មិននឹកស្មានថា ត្រឹមរយៈពេលខ្លីប៉ុណ្ណោះវីរុសកូរ៉ណា រាតត្បាតខ្លាំងយ៉ាងនេះសោះ រហូតចិនបានប្រើវិធីនេះ ដើម្
ប្រទេសចិនគ្រោងនឹងបើកមន្ទីរពេទ្យថ្មីមួយ នៅទីក្រុង ចំពេលមានការរាតត្បាតវីរុសកូរ៉ូណាកាន់តែខ្លាំងឡើង ដែលមកទល់នឹងពេលនេះចំនួនអ្នកឆ្លងវីរុសនេះបន្ដកើនឡើងជាលំដាប់ ។
មន្ទីរពេទ្យ Huoshenshan ដែលមានគ្រែសម្រាកព្យាបាលសម្រាប់អ្នកជំងឺចំនួន ១០០០ គ្រែប្រចាំក្រុង Wuhan ដែលស្ថាបនាឡើងត្រឹមរយៈពេល ៨ ថ្ងៃ គឺជាមន្ទីរពេទ្យមួយ ក្នុងចំណោមមន្ទីរពីរបំពាក់ដោយបរិក្ខាពេទ្យគ្រប់គ្រាន់ ដែលត្រូវបានសាងសង់ឡើងដើម្បីបង្ការទប់ស្កាត់ និងព្យាបាលនូវការរាតត្បាតនៃវីរុសកូរ៉ូណា។
ប្រទេសចិនកំពុងប្រឹងប្រែងដុតដៃដុតជើង ដើម្បីបង្ការ និងព្យាបាលនូវវីរុសនេះ ដោយមានចំនួនអ្នកឆ្លង ១៧,០០០ នាក់ ត្រូវបានរកឃើញ និងអ្នកស្លាប់ចំនួន ៣៦១ នាក់។
ដោយឡែក កាលពីថ្ងៃអាទិត្យសប្ដាហ៍មុននេះ គេរកឃើញអ្នកស្លាប់ ដំបូងក្រៅពីប្រទេសចិន គឺនៅប្រទេសហ្វីលីពីន ។ អ្នកជំងឺ គឺជាជនជាតិចិនអាយុ ៤៤ ឆ្នាំមកពីទីក្រុង Wuhan ដែលគ្រូពេទ្យរកឃើញថា គាត់បានឆ្លងវីរុសនេះ មុនពេលមកដល់ប្រទេសហ្វីលីពីន។
ប្រទេសជាច្រើន ហាមឃាត់ជនបរទេស ដែលមកពីប្រទេសចិន និងបញ្ជូនទៅដាក់ដោយឡែក ដើម្បីបង្ការការឆ្លងវីរុសទៅអ្នកដទៃ ។ តួលេខចុងក្រោយចេញផ្សាយដោយ គណកម្មាធិការជាតិសុខាភិបាលនៃប្រទេសចិន បានបង្ហាញថា តាមរយៈការតាមដានដោយយកចិត្ដទុកដាក់ គឺមានចំនួនដូចខាងក្រោម៖
- ប្រជានជន ២១,៥៥៨ នាក់សង្ស័យឆ្លងវីរុសនេះ
- ប្រជាជន ១៥២,៧០០ នាក់ កំពុងស្ថិតក្រោមការតាមដានរបស់ក្រុមគ្រូពេទ្យ
- ប្រជាជន ៤៧៥ នាក់ ត្រូវបានអនុញ្ញាតឱ្យចេញពីមន្ទីរពេទ្យ
មិនតែប៉ុណ្ណោះ គេរកឃើញចំនួនអ្នកឆ្លង ប្រមាណ ១៥០ នាក់ ក្រៅពីប្រទេសចិន ៕
ប្រែសម្រួល៖ សារ៉ាត
ប្រភព BBC
ព័ត៌មានអន្តរជាតិ ដែលមើលច្រើន
-
មន្ទីរពិសោធន៍មួយ នៅប្រទេសអូស្រ្ដាលី គឺជាកន្លែងដំបូងគេក្រៅពីប្រទេសចិន ដែលចិញ្ចឹមវីរុសកូរ៉ូណា Wuhan ពីសំណាករបស់អ្នកជំងឺម្នាក់......
-
អគ្គរដ្ឋអាជ្ញាប្រចាំរដ្ឋ Massachusetts អ្នកស្រី Maura Healey បានប្រកាសកាលពីថ្ងៃចន្ទថា ភោជនីយដ្ឋានសាច់អាំង Chipotle រងការផាកពិន័យ........
-
ប្រទេសចិនគ្រោងនឹងបើកមន្ទីរពេទ្យថ្មីមួយ នៅទីក្រុង ចំពេលមានការរាតត្បាតវីរុសកូរ៉ូណាកាន់តែខ្លាំងឡើង ដែលមកទល់នឹងពេលនេះ......
-
ក្រុមហ៊ុន Apple បានព្រមានថា ការបែកបាក់គ្នា នៅក្នុងប្រទេសចិនដោយសារវីរ៉ូសកូរ៉ូណា នឹងធ្វើការប្រាក់ចំណូលធ្លាក់ចុះ........
