មានចំហាយអ្នកធំជ្រួលជ្រើម សុំស្នេហ៍ ផាន វីរ៉ាទី ហៅកញ្ញា ស្ពៃជ្រក់ ហើយ

តារា

មានចំហាយអ្នកធំជ្រួលជ្រើម សុំស្នេហ៍ ផាន វីរ៉ាទី ហៅកញ្ញា ស្ពៃជ្រក់ ហើយ

10:12 AM 30.12.2015
Print Email

(ភ្នំពេញ)៖ តារាចម្រៀងស្រីថ្មីរបស់ផលិតកម្ម ថោន នាង ផាន វីរ៉ាទី ឬ កញ្ញា រ៉ាប៊ី ឬ កញ្ញា ស្ពៃជ្រក់ កំពុងតែទទួលបានប្រជាប្រិយភាព យ៉ាងសម្បើបក្នុងបទចម្រៀង «ទុកក្រមុំឲ្យម៉ែមើល» ដែលជាបទចាស់ច្រៀងថ្មីឡើងវិញ ហើយនាងយកមកច្រៀង និងបំបែកក្បាច់រាំ បានយ៉ាងល្អ ទោះបីជាទទួលរង ការរិះគន់យ៉ាងចាស់ដៃ ពីសំណាក់មហាជនក៏ដោយ ។

តារាចម្រៀង និងតារាសម្ដែងភាពយន្តរបស់ផលិតកម្ម ថោន កញ្ញា រ៉ាប៊ី ត្រូវបានគេដឹងថា ពិតជាមិនធម្មតាឡើយ ព្រោះមានសមត្ថភាពចម្រុះខ្លាំង ពោលអាចសម្ដែង ច្រៀង រាំ និងធ្វើជាពិធីការិនី បានយ៉ាងល្អ ដែលក្នុងផលិតកម្ម ថោន មិនទាន់មានតារារូបណា ធ្វើបានដូចនាងឡើយ ។

មិនត្រឹមតែរូបសម្រស់ដ៏ស្រស់សោភា និង សមត្ថភាពដ៏អស្ចារ្យប៉ុណ្ណោះទេ នាងថែមទាំងជានារី ដ៏មានមន្តស្នេហ៍ម្នាក់ផងដែរ ខណៈថ្មីៗនេះ ប្រភពដ៏កក់ក្ដៅមួយ បាននិយាយថា វីរ៉ាទី មានប្រុសអ្នកមានៗជាច្រើន ជ្រើមជ្រួលតាមសុំស្នេហ៍នាងមិនដាច់ មានទាំងប្រុសនៅបរទេស និង ជាអ្នកមានទ្រព្យស្ដុកស្ដម្ភក្នុងស្រុក ហើយអ្នកសិល្បៈដូចគ្នាក៏មានដែរ។ ប៉ុន្តែស្រីស្អាតរូបនេះ ក្រអើតក្រទម មិនងាយទទួលសំណើរ ពីបុរសណាម្នាក់ឡើយ ប៉ុន្តែប្រសិនបើនាង អូខេ ភ្លាម នឹងបានឡានថ្មី ផ្ទះវីឡាស្ដុមស្ដម្ភ ដេកស្រួលចាយលុយពេញៗដៃមិនខាន។

ផាន វីរ៉ាទី យកពេលវេលា ដើម្បីប្រមូលភាពល្បីល្បាញសិន ព្រោះនាងប្រឡូកសិល្បៈរាប់ឆ្នាំមកហើយ ទើបតែមានទ្រនំត្រឹមត្រូវ នៅពេលនេះ ។ ផាន វីរ៉ាទី មិនអាចសុំការបំភ្លឺបានទេ នៅថ្ងៃនេះ ខណៈលេខទូរស័ព្ទ ដែលនាងធ្លាប់ប្រើ ត្រូវបានបិទ៕