អាមេរិក ផ្ដល់សេវាបញ្ចុះសព នៅលើឋានព្រះចន្ទ
Elysium Space ដែលជាក្រុមហ៊ុនអវកាស និងអាកាសចរណ៍របស់អាមេរិក មានផ្ដល់សេវាកម្ម
ដឹកជញ្ជូនសព ទៅកាន់កន្លែងបូជាដ៏ឆ្ងាយមួយនៅគឺនៅលើភពព្រះចន្ទ នេះបើតាម Fortune
ដែលបានចេញផ្សាយកាលពីថ្ងៃទី ២៤កន្លងទៅ។
ប្រភពបានឱ្យដឹងថា ក្រុមហ៊ុននេះ បានរចនាកោដ្ឋធ្វើអំពីលោហធាតុ សម្រាប់ដាក់ធាតុរបស់
មនុស្សដែលបានស្លាប់ ដើម្បីនាំទៅកាន់ឋានព្រះចន្ទ។ បច្ចុប្បន្ន ក្រុមហ៊ុន Elysium Space កំពុងសហការជាមួយក្រុមហ៊ុនបច្ចេកវិទ្យាមនុស្សយន្តអវកាស Astrobotic អាមេរិក និងប្រើប្រាស់
កាំជ្រួចរបស់ក្រុមហ៊ុន SpaceX អាមេរិក ដើម្បីផ្ដល់សេវាកម្មខាងលើ។
ក្រៅពីនេះ ក្រុមហ៊ុនក៏ផ្ដល់សេវាកម្មរំលឹកវិញ្ញាណក្ខន្ធពីរប្រភេទផងដែរ ក្នុងនោះ មានសេវា
កម្មមួយដែលគេហៅថា "ទេពសយុត" អនុញ្ញាតឱ្យនាំយកកោដ្ឋ ហោះទៅកាន់អាកាស ហើយ
បាញ់ត្រឡប់មកកាន់ផែនដី ដូចទៅនឹងអាចម៍ផ្កាយធ្លាក់។ ចំណែកសេវាកម្មទីពីរ មានឈ្មោះ
ថា រំលឹកវិញ្ញាណក្ខន្ធ បែប "ហ្គាឡាក់ស៊ី" គឺបាញ់បញ្ជូនកោដ្ឋដាក់ធាតុ ទៅក្នុងអវកាសដ៏សែន
ឆ្ងាយ។
ក្រុមហ៊ុននេះអះអាងថា អតិថិជនចំនួន៥០នាក់ដំបូង ដែលបានទិញសេវាកម្មនេះ នឹងទទួល
បានការបញ្ចុះតម្លៃ ពោលគឺបង់ប្រហែលត្រឹមតែ ១ម៉ឺនដុល្លារប៉ុណ្ណោះ។
មកដល់ពេលនេះ គេបានដឹងថា បុរសជាទាហានដែលធ្លាប់ចូលរួមធ្វើសង្គ្រាមនៅអ៊ីរ៉ាក់ម្នាក់
នឹងក្លាយជាមនុស្សដំបូងគេ ដែលប្រើប្រាស់សេវាកម្មនេះ។ មូលហេតុដែលនាំឱ្យទាហានរូប
នេះ សម្រេចជួលសេវាកម្មនេះ នោះគឺព្រោះតែគាត់ចង់រំលឹកវិញ្ញាណក្ខន្ធម្ដាយរបស់គាត់កាល
នៅរស់។ កាលបុរសនេះ កំពុងច្បាំងនៅឯសមរភូមិអ៊ីរ៉ាក់ ម្ដាយរបស់គាត់តែងសរសេរសំបុត្រ
ផ្ញើឱ្យគាត់ ដោយតែងរំលឹកគាត់ថា "បើទោះជានៅឆ្ងាយយ៉ាងណា ចូរកូនសម្លឹងមើលទៅ
ព្រះចន្ទ កូននឹងដឹងថា ម្ដាយនៅក្បែរកូនជានិច្ច"៕
ប្រែសម្រួលដោយ ៖ តារា
ប្រភព ៖ Fortune/CBC
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
ប្លែកៗ ដែលមើលច្រើន
