Benzema ត្រូវបានមិត្តរួមក្រុម និងអ្នកគាំទ្រលុបឈ្មោះចេញពីជម្រើសបារាំង
(ប៉ារីស)៖ សមាជិកក្រុម៧នាក់ ក្នុងចំណោម១០នាក់ បានជំទាស់មិនឲ្យកីឡាករខ្សែប្រយុទ្ធជួរមុខ Karim Benzema ដែលកំពុងលេងនៅក្លឹប Real Madrid ចូលជួយក្រុមជម្រើសជាតិបារាំងក្នុងព្រឹត្តិការណ៍ UEFA Euro 2016 ខាងមុខ នេះឡើយ ។
យើងតាមសេចក្តីរាយការណ៍ ក៏ដូចជាការស្ទាបស្ទង់របស់សារព័ត៌មាន Marca បានបង្ហាញថា មានអ្នកគាំទ្រប្រមាណ ៦៦ភាគរយ បានបដិសេធការឈ្មោះកីឡាករវ័យ២៨ឆ្នាំ Benzema ចេញពីក្រុមជម្រើសជាតិ ដោយសារតែរូបគេមាន ការជាប់ពាក់ព័ន្ធនឹងសារខ្មៅ ទាក់ទងនឹងរឿងអាសអាភាសនាពេលកន្លងមកជាមួយនឹងមិត្តរួមក្រុម Mathieu Valbuena ដែលកំពុងស្ថិតក្នុងការស៊ើបអង្កេតនៅឡើយ ។
ក្នុងខណៈនេះដែរ គ្រូបង្វឹកក្រុមជម្រើសជាតិមាន់គកបារាំងមិនទាន់សម្រេចជ្រើសយក ក៏ដូចជាបញ្ចេញកីឡាករទាំង២៣រូប សម្រាប់ត្រៀមលេងក្នុង Euro 2016 ក្នុងទឹកដីរបស់ខ្លួននៅឡើយទេ ហើយរឿងមិនកោះហៅ Benzema ឬមិន ហៅនោះ ក៏មិនសំខាន់ទៅលើអ្នកគាំទ្រឡើយ អាស្រ័យទៅលើមើលឃើញរបស់គ្រូបង្វឹកតែម្នាក់គត់ គ្រាដែលនៅតែ ៣ខែកន្លះទៀតប៉ុណ្ណោះ យុទ្ធនាការជើងឯកប្រចាំទ្វីបអឺរ៉ុប ដែលមានរយៈពេល៤ឆ្នាំម្តងនេះនឹងចាប់ផ្តើមហើយ ។
ទន្ទឹមនឹងនោះដែរ ការព្យាករណ៍ពីសំណាក់អ្នកគាំទ្រ ក៏ដូចជាប្រជាជនបារាំងថា ៧៨% គឺបារាំងនឹងមិនឈ្នះពាន Euro ឆ្នាំ២០១៦នេះទេ បើទោះបីជាបារាំងស្ថិតក្នុងពូល A រួមជាមួយក្រុម រ៉ូម៉ាន់នី អាល់បានី និងស្វីស ក៏ដោយ ៕
Benzema (ស្តាំ) និងមិត្តរួមក្រុម Valbuena
ផ្តល់សិទ្ធដោយ ៖ ហ្វ្រេសញូវអាស៊ី
កីឡាអន្តរជាតិ ដែលមើលច្រើន
