ដួង ម៉ានិច និង អាន គុណកូឡា ត្រូវគេសង្ស័យថា សិ្នទ្ធស្នាលលើសពីមិត្តភាពធម្មតា
(ភ្នំពេញ)៖ ស្របពេលដែលតារាសម្តែងស្រី ធ្លាប់រងនូវព្យុះភ្លៀងអាស្រូវរិះគន់ រឿងស្លៀកពាក់សិចស៊ី នាពេលកន្លងមក កញ្ញា ដួង ម៉ានិច បានរៀបចំធ្វើឲ្យមាន ការភ្ញាក់ផ្អើល សម្រាប់តារាចម្រៀងប្រុស លោក អាន គុណកូឡា នាឱកាសថ្ងៃខួបកំណើតគំរប់អាយុ២៧ឆ្នាំ កាលពីថ្មីៗនេះ ស្រាប់តែមានប្រភពខ្លះ បានដាក់ការសង្ស័យថា ភាពស្និទ្ធស្នាល រវាងអ្នកទាំងពីរ អាចមានអ្វីលើសពីមិត្តភាព ត្រឹមរាប់អានគ្នាធម្មតា ពោលគឺចាប់តាំងពីពួកគេ វិលត្រឡប់ពីច្រៀង និងសម្តែងនៅលើទឹកដី ប្រទេសកូរ៉េវិញ ហាក់មានភាពផ្អែមល្ហែម ប្រៀបដូចជាគូស្នេហ៍ថ្មោងថ្មី។
គេចាំបានថា កាលពីអំឡុងមុនពេលពិធីបុណ្យ ចូលឆ្នាំខែប្រមាណ ជាង១សប្តាហ៍ គឺតារាចម្រៀង-សម្តែងប្រុសស្រី លោក អាន គុណកូឡា និងកញ្ញា ដួង ម៉ានិច បានដឹកដៃបណ្តើគ្នា ចេញដំណើរពីប្រទេសកម្ពុជា ដើម្បីស្នាក់នៅច្រៀង-សម្តែង លើទឹកដីប្រទេសកូរ៉េ រយៈពេល៥ថ្ងៃ ដោយមានការរួមដំណើរ ជាមួយតារាស្រីរបស់ខ្មែរម្នាក់ទៀត គឺកញ្ញា ប៉ែន ស្រីពេជ្រ ។ អ្វីដែលជាការកត់សម្គាល់ ចាប់តាំងពីពេលនោះមក រវាងលោក អាន គុណកូឡា និង ដួង ម៉ានិច ចាប់ផ្តើមមានភាពខុសគ្នា ត្រង់ពួកគេតែងបង្ហាញពីការយកចិត្តទុកដាក់ និងបារម្ភពីគ្នា ខុសពីធម្មតា។
ជាក់ស្តែង កាលពីរាត្រីថ្ងៃសៅរ៍ ទី២១ ខែឧសភា ឆ្នាំ២០១៦កន្លងមកនេះ តារាស្រីកញ្ញា ដួង ម៉ានិច បានធ្វើឲ្យតារាប្រុសរូបសង្ហា លោក អាន គុណកូឡា មានភាពភ្ញាក់ផ្អើល ស្ទើរតែហានិយាយអ្វីមិនរួច ខណៈដែលតារាស្រីរូបនេះ រៀបចំនំខួបកំណើត ដើម្បីsurprise ចំថ្ងៃខួបកំណើតលោកនាឱកាសពួកគេ ទៅចូលរួមកម្មវិធីមង្គលការ មន្រ្តីធំម្នាក់ នៅចេនឡា ដោយពិធីនេះ ក៏មានវត្តមានលោក ហ៊ុន ម៉ាណែត ចូលរួមជាពិសេស ផងដែរ។
នៅលើបណ្តាញសង្គមហ្វេសប៊ុក របស់តារាចម្រៀង ប្រចាំផលិតកម្មសាន់ដេ លោក អាន គុណកូឡា ក៏បានបង្ហាញពីសកម្មភាព នៃការរៀបចំនំខួបកំណើត ដែលជាការផ្តើមគំនិត ពីសំណាក់តារាស្រី ដួង ម៉ានិច ដោយមានការភ្ជាប់ ជាមួយរូបភាពជាច្រើនសន្លឹក និងឃ្លីបវីដេអូ ហើយសរសេរថា «អរគុណខ្លាំងណាស់បង ហ៊ុន ម៉ាណែត និង ប្អូនស្រីសំណប់ ដួង ម៉ានិច ដែលបាន surprise ខ្ញុំក្នុងថ្ងៃនេះ !»។ ទន្ទឹមគ្នានេះដែរ ក៏មានការផ្ញើសារជូនពរ លោកជាច្រើនផងដែរ ពីសំណាក់ទស្សនិកជន គាំទ្រលើហ្វេសប៊ុក។
យ៉ាងណាមិញ ព្រឹកថ្ងៃទី២៣ ខែឧសភា ឆ្នាំ២០១៦នេះ Khmertalking មិនអាចទំនាក់ទំនងសួរនាំបន្ថែម ពីលោក អាន គុណកូឡា និងកញ្ញា ដួង ម៉ានិច បាននៅឡើយទេ។ ដូច្នេះKhmertalking និងស្វែងរកការបកស្រាយការពិត ពីសំណាក់តារាប្រុស-ស្រីទាំងពីរដួងនេះ នៅពេលក្រោយ៕
ផ្តល់សិទ្ធដោយ ៖ ខ្មែរថកឃីង
- ដួង ម៉ានិច និងអាន គុណកូឡា បណ្តើរគ្នាចេញទៅ ប្រទេសកូរ៉េ (01/04/2016 15:34:00)
- អាន គុណកូឡា សង្ស័យស្រវឹង បើករថយន្តលឿនជ្រុល ទៅបុកខឿនផ្លូវក្រោមដីស្ពានអាកាសទិចណូរួចរត់បាត់ (24/12/2015 11:16:00)
តារា ដែលមើលច្រើន
