ក្លឹបជើងឯក Leicester City ទិញកីឡាករខ្សែប្រយុទ្ធ Musa មកពីក្លឹប CSKA ថ្លៃជាងគេ
(ក្រុងឡុងដ៍)៖ ក្លឹបជើងឯក Premier League របស់អង់គ្លេស Leicester City បានឈានដល់កិច្ចព្រមព្រៀងទិញយក កីឡាករខ្សែប្រយុទ្ធជនជាតិនីហ្សេរីយ៉ា Ahmed Musa ជាផ្លូវការហើយពីក្លឹបរបស់រុស្ស៊ី CSKA Moscow កាលពីថ្ងៃចន្ទម្សិលមិញ។
សារព័ត៌មាន BBC បានផ្សាយឲ្យដឹងថា កីឡាករដែលទើបតែមានវ័យ២៣ឆ្នាំ នឹងធ្វើដំណើរចេញពីប្រទេសរុស្ស៊ី នៅថ្ងៃនេះ ដើម្បីមកពិនិត្យសុខភាពនៅក្នុងពហុកីឡដ្ឋាន King Powers ថ្ងៃពុធស្អែកនេះ មុនចរចាពីតម្លៃខ្លួន និងកិច្ចសន្យាក្នុងក្លឹបថ្មី ដែលត្រូវបានគេដឹងថា ជាកីឡាករមានតម្លៃខ្លួនថ្លៃក្នុងក្លឹបជើងខ្លាំងមួយនេះ។
Musa បានមកចូលរួមលេងឲ្យក្លឹបរុស្ស៊ី CSKA Moscow កាលពីឆ្នាំ២០១២ ដោយបានចូលលេង១៦៨ប្រកួត និងស៊ុតបញ្ចូលទីបាន៥៤គ្រាប់ ហើយក៏ជាកីឡាករជើងខ្លាំងក្នុងក្រុមជម្រើសជាតិនីហ្សេរីយ៉ា ១រូបផងដែរ ដែលស៊ុត បញ្ចូលទីបាន ២គ្រាប់ម្នាក់ឯង កាលពីក្រុមជម្រើសជាតិស្ថិតក្នុងទ្វីបអាហ្វ្រិកមួយនេះ ចាញ់អាហ្សង់ទីន ៣-២ នៅ World Cup 2014 នៃប្រទេសប្រេស៊ីល៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
