កីឡាអន្តរជាតិ
ក្លឹប Barcelona ទិញបានកីឡាករខ្សែការពារ Samuel Umtiti មកពីក្លឹប Lyon
(បាសេឡូណា)៖ ក្លឹបជើងឯកអេស្ប៉ាញ FC Barcelona ទិញបានកីឡាករខ្សែការពារជនជាតិបារាំង Samuel Umtiti មកពីក្លឹប Lyon របស់បារាំង ដែលជាកីឡាករទី១ មុនចាប់ផ្តើមរដូវកាលថ្មីឆ្នាំ២០១៦-២០១៧ ក្នុងខែសីហាខាងមុខនេះ។
សារព័ត៌មាន BBC បានផ្សាយឲ្យដឹងថា កីឡាករខ្សែការពារដែលមានវ័យទើបតែ២២ឆ្នាំ ដែលបានចូលលេងក្នុងក្រុម ជម្រើសជាតិមាន់គកបារាំង ក្នុងព្រឹត្តិការណ៍ Euro 2016 ចំនួន៣ប្រកួត រួមទាំងវគ្គផ្តាច់ព្រ័ត្រដែរនោះ បានព្រមព្រៀងចុះកិច្ចសន្យាលេងឲ្យក្លឹបអ្នកមានបុណ្យ FC Barcelona រយៈពេល ៥ឆ្នាំ ក្រោមតម្លៃខ្លួន ២១លានផោន។
កីឡាករស្បែកខ្មៅ Umtiti បានចូលលេងឲ្យក្លឹបអាជីពក្នុងក្របខណ្ឌកំពូល Ligue 1 បានចូលលេង ១៥០ប្រកួតក្នុងក្លឹប Lyon ដោយបានឈ្នះពានលំដាប់ទី២ បារាំងបានម្តងដែរក្នុងឆ្នាំ២០១២៕
ផ្តល់សិទ្ធដោយ ៖ ខ្មែរថកឃីង
កីឡាអន្តរជាតិ ដែលមើលច្រើន
