពិសេ សថ្មីៗនេះ សម្តេចបានគិតគូរយកចិត្តទុកដាក់ជួយឧបត្ថម្ភផ្តល់ថវិការដល់ សិល្បករ-សិល្បការិនីក្រីក្រ មានជំងឺនិងបាត់បង់សមត្ថភាព។
តារាសម្តែងរូបសង្ហាលោក អ៉ឹម ជីវ៉ា បានសរសេរលើបណ្តាញសង្គមហ្វេសប៊ុកថា សម្តេចតេ ជោ ហ៊ុន សែន និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន គឺជាមាតាបិតាដ៏ល្អបំផុត ជួយប្រស់ជីវិតអោយសិល្បករខ្មែរដែលចាស់ជរាមានជំងឺទីទាល់ក្រ គ្មានទីពឹង អោយមានដង្ហើមដកនិងក្តីសង្ឃឹម អាចបន្តជីវិតរស់បានយូ និងជៀសរួចផុតពីជំងឺ ។
លោក អ៉ឹម ជីវ៉ា បាននិយាយបន្តថា កម្លាំងចិត្តរបស់សម្តេចទាំងពីរ ដែលផ្តល់អោយសិល្បករដែលកំពុងជួបទុក្ខសោកគឺខ្លាំងជាងវេជ្ជបណ្ឌិត ខ្លាំងជាងម៉ីសស៊ីលទៅទៀត ព្រោះស្នាមញញឹម និងការយកចិត្តទុក្ខដាក់រស់សម្តេចទាំងពីរ ធ្វើអោយសិល្បករចាស់ៗមានស្នាមញញឹមថ្មី សះស្បើយជំងឺផ្លូវចិត្ត និងផ្លូវកាយមួយកំរិតថែមទៀត ។
ជាមួយគ្នានេះដែរតារាសម្តែងលោក អ៉ឹម ជីវ៉ា បានលើកឡើងបន្ថែមថា «សម្តេចតេជោ ហ៊ុនសែន និងសម្តេចគតិព្រឹទ្ធបណ្ឌិត គឺជាទេវតាដែលតែងតែជួយជីវិតប្រជាជនចេះយល់សុខទុក្ខរបស់ប្រជាជន។ ខ្ញុំពិតជាគោរព ស្រលាញ់សម្តេចទាំងពីរ និងក្រុមគ្រួសារសម្តេចខ្លាំងណាស់។ ដោយក្តីគោរពដ៏ខ្ពង់ខ្ពស់អំពីខ្ញុំបាទ អ៉ឹម ជីវ៉ា» ។
សម្តីថ្លែងរបស់លោក អ៉ឹម ជីវ៉ា ខាងលើនេះស្របពេលដែលសម្តេចអគ្គមហាសេនាបតីតេជោ ហ៊ុន សែន និងសម្តេចគតិព្រឹទ្ធបណ្ឌិត បានប្រកាស ផ្តល់ជំនួយ ដល់សិល្បករ និងសិល្បការិនីដែលកំពុងជួបការខ្វះខាត់ និងមានជីវៈភាពក្រីក្របាត់បង់សមត្ថភាពដែលដង្ហើយរកជំនួយរស់បន្ថែម៕
ផ្តល់សិទ្ធដោយ ៖ ហ្វ្រេសញូវអាស៊ី