កវីនិពន្ធ សុខ ជំនោរ លួចសរសើរ "ទីបំផុត" របស់ ហេង ពិទូ ៖ «គ្រប់យ៉ាងស្ថិតនៅលើបាតដៃ»
(ភ្នំពេញ)៖ស្របពេលដែលទីផ្សារចម្រៀងរបស់ខ្មែរ នាពេលបច្ចុប្បន្ន ហាក់កំពុងមានការផុសផុល និងប្រកួតប្រជែងខ្លាំង តាមរយៈការនិពន្ធផលិតបទចម្រៀង និង ទំនុកភ្លេងថ្មីដោយខ្លួនឯងមិនចម្លង ពីស្នាដៃនិពន្ធបទភ្លេងនឹងទំនុកច្រៀងបរទេសនោះ គេសង្កេតឃើញថា មានបណ្តាផលិតកម្មតូ-ធំនានាជាច្រើន បានប្រជែងគ្នា ផលិតចេញបទ Originol Song សម្រាប់ឲ្យតារាចម្រៀងប្រចាំផលិតកម្មរបស់ខ្លួនច្រៀងចេញលក់លើទីផ្សារ ។
ប៉ុន្តែទោះបីជាយ៉ាងនេះ ក៏ពិតមែន ចំពោះការគាំទ្រពីទស្សនិជន ក៏នៅមានកម្រិតដែរ ខណៈតារាច្រៀងក្រៅផលិតកម្មខ្លះទៀត ក៏បានស្រវ៉ាជ្រើយការនិពន្ធចេញបទចម្រៀងដោយខ្លួនឯង ដើម្បីប្រកួតប្រជែងដណ្តើម ទីផ្សារការគាំទ្រដែរនោះ។ ម្យ៉ាងទៀតបើប្រៀបធៀប ស្នាដៃនិពន្ធបទ Originol Song ចេញដោយតារាចម្រៀង ប្រុស-ស្រីប្រចាំ នៅក្នុងផលិតកម្ម និងតារាចម្រៀងក្រៅផលិតកម្ម ដែលនិពន្ធច្រៀងខ្លួនឯងឃើញថា បទចម្រៀងរបស់កូនខ្មែរពីតារាក្រៅផលិតកម្មមួយ ហាក់កំពុងទទួលបានការគាំទ្រ និងជោគជ័យខ្លាំងគួឲ្យកត់សម្គាល់។
កវីនិពន្ធទំនុកភ្លេងល្បីឈ្មោះ សុខ ជំនោរ ថ្មីៗនេះបានបញ្ចេញទស្សនៈនឹងលើកជាចម្ងល់ផ្ទាល់ខ្លួនថា មាន ឆ្ងល់ទេ? ហេតុអ្វីបានជាផលិតកម្មធំ តូច នានាចេញបទចម្រៀងបន្តកន្ទុយភ្លូកទឹកភ្លូកដី តែ ហេង ពិទូ ក៏ដូចជាអ្នកចម្រៀងដទៃ ដូចជា ឡូ រ៉ាម៉ម និងក្មេងៗឆ្នើមៗដទៃទៀត ចេញតែមួយបទៗ ហាក់ទទួលបានការគាំទ្រ ?
លោក សុខ ជំនោរ បានសរសេរនៅលើហ្វេសប៊ុកទៀតថា តើនេះជាមូលហេតុតិចតូច ដែលអ្នកចម្រៀងចង់ផលិតខ្លួនឯង ដោយប្រើតែបណ្តាញសង្គមផ្សព្វផ្សាយ ដើម្បីដណ្តើមយកការគាំទ្រ និងឯករាជ្យភាព? គេមើលឃើញថា ការមើលទូរទស្សន៍ហាក់ថមថយ សម្រាប់អ្នករស់នៅទីក្រុង។ គ្រប់យ៉ាងហាក់នៅលើបាតដៃទៅវិញ។
ជាការពិតណាស់បន្ទាប់ពីមានការរិះគន់ របស់ទស្សនិជន ទាក់ទងការលួចចំឡងយកស្នាដៃទំនុកច្រៀង និងបទភ្លេងបរទេសទៅកាឡៃ ធ្វើបទផ្ទាល់ខ្លួនពីសំណាក់អ្នកនិពន្ធ និងតារាចម្រៀងនៅតាមបណ្តាផលិតកម្មរបស់ខ្មែរមួយចំនួនមកនោះ ឥឡូវបានធ្វើឲ្យកវីនិពន្ធ និងតារាចម្រៀងខ្លះ កំពុងប្រែក្លាយផ្នត់គំនិតផ្ទាល់ខ្លួន ដោយងាកមកចាប់ ផ្តើមនិពន្ធធ្វើបទភ្លេង និងទំនុកច្រៀង ដោយខ្លួនឯង ដើម្បីប្រកួតប្រជែងដណ្តើមទីផ្សារគាំទ្រ។ ទន្ទឹមនឹងគ្នានេះដែរ ក៏មានបទចម្រៀងដែលជាស្នាដៃ និពន្ធរបស់កូនខ្មែរមួយចំនួន ផ្តើមទទួលបានការគាំទ្រ និងជោគជ័យផងដែរ៕
- អាន ៖ «ទីបំផុត» បទ Original របស់ហេង ពិទូ ទទួលបានការគាំទ្រពីទស្សនិកជន (Video inside)
ផ្តល់សិទ្ធដោយ ៖ ហ្វ្រេសញូវអាស៊ី
- នៅចាំអីទៀត ទទួលបានការបញ្ចុះតម្លៃពីការចុះផ្សាយពាណិជ្ជកម្ម នៅគេហទំព័រ ខេមញ៉ូវ!! (04/12/2018 15:50:00)
- ដំណឹងល្អ!! ក្រុមហ៊ុនមេគង្គណិត ឧបត្ថម្ភសេវាអ៊ីនធឺណិតដោយឥតគិតថ្លៃ ដល់អង្គការ PNC (08/02/2017 10:30:00)
- សុខ ជំនោរ រន្ធត់ចិត្តនឹងដំណឹងមរណភាព របស់លោក អ៊ា វឌ្ឍនា។ តើលោកជានរណា? (18/01/2017 13:29:00)
- ទស្សនាវីដេអូនេះ អ្នកនឹងដឹងថា ការធ្វើដំណើរទៅភពអង្គារ វេទនាដល់កម្រិតណា (Video Inside) (15/01/2017 15:00:00)
- អបអរ អូអិឈិ ដែលជាតែបៃតងលក់ដាច់ជាងគេ និង ជាប់ចំណាត់ថ្នាក់លេខមួយនៅកម្ពុជា (12/01/2017 11:34:00)
- Sugar France បញ្ចុះតម្លៃពិសេសជូនដល់អតិថិជននៅក្នុងឱកាសបុណ្យចូលឆ្នាំចិន (11/01/2017 16:47:00)
- តុលាការផ្ដន្ទាទោសបុរសកុងហ្គោ២នាក់ ដាក់ពន្ធនាគារ៨ឆ្នាំ និងពិន័យប្រាក់៨លានរៀល ពីបទក្លែងលិខិតឆ្លងដែនបើក (10/01/2017 16:10:00)
- អ្នកខណ្ឌមានជ័យ ត្រៀមរក្សាទឹកទុក, នឹងមានការផ្អាកផ្គត់ផ្គង់ទឹក យប់នេះហើយពីម៉ោង.... (10/01/2017 14:20:00)
- អស្ចារ្យ, ប្រធានាធិបតីសិង្ហបុរី យល់ព្រមជួយ កសិករខ្មែរហើយ ស្របតាមសំណើ សម្តេចតេជោ ហ៊ុន សែន ដោយជួយទិញ.. (10/01/2017 09:56:00)
- Socfin កម្ពុជា ប្តេជ្ញាគ្រប់គ្រងការដាំដំណាំកៅស៊ូក្នុងខេត្តមណ្ឌលគីរី ប្រកបដោយនិរន្តភាព (09/01/2017 11:18:00)
តារា ដែលមើលច្រើន
