GSK និង Save the Children អំពាវនាវឲ្យពលរដ្ឋកម្ពុជាដែលមានការច្នៃប្រឌិតប្រកួតឈ្នះរង្វាន់១លានដុល្លារ
ក្រុមហ៊ុន GSK និងអង្គការ Save the Children បានចាប់ផ្ដើមកម្មវិធីប្រលងប្រណាំងដើម្បីរង្វាន់សម្រាប់គំនិតថែទាំសុខភាពជាលើកទីបួន ដែលមានតម្លៃ ១ លានដុល្លារ សម្រាប់អ្នកដែលមានគំនិតច្នៃប្រឌិតក្នុងការកាត់បន្ថយអត្រាស្លាប់របស់កុមារនៅតាមបណ្ដាប្រទេសកំពុងអភិវឌ្ឍន៍ និងគំនិតដែលមានសក្តានុពលភាពសម្រាប់ជួយដល់កុមារបានកាន់តែច្រើន។
នៅចន្លោះឆ្នាំ ២០០០ និង២០១០ មានការរីកចម្រើនជាច្រើន ពាក់ព័ន្ធនឹងការកាត់បន្ថយអត្រាស្លាប់របស់កុមារដែលមានអាយុក្រោម ៥ ឆ្នាំ ក្នុងនោះអត្រាស្លាប់របស់កុមារនៅរាជធានីភ្នំពេញ បានកាត់បន្ថយអស់ជិត ពីរភាគបី។1 នៅឆ្នាំនេះ គិតត្រឹមថ្ងៃទី ៧ ខែកញ្ញា បណ្ដាអង្គការនានានៅក្នុងប្រទេសកម្ពុជាអាចជ្រើសរើសយកវិធីសាស្រ្តថែទាំសុខភាពដែលមានការច្នៃប្រឌិត ដែលត្រូវបានយកមកអនុវត្ត សំដៅកាត់បន្ថយអត្រាស្លាប់ឲ្យបានកាន់តែច្រើនថែមទៀត។ គំនិតច្នៃប្រឌិតទាំងនេះត្រូវនាំមកនូវការកែលម្អធំៗបន្ថែមទៀតសម្រាប់ការរស់រានរបស់កុមារអាយុក្រោម ៥ ឆ្នាំ ត្រូវមាននីរន្តរភាព ព្រមទាំងអាចពង្រីកឬយកទៅអនុវត្តនៅតំបន់ផ្សេងទៀតបាន។
រង្វាន់គឺជាគំនិតផ្ដួចផ្ដើមមួយនៃភាពជាដៃគូយុទ្ធសាស្រ្តរបស់ក្រុមហ៊ុន GSK និងអង្គការ Save the Children រយៈពេល ៥ ឆ្នាំ ដែលគ្រោងនឹងប្រើជំនាញនិងបទពិសោធន៍របស់ស្ថាប័នទាំងពីរនេះដើម្បីជួយសង្រ្គោះជីវិតកុមារមួយលាននាក់។ តាំងពីឆ្នាំ ២០១៣ មក វិធីសាស្រ្តច្នៃថ្មីៗជាច្រើន តាំងពីរប្រព័ន្ធកត់ត្រាការចាក់ថ្នាំបង្ការដោយមិនប្រើក្រដាស រហូតដល់កញ្ចប់ព្យាបាលជំងឺរាគរូសដែលមានតម្លៃថោក ត្រូវបានទទួលស្គាល់តាមរយៈកម្មវិធីពានរង្វាន់។ នៅឆ្នាំនេះ វិធីសាស្រ្តទទួលស្គាល់ដែលបានជួយកាត់បន្ថយការស្លាប់របស់កុមារ នឹងយកចិត្តទុកដាក់ជាពិសេសសចំពោះគំនិតច្នៃប្រឌិតដែលផ្ដោតលើការជួយដល់កុមារនៅតំបន់ដាច់ស្រយាលបំផុត។
Vi Nguyen Thi Tuong ដែលជាប្រធាន គ្រប់គ្រងទូទៅនៃក្រុមហ៊ុន GSK កម្ពុជាបានបន្ថែមទៀតថា៖ “ពាក់ព័ន្ធនឹងការជួយកុមារកម្ពុជាងាយរងគ្រោះបំផុតប្រកបដោយគុណភាព គ្មានអង្គការណាមួយអាចមានដំណោះស្រាយគ្រប់បែបយ៉ាងទេ។ ដូច្នេះយើងតែងតែស្វែងរកគំនិតថ្មីនិងប្លែកផ្សេងរួមបញ្ចូលគ្នា។ រង្វាន់របស់យើង សម្គាលល់ឃើញថាដំណោះស្រាយមួយចំនួនដែលល្អបំផុតចំពោះបញ្ហាប្រឈមនៃការអភិវឌ្ឍបណ្ដាលមកពីមនុស្សដែលរស់នៅជាមួយបញ្ហាប្រឈមទាំងនោះ។ ស្ថានភាពលំបាកអាចជំរុញឱ្យមានគំនិតច្នៃប្រឌិត ដោយបង្កើតបានជាដំណោះស្រាយដែលពាក់ព័ន្ធ និងអនុវត្តបាន។ ប្រសិនបើគំនិតដ៏ល្អនេះអាចចែករំលែកទូទាំងប្រទេស និងទ្វីបបាន ឥទ្ធិពលប្រហែលជាជ្រាវជ្រៅ។”
ដោយគូសបញ្ជាក់ពីចំណុចសំខាន់នៃរង្វាន់ឆ្នាំនេះ Ali Forder ដែលជានាយកកម្មវិធី គោលនយោបាយ និងគុណភាពនៅអង្គការ Save the Children បាននិយាយថា៖ “មានការរីកចំរើនដ៏គួឱ្យភ្ញាក់ផ្អើលក្នុងប៉ុន្មានឆ្នាំថ្មីនេះក្នុងការកាត់បន្ថយចំនួនក្មេងស្លាប់ដែលមានអាយុក្រោមប្រាំឆ្នាំ។ ថ្វីបើមានការរីកចំរើន ក៏នៅតែមានក្មេងច្រើនជាងប្រាំលាននាក់ស្លាប់រៀងរាល់ឆ្នាំ ហើយក្មេងរាប់លាននាក់ត្រូវបានគេបោះបង់ចោលដោយសារតែ យែនឌ័រ ភាពក្រីក្រ ឬជាតិសាសន៍របស់ពួកគេ ពីព្រោះតែពួកគេរស់នៅក្នុងតំបន់ដាច់ស្រយាល ឬកន្លែងចាក់សំរាមជាយក្រុង ឬពីព្រោះតែពួកគេមានជម្លោះ។ យើងចង់ស្វែងរក និងរកវិធីដែលអាចទៅជួបក្មេងៗទាំងអស់នោះបាន។”
គណៈវិនិច្ឆ័យដែលមានអ្នកជំនាញមកពីវិស័យសុខភាពសាធារណៈ វិទ្យាសាស្ត្រ និងផ្នែកសិក្សាស្រាវជ្រាវ នឹងផ្ដល់រង្វាន់ទាំងអស់ ឬមួយផ្នែកនៃមូលនិធិដល់គំនិតច្នៃប្រឌិតផ្នែកថែទាំសុខភាពដែលល្អបំផុតមួយ ឬច្រើន។ ព័ត៌មានលម្អិតបន្ថែមស្ដីពីដំណើរការវាយតម្លៃនិងលក្ខណៈវិនិច្ឆ័យអាចរកបាននៅគេហទំព័រ៖ www.healthcareinnovationaward.org
ការចូលរួមបិទនៅថ្ងៃទី ៧ ខែកញ្ញា ឆ្នាំ ២០១៦ នៅម៉ោង ១១: ៥៩ នាទីល្ងាច (GMT)។ ប្រកាសជ័យលាភីនៅខែឆ្នូ៕
- នៅចាំអីទៀត ទទួលបានការបញ្ចុះតម្លៃពីការចុះផ្សាយពាណិជ្ជកម្ម នៅគេហទំព័រ ខេមញ៉ូវ!! (04/12/2018 15:50:00)
- ទូរស័ព្ទចល័ត ទាំង ៦ នៅស្រុកខ្មែរ នឹងបញ្ឈប់ Calltune "មីក្រូហិរញ្ញវត្ថុ..." នៅថ្ងៃនេះ ព្រោះ... (20/03/2017 09:05:00)
- យុវជនអាយុ១៦ឆ្នាំបើករថយន្ដបុកចូលផ្ទះលក់ទូរសព្ទ័ដៃនៅម៉ាម្ដុំទួលគោក (10/03/2017 09:59:00)
- និយមន័យល្បែង, ចាប់ខ្លួន ក្រោយយកលុយ 1000$ ទិញ Zenya 224 កេស ទៅលេងល្បែងចាញ់អស់ (08/03/2017 15:30:00)
- អំណោយ ១៥យ៉ាង ដែលអាក្រក់បំផុតសម្រាប់ស្រ្តី (08/03/2017 15:21:00)
- ការពិត ដ៏អស្ចារ្យ ៤យ៉ាង ទាក់ទងនឹងបង្គោលភ្លើងស្តុបថ្មីៗ ដែលបានបំពាក់នៅក្នុងក្រុង (08/03/2017 14:50:00)
- ដល់ក, ឡានដឹកទំនិញ ឆ្លង ដរ ទារថ្លៃ 150$ អភិបាលខណ្ឌជ្រោយចង្វារ ហៅម្ចាស់ព្រមាន (08/03/2017 13:39:00)
- អ្នកមកពី ២ ខេត្ត និង ១ រាជធានី "ត្រៀមត្រៀម" ព្រោះ EDC ចេញសេចក្តីប្រកាសថា .... (08/03/2017 09:02:00)
- រថយន្តដឹកឈើយកមកដាំនៅហាងកាហ្វេ Amazon បុកបង្កៃដៃស្ពាន ធ្លាក់លូទឹកស្អុយតាមផ្លូវ១០៥បឹងត្របែក (07/03/2017 16:38:00)
- ដល់ក, ប្រាក់ខែ 650$ ក្នុង ១ខែ នៅស៊ីដាច់ លុយជិត ៤ម៉ឺនដុល្លាររបស់ក្រុមហ៊ុន បានមកពីលក់សំបុត្រយន្តហោះ (07/03/2017 15:21:00)