លោកត្រាំអះអាងថា ការបោះឆ្នោតលើកនេះ មានការបន្លំសន្លឹកឆ្នោត- តើមានភស្ដុតាងដែរ ឬទេ?
លោកប្រធានាធិបតី Donald Trump បាននិយាយថា ការបោះឆ្នោត គឺជាការបន្លំសន្លឹកឆ្នោត ចំពោះសាធារជនអាមេរិក។
លោកបាននិយាយ ស្របពេលលទ្ធផលឆ្នោតរបស់គូបដិបក្ខលោកគឺលោក Joe Biden មានចំនួនប្រកៀកប្រកិតគ្នាជាមួយនឹងលោកថា៖ “យើងនឹងប្ដឹងទៅតុលាការកំពូល ។ យើងចង់ឱ្យការបោះឆ្នោតទាំងមូលត្រូវបញ្ឈប់” ។
ដំបូងឡើយ មានសន្លឹកឆ្នោតស្របច្បាប់ជាច្រើនសន្លឹក នៅក្នុងបណ្ដារដ្ឋប្រកួតប្រជែង ដែលមិនបានរាប់ ដែលនឹងអាចធ្វើឱ្យសម្លេងឆ្នោតមានការផ្លាស់ប្ដូរ ។
ចំពោះការចោទប្រកាន់រឿងបន្លំសន្លឹកឆ្នោត លោកត្រាំពុំបានផ្ដល់ឧទាហរណ៍ជាក់លាក់ឡើយ ហើយការសិក្សា ដែលធ្វើឡើងចំពោះការបោះឆ្នោតលើកមុនៗបង្ហាញថា ការបន្លំសន្លឹកឆ្នោត គឺកម្រនឹងកើតមានខ្លាំងណាស់ ។
ជារឿយៗ លោកត្រាំតែងធ្វើការអះអាងថា សន្លឹកឆ្នោតផ្ញើតាមប្រៃសណីយ៍ ដែលត្រូវបានបញ្ជូនមកយ៉ាងគគ្រឹកគគ្រេងនាពេលនេះ ដោយតែការវិបត្ដិរាលដាលជំងឺខូវិដ ១៩ គឺជាកម្មវត្ថុនៃការបន្លំសន្លឹកឆ្នោតទ្រង់ទ្រាយធំ ។
ពាក្យបណ្ដឹងនៃការបន្លំសន្លឹកឆ្នោត ដែលយើងបានឃើញសម្រាប់ការបោះឆ្នោតលើកនេះ បានបង្កើតជាពាក្យចចាមអារាមដោយគ្មានភស្ដុតាង នៅក្នុងបណ្ដាញសង្គម ។
នៅចុងខែកញ្ញា នាយកស៊ើបអង្កេតរបស់ FBI លោក Christopher Wray បាននិយាយថា ពួកលោក ពុំបានឃើញ កិច្ចខិតខំប្រឹងប្រែងបន្លំសន្លឹកឆ្នោតថ្នាក់ជាតិណាមួយ ដែលត្រូវបានសម្របស្រួលឡើយ នៅក្នុងការបោះឆ្នោតដ៏ធំនេះ ៕
ប្រែសម្រួល៖ សារ៉ាត
ប្រភព៖ BBC
ព័ត៌មានអន្តរជាតិ ដែលមើលច្រើន
