សម្តេច ហ៊ុន សែន: ថ្ងៃស្អែក នឹងមានការ ដំឡើងស័ក្តិ អនុសេនីយ៍ឯកដល់អ្នកស្រី កែ ឡេង ពីសក្តិ២ ទៅសក្តិ៣
ភ្នំពេញ៖ សម្តេចនាយករដ្ឋមន្រ្តី ហ៊ុន សែន បានលើកឡើង ថា នៅថ្ងៃទី១០ ខែមេសាស្អែកនេះ អ្នកស្រី កែ ឡេង មន្រ្តី យោធាដែលដណ្តើមបានមេដាយមាសពិភពលោកផ្នែក ប៉េតង់នោះនឹងត្រូវដំឡើងឋានន្តរស័ក្តិ ពីអនុសេនីយ៍ទោ (សក្តិ២) ទៅជាអនុសេនីយ៍ឯក (ស័ក្តិ៣) ។
ការលើកឡើងរបស់សម្តេចតេជោបែបនេះ គឺបានធ្វើឡើងក្នុងពិធីបំពាក់គ្រឿងឥស្សរិយយស និងផ្តល់ប្រាក់រង្វាន់បន្ថែម ចំនួន៦៤លានរៀលដល់វីរៈកីឡាការិនីកម្ពុជាអ្នកស្រី កែ ឡេង នៅវិមានសន្តិភាព នារសៀលថ្ងៃទី០៩ ខែមេសា ឆ្នាំ ២០១៥នេះ ។
សម្តេចតេជោ ហ៊ុន សែន បានថ្លែងថា ការសម្រេចដំឡើងស័ក្តិនេះបានធ្វើឡើងដោយមានការពិភាក្សារវាងសម្តេចជា មួយលោកឧបនាយករដ្ឋមន្រ្តី ទៀ បាញ់ និងនាយឧត្តមសេនីយ៍ ប៉ុល សារឿន ។
សម្តេចតេជោបានបញ្ជាក់ថា អ្នកស្រី កែ ឡេង បានប្រឡូកចូលជាយោធាក្នុងកីឡាបាល់ទះរបស់កម្ពុជាតាំងពីឆ្នាំ ១៩៨៦មកម្ល៉េះ ហើយគិតរហូតដល់ពេលនេះ លោកស្រីបានទទួលមេដាយកិត្តិយសជាបន្តបន្ទាប់ រហូតដល់៣៧មេដាយហើយ ។
សូមរំលឹកដែរថា អ្នកស្រី កែ ឡេង ដណ្ដើមបានមេដាយមាសពិភពលោក១គ្រឿងពីក្នុងព្រឹត្តិការណ៍ Women’s World Championship of Petanque នៅប្រទេសបារាំងកាលពីចុងខែតុលា ឆ្នាំ២០១៣កន្លងទៅ មុនពេលដែលមិត្តរួមជា កីឡាការិនី ស៊ន សៀវម៉ី ដណ្តើមបានមេដាយមាស១គ្រឿងផងដែរផ្នែកកីឡាតេក្វាន់ដូ ក្នុងព្រឹត្តិការណ៍ជើងឯកប្រចាំទ្វីប អាស៊ី នៅទីក្រុងអ៊ីនឈួន ប្រទេសកូរ៉េខាងត្បូង ឆ្នាំ២០១៤ ៕
ផ្តល់សិទ្ធដោយ ៖ ដើមអម្ពិល
- ឃាត់ខ្លួនប្រធានសាខាធនាគារអេស៉ីលីដា ពាក់ព័ន្ធករណីរំលោភសេចក្តីទុកចិត្ត មានទឹកប្រាក់ខ្ទង់លានដុល្លារ! (25/01/2017 08:58:00)
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)