រដ្ឋមន្រ្តីក្រសួងសុខាភិបាល ព្រមានបិទឱសថស្ថាន ដែលបន្តលក់ឱសថ MAZETA Slim
(ភ្នំពេញ)៖ រដ្ឋមន្រ្តីក្រសួងសុខាភិបាល លោក ម៉ម ប៊ុនហេង បានព្រមានបិទរាល់ឱសថស្ថាន ជាពិសេសឱសថស្ថានឈ្មោះ «ផ្សារតាប៉ាង» បើនៅបន្តលក់ឱសថ MAZETA Slim និងឱសថដែលគ្មានចុះលេខបញ្ជិកា ឱសថហាមឃាត់ ឬ ឱសថដែលគ្មានប្រភព ច្បាស់លាស់។
លោក ម៉ម ប៊ុនហេង នៅថ្ងៃទី២១ ខែធ្នូ ឆ្នាំ២០១៥ បានចេញលិខិតជូនដំណឹង ប្រាប់ម្ចាស់ឱសថស្ថានថា ឱសថឈ្មោះ MAZE TA Slim ដែលមានរចនាបទបង្ហាញ និង ការវេចខ្ចប់ជាឱសថបញ្ចុះទម្ងន់ផលិតដោយរោងចក្រ Greatwallbuy International Trading Co., Ltd Cali fornia ជាឱសថនាំចូលគ្មានការអនុញ្ញាតពីក្រសួងសុខាភិបាល ហើយលក់ចែកចាយតាមឱសថស្ថាន- ឱសថស្ថានរង ដោយពុំបានចុះបញ្ជិកា និង ត្រួតពិនិត្យគុណភាព ប្រសិទ្ធភាព សុវត្ថិភាពពីក្រសួងសុខាភិបាលនោះឡើយ។
នៅក្នុងលិខិតជូនដំណឹង ដែល Fresh News ទទួលបាននៅព្រឹកថ្ងៃទី២៣ ខែធ្នូ ឆ្នាំ២០១៥នេះ លោក ម៉ម ប៊ុនហេង បានបញ្ជា ឲ្យគ្រឹះស្ថានលក់ឱសថទាំងអស់ ត្រូវបញ្ឈប់ការតាំងលក់ឱសថខាងលើចាប់ពីថ្ងៃចេញសេចក្តីជូនដំណឹងតទៅ បើរកឃើញមាន ការតាំងលក់ឱសថនេះតទៅទៀត និង អនុវត្តទៅតាមច្បាប់ជាធរមាន។
លោករដ្ឋមន្រ្តីបានបញ្ជាទៅគ្រប់មន្ទីរសុខារាជធានី-ខេត្ត ត្រូវមានវិធានការណែនាំ ដល់គ្រប់សាខាគ្រឹះស្ថាននាំចូលឱសថ ឱសថ ស្ថាន ឱសថស្ថានរង ជាបន្ទាន់។
លោក ម៉ម ប៊ុនហេង បានសង្កត់ធ្ងន់ថា ក្រសួងនឹងមានវិធានការតឹងរឹងតាមផ្លូវច្បាប់ និងឈានទៅបិទឱសថស្ថានតែម្តង ចំពោះឱ សថស្ថាន ឱសថស្ថានរងទាំងឡាយណា ដែលនៅតែបន្តលក់ឱសថខាងលើ៕
ផ្តល់សិទ្ធដោយ ៖ ហ្រ្វេសញូវអាស៊ី
- ឃាត់ខ្លួនប្រធានសាខាធនាគារអេស៉ីលីដា ពាក់ព័ន្ធករណីរំលោភសេចក្តីទុកចិត្ត មានទឹកប្រាក់ខ្ទង់លានដុល្លារ! (25/01/2017 08:58:00)
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)