CamNews

ស្វែងរកកំរិតខ្ពស់
ប្លែកៗ 

អាយុ៧៨ឆ្នាំ បាញ់ត្រង់ដូចកំពូលចារនារី

នៅក្នុងវ័យ "រសៀល" ទៅហើយ ប៉ុន្ដែលោកយាយ Chandro Tomar រស់នៅក្នុងប្រទេស
ឥណ្ឌា នៅតែធ្វើអោយមានការភ្ញាក់ផ្អើលយ៉ាងខ្លាំង ដោយសារតែភាពស្ទាត់ជំនាញក្នុង
ការបាញ់កាំភ្លើងរបស់ខ្លួន។
លោកយាយ Chandro Tomar មានអាយុ ៧៨ឆ្នាំ បានចូលរួមក្នុងការប្រកួត និងដណ្ដើម
បានពានរង្វាន់ផ្នែកបាញ់កាំភ្លើងចំនួន ២៥  នៅក្នុងការប្រកួតដែលត្រូវបានរៀបចំឡើង
នៅជុំវិញប្រទេសឥណ្ឌា។

លោកយាយ Chandro Tomar បានមានប្រសាសន៍ថា ៖ "ខ្ញុំចង់ធ្វើអ្វីមួយដែលមាន
ប្រយោជន៍ដល់ជីវិត និងដើម្បីបង្ហាញពីសមត្ថភាពរបស់ខ្លួន។ នៅពេលបានបាញ់គ្រាប់
ដំបូង ខ្ញុំគិតថា ខ្ញុំពិតជាចូលចិត្តកីឡានេះណាស់។ នៅពេលនេះ ខ្ញុំបានបង្ហាញប្រាប់
រាល់គ្នាថា អាយុមិនមែនជាបញ្ហានោះទេ។ ប្រសិនយកចិត្តទុកដាក់ អ្នករាល់គ្នានឹងអាច
ធ្វើអ្វីៗបានទាំងអស់"។

លោកយាយ Chandro Tomar អាយុ ៧៨ឆ្នាំ

លោកយាយ Chandro Tomar បានចាប់ផ្ដើមកាន់កាំភ្លើងលើកទីមួយកាលពី ១០ឆ្នាំមុន
ខណៈដែលគាត់បាននាំចៅទៅមើលក្លឹបហាត់បាញ់កាំភ្លើងមួយនៅភូមិ Johri ក្នុងតំបន់
Uttar Pradesh ប្រទេសឥណ្ឌា។ ប្រការដែលគួរស្ងើចសរសើរ នោះគឺនៅពេលបានហាត់
បាញ់ជាមួយចៅ លោកយាយបានធ្វើអោយអ្នកបង្ហាត់ត្រូវភ្ញាក់ផ្អើលយ៉ាងខ្លាំង។

បើទោះជាមានការរវល់ធ្វើការនៅក្នុងកសិដ្ឋានដើម្បីចិញ្ចឹមគ្រួសារ ប៉ុន្ដែលោកយាយ
Chandro Tomar នៅតែឆ្លៀតពេលហាត់ ដោយការប្រើដុំថ្ម គប់ចូលទៅក្នុងដបទឹក។ នេះប្រហែលជាកត្តាដែលនាំអោយលោកយាយមានជំនាញបែបនេះ។

 
 
បច្ចុប្បន្ន លោកយាយ Chandro Tomar ត្រូវបានគេចាត់ទុកដូចជា "វត្ថុមានតម្លៃរបស់
ជាតិ" និងមានឈ្មោះល្បីទូទាំងប្រទេស ដោយសារតែភាពជំនាញក្នុងការបាញ់កាំភ្លើង
របស់គាត់។

ជាងនេះទៅទៀត លោកយាយក៏ទទួយបានមេដាយមាសនៅក្នុងការប្រកួតរកជើងឯក
ផ្នែកបាញ់កាំភ្លើងសម្រាប់អតីតទាហានដែលត្រូវបានធ្វើឡើងនៅ Chennai នៃប្រទេស
ឥណ្ឌា។

បើទោះជាមានឈ្មោះល្បី និងត្រូវបានគេគោរពច្រើន ប៉ុន្ដែជីវភាពរបស់លោកយាយ
នៅតែមិនបានផ្លាស់ប្ដូរអ្វីទាំងអស់។ លោកយាយនៅតែបំពេញការងារដូចស្ដ្រីសាមញ្ញ
ម្នាក់ នោះគឺការដាំស្ល រៀបចំផ្ទះ និងថែរក្សាគ្រួសារធំរបស់គាត់ដែលមានកូន ៦ នាក់
និងចៅ ១៥នាក់៕


ដោយ ៖ សូរីយ៉ា
ប្រភព ៖ DM


Tags: India ,  gun ,  marksmanship

ប្លែកៗ ដែលមើលច្រើន

ឃើញហើយអាណិតខ្លោចចិត្ដ! មិនគួរណាទុកកូនស្រីតូចឱ្យរងគ្រោះ ដល់ថ្នាក់ហ្នឹងសោះ!!

ក្មេងស្រីតូច ត្រូវបានគេឃើញព្យួរកជាប់នឹងប្រឡោះដែក ខណៈដែល

ក្មេងស្រីអាយុ ១៧ ឆ្នាំម្នាក់ចេះតែឈឺក្នុងពោះ ពេទ្យថា មានដុំសាច់មហារីក លុះវះឃើញពេទ្យស្រឡាំងកាំងគ្រប់គ្

ក្មេងស្រីវ័យជំទង់ម្នាក់ បានទំពារលេបសក់របស់នាងអស់ជាច្រើនឆ្នាំ ដែលនៅទីបំផុតក្រុមគ្រូពេទ្យ សម្រេចចិត្ដវះកាត់ ដើម្បីយកដុំសក់ដ៏ធំនោះចេញ .......

ស្ទើតែមិនគួរឲ្យជឿ!! រូបថត ៧ សន្លឹកនៅក្នុងប្រទេសថៃ ពិតជាធ្វើឲ្យទប់សំណើចមិនបានឡើយ

ស្ទើតែមិនគួរឲ្យជឿ!! រូបថត ៧ សន្លឹកនៅក្នុងប្រទេសថៃ ពិតជាធ្វើឲ្យទប់សំណើចមិនបានឡើយ