សុខភាព
ទស្សនាទូរទស្សន៍ចាប់ពី២ម៉ោង
វ៉ាស៊ីនតោន៖ ការសិក្សាបានឲ្យដឹងកាលពីថ្ងៃចន្ទថា អ្នកដែលចំណាយពេលជាង ២ម៉ោងរាល់ថ្ងៃ ទស្សនាទូរទស្សន៍ ឬក៏អង្គុយមុខកញ្ចក់ទូរទស្សន៍ ទទួលរងគ្រោះថ្នាក់ជំងឺបេះដូងទ្វេដង និងមានអត្រាឆាប់ស្លាប់ខ្ពស់។ការណែនាំបែបនេះ ក៏តម្រូវឲ្យមានការយកចិត្ដទុកដាក់ខ្ពស់ ជាពិសេសចំពោះមនុស្សពេញវ័យបំពេញការងារភាគច្រើន ដែលបានចំណាយពេលវេលាយូរខ្ជិលច្រអូស ខណៈពេលធ្វើដំណើរទៅធ្វើការងារ ឬក៏ត្រលប់មកវិញ ឬក៏អង្គុយដូចអត់ឆ្អឹងលើតុឬក៏មុខកំព្យូទ័រជាដើម។
ចំពោះអ្នកដែលចំណាយពេល ៤ម៉ោង ឬក៏ច្រើនជាងនេះក្នុង ១ថ្ងៃ មានអត្រាគ្រោះថ្នាក់ឈានដល់ការស្លាប់ដោយសារបញ្ហាផ្សេងៗ ៤៨ភាគរយ។
ក្នុងចំណោមមនុស្សពេញវ័យចំនួន ៤៥១២នាក់ ស្ថិតក្នុងការសិក្សាស្រាវជ្រាវនេះ ដែលចំណាយពេលគ្រាន់តែ ២ម៉ោង ឬក៏ច្រើនជាងនេះក្នុង ១ថ្ងៃនៅមុខកញ្ចក់ទូរទស្សន៍បន្ទាប់ពីការងារ ពួកគេក៏បានរកឃើញថា គ្រោះថ្នាក់ជំងឺស្ទះសរសៃឈាមខ្ពស់រហូតដល់ ១២៥ភាគរយ ដូចជាជំងឺគាំងបេះដូងជាដើម៕
http://khmer.phnompenhpost.com/index...ion&Itemid=102
Tags:
សុខភាព ដែលមើលច្រើន
