(ភ្នំពេញ)៖ លោក ជុំ លីណូ អតីតតារាចម្រៀងប្រុសរបស់ផលិតកម្មសាន់ដេ នឹងបានផ្លាស់ប្តូរទ្រនំ ចូលមកផលិតកម្មថ្មី Diamond កាលពីថ្មីៗនេះ បានលេចឮព័ត៌មានជុំវិញ ការត្រៀមចាកចេញពីផលិតកម្ម Diamond មុនពេលបញ្ចប់កុងត្រា ដោយគ្មាននណាម្នាក់បានដឹងច្បាស់ ពីមូលហេតុនៃគម្រោងចាកចេញនេះឡើយ។
ប្រភពភពបាននិយាយថា ជុំ លីណូ បានសម្រេចដើរចេញពីផលិតកម្មថី្មមួយនេះផ្លូវការហើយ បន្ទាប់ពីភាគីម្ចាស់ក្រុមហ៊ុន និងលោកបានឯកភាពសម្រួលគ្នា តាមរយៈការលុបចោលកិច្ចសន្យា(កុងត្រា)រយៈពេល៣ឆ្នាំ ដោយគ្មាននណាម្នាក់ផ្តល់សំណងជំងឺចិត្ត ឲ្យនណាម្នាក់ឡើយ។ ចំណែកឯការចាកចេញ ពីសំណាក់លោក ជុំ លីណូ ពេលនេះ មិនត្រូវបានបញ្ជាក់ច្បាស់ ពីហេតុផលអ្វីមួយ នៅឡើយទេ។
ថ្លែងប្រាប់គេហទំព័រ Khmertalking ឲ្យដឹងតាមទូរស័ព្ទលោក ជុំ លីណូបានបញ្ជាក់យ៉ាងច្បាស់ៗថា លោកនិង ថៅកែផលិតកម្ម ថ្មីៗនេះ Diamond ពិតជាសម្រេចរំលាយចោលកិច្ចសន្យាមែន ក្រោយពីជួបចរចាគ្នា កាលពីកន្លងមកនេះ ។ ប៉ុន្តែហេតុផល នៃការចាកចេញនេះ មិនត្រូវបានតារារូបនេះ បញ្ជាក់ប្រាប់នោះទេ។
លោក ជុំ លីណូ បាននិយាយបន្ថែមថា «ខ្ញុំបានសម្រេចចាកចេញពីផលិតកម្មថ្មី Diamond ជាផ្លូវការហើយ តែខ្ញុំក៏មិនទាន់មានគម្រោងច្បាស់ថា នឹងត្រូវទៅណានោះដែរ។ យើងបានសម្រចបញ្ចប់កិច្ចសន្យា ជាមួយគ្នាដោយមិនមានភាគីណាមួយ ត្រូវសងនរណាឡើយ គឺធ្វើឡើងដោយមានការឯកគ្នា រវាងខ្ញុំ និងថៅកែក្រុមហ៊ុនតែម្តង.»។
សូមបញ្ជាក់ថា តារាចម្រៀង ជុំ លីណូ ត្រូវបានមហាជនស្គាល់ខ្លាំង តាមរយៈការចូលច្រៀងក្នុងផលិតកម្ម សាន់ដេ និងថតរឿងក្នុងផលិតកម្មមួយនេះ ប៉ុន្តែក្រោយពីលោកបានចាកចេញពីសានដេ មកចូលច្រៀងក្នុងផលិតកម្ម Diamond គឺប្រជាប្រិយភាពរបស់លោកហាក់ធ្លាក់ចុះយ៉ាងកំហុក ស្ទើតែហៅលេងឮ ហើយគ្មានបទចម្រៀងណាមួយ ធ្វើឲ្យផ្ទុះឡើងឡើយ ។ ម្យ៉ាងវិញទៀត លោកជួបតែរឿងស៊យផ្ទួនៗគ្នា ជាក់ស្ដែងដូចជាការជួបគ្រោះថ្នាក់ចរាចរ នៅឯខេត្តសៀមរាប ដោយលោកត្រូវសងគេអស់ជាច្រើន ពាន់ដុល្លារ និងការធ្លាក់កូដជាច្រើនទៀត៕
ផ្តល់សិទ្ធដោយ ៖ ហ្រ្វេសញូវអាស៊ី