CNRPរៀបចំពិធី ប្រគល់ផែនទី ដែលលោក សម រង្ស៊ី ទិញពីប្រទេស បារាំង ទៅឲ្យ រាជបណ្ឌិតសភា
ភ្នំពេញ ៖ គណបក្សសង្រ្គោះជាតិ (CNRP) នៅម៉ោងប្រមាណជា១០និង៣០នាទីព្រឹកថ្ងៃទី១០ ខែសីហា ឆ្នាំ២០១៥នេះ បានរៀបចំពិធីប្រគល់ ផែនទី ទៅឲ្យរាជបណ្ឌិតសភា ដើម្បីធ្វើការផ្ទៀតផ្ទាត់ ជាមួយ ផែនទី ដែលរាជរដ្ឋាភិបាល ប្រើប្រាស់ដើម្បីបោះបង្គោលព្រំដែន ជាមួយវៀតណាម។
ការប្រគល់ផែនទីបានធ្វើឡើងបន្ទាប់ពី លោក សុខ ទូច ដែលជាប្រធាន ក្រុមស្រាវជ្រាវ នៃរាជបណ្ឌិត សភា បានស្នើឲ្យគណបក្សសង្រ្គោះជាតិប្រគល់ផែនទីកាលពីថ្ងៃទី២២ ខែកក្កដា ហើយការយកមកនេះ ដើម្បីជាព័ត៌មានប៉ុណ្ណោះ មិនអាចធ្វើជាគោលបានទេ។
ពិធីនេះដឹកនាំដោយ លោក ហុង សុខហួរ មន្រ្តីនៃខុទ្ទកាល័យរបស់លោក សម រង្ស៊ី ខណៈលោក សម រង្ស៊ីមិនមានវត្តមាននៅក្នុងប្រទេស គ្រាដែលលោកជាអ្នកយកផែនទីនេះ ដោយផ្ទាល់ដៃខ្លួនឯង ពីបារាំង។
ផែនទីនេះ ជាផែនទីឌីជីថល មិនមែនជាផែនទីក្រដាសនោះទេ ទាល់តែដាក់ក្នុងកុំព្យូទ័រ ទើបបានមើលឃើញ។
សូមបញ្ជាក់ថា កាលពីអំឡុងខែមិថុនា ឆ្នាំ២០១៥ លោក សម រង្ស៊ី យកផែនទីពីប្រទេសបារាំង ចំនួន ២៦ផ្ទាំងដើម្បីយកមកជាជំនួយដល់រាជរដ្ឋាភិបាលក្នុងការបោះបង្គោលព្រំដែនជាប្រទេសក្បែរខាងគឺវៀតណាម។
បើតាមការបញ្ជាក់ របស់លោក សុខ ទូច បណ្ឌិតសភា បានទទួលឯកសារផែនទី ពីខាងរាជរដ្ឋាភិបាល កម្ពុជា, ទទួលឯកសារពីលោក ស៊ាន ប៉េងសែ អតីតប្រធានគណៈកម្មាធិការរៀបចំកិច្ចការព្រំដែនកម្ពុជា និងឯកសារជាច្រើនទៀត ៕
ផ្តល់សិទ្ធដោយ ៖ ដើមអម្ពិល
- ឃាត់ខ្លួនប្រធានសាខាធនាគារអេស៉ីលីដា ពាក់ព័ន្ធករណីរំលោភសេចក្តីទុកចិត្ត មានទឹកប្រាក់ខ្ទង់លានដុល្លារ! (25/01/2017 08:58:00)
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)