CamNews

ភាពយន្ត ៖ រាត្រីថ្ងៃព្រហស្បត្តិ៍ ទី    ៣១ ធ្នូ   ២០១៥  ខាង មុខនេះ ដែលត្រូវនឹងរាត្រីឆ្លងឆ្នាំថ្មី ឆ្លងឆ្នាំ សកល តើប្រិយមិត្ត មិត្តអ្នកអាន មានគម្រោងណាមួយ ពិសេសហើយឬនៅ? បើមិនទាន់មានគំរោង ណាមួយច្បាស់ការនោះទេ តោះទៅតាមដាននិងទស្សនាទាំងអស់គ្នាខ្សែភាពយន្តថ្មី"គ្រួសាររីករាយ" ឬ Love The Cooper ដែលគ្រោងនឹងចាប់បញ្ជាំងឆាប់ៗនេះហើយ   តាមបណ្តារោងភាពយន្តទំនើប ក្នុងរាជធានីភ្នំពេញនារាត្រីថ្ងៃឆ្លងឆ្នាំ ។

គ្រួសាររីករាយ គឺជាខ្សែភាពយន្ត បែបកំប្លែង មនោសញ្ជេតនា និងរ៉ូមែនទិក  ពីសហរដ្ឋអាមេរិក នឹង នាំអោយលោកអ្នកស្គាល់អត្ថន័យពិត នៃសុភមង្គលក្នុងគ្រួសារ ដែល សមាជិកម្នាក់ៗ ពិតជាមានតួ នាទីយ៉ាងសំខាន់ក្នុងការចូលរួមចំណែកស្តារទំនាក់ទំនង ក្នុងសង្គមក្រុមគ្រួសារ អោយមាន សេចក្តី សុខ  និង សុភមង្គល ។ ៤ ជំនាន់ នៃ  សង្គម គ្រួសារ Cooper បានមកជួបប្រជុំគ្នា ក្នុងកម្មវិធីបុណ្យ Christmas ប្រចាំឆ្នាំ មានដំណើររឿងជាច្រើនបានកើតឡើង  ជាបន្តបន្ទាប់ ឈានទៅបង្កបរិយាកាស អាប់អួរនារាត្រីថ្ងៃបុណ្យ Christmas ប៉ុន្តែ អ្វីដែលជាភាពភ្ញាក់ផ្អើលនោះគឺថាពីបញ្ហាប្រឈមក្លាយទៅ ជាឱកាស ក៏បាននាំអោយសង្គមគ្រួសារមួយនេះ យល់ចិត្តថ្លើមគ្នាឈានទៅប្រារព្ធកម្មវិធីបុណ្យប្រចាំ ដែលនឹងមិនអាចបំភ្លេចបាន។ ដំណើររឿងយ៉ាងណានោះ រង់ចាំ  តាម   ដានទស្សនាទាំងអស់គ្នា នា ពេលអនាគតដ៏ខ្លីខាងមុខនេះ ដែលគ្រោងនឹងចាប់បញ្ចាំង នៅថ្ងៃទី ៣១ ធ្នូ ២០១៥ ។

ដើម្បីទទួលបានពត៌មានលំអិត ពីភាពយន្តនេះនិង ពត៌មានផ្សេងៗទៀតទាក់ទង  នឹង ភាពយន្ត ដែលលោកអ្នកចូលចិត្តអាចចូលទៅកាន់ចៃកុន តាមប្រព័ន្ធបណ្តាញសង្គម ដូចជា: www.face book.com/JaiKon.Cambodia , www.youtube.com/JaiKonCambodia ហើយក៏អាច add ចៃកុន ជាមិត្តក្នុងកម្មវិធីLINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ពីភាពយន្តជារៀងរាល់អាទិត្យ៕

ប្រភព ៖ Westec Media Limited