ព័ត៌មានកំសាន្ត ៖ ក្មេងស្រីតូចម្នាក់ដែលអាចរកចំណូលឲ្យរឿង Train To Busan បានយ៉ាងច្រើន និងចាក់បញ្ចាំងដល់ ១៥៦ ប្រទេសឯណោះ អ្នកលោកប្រាកដជាបានស្គាល់រួចមកហើយ ។
នាងគឺជាជនជាតិកូរ៉េ ដែលមានអាយុទើបតែ ១០ ឆ្នាំប៉ុណ្ណោះបានធ្វើឲ្យ Fans ជាច្រើនប្រទេសនៅលើពិភពលោក សរសើរមិនដាច់ពីមាត់ជាមួយនិង ទេព្យកោសល្យដ៏ល្អឯករបស់នាង ទាំងការសម្តែងនិងភាពបុិនប្រសប់របស់នាង ។
នាងមានឈ្មោះពិតថា Kim Su-an សព្វថ្ងៃនៅបន្តការសិក្សានៅសាលាបឋមសិក្សា Seoul Guui ។ អ្វីដែលគួរឲ្យចាប់អារម្មណ៍ជាងនេះទៅទៀត ភាពអស្ចារ្យរបស់ក្មេងស្រីក្នុងរឿង Train To Busan គឺនាងបានឈ្នះពានរង្វាន់ជាច្រើនដង ចំពោះការសម្តែងវ័យក្មេង និងមានទេពកោសល្យដ៏ល្អឯករបស់នាងទាំងវ័យក្មេង ។
Kim Su-an មានដុងពីកំណើតក្នុងការសម្តែង និងស្រលាញ់សិល្បៈជាខ្លាំង ហើយមុនពេលដែលឆ្លងកាត់មកដល់រឿង Train To Busan នេះ នាងបានសម្តែងរឿង ដល់ទៅជាង ២០ រឿងឯណោះ ។
ក្មេងស្រីវ័យ ១០ ឆ្នាំរូបកើតនៅក្នុងថ្ងៃទី ២៦ ខែមករា ឆ្នាំ ២០០៦ សព្វថ្ងៃមានមុខរបបជាតារាសម្តែងវ័យក្មេងផង និងជាសិស្សសាលាបឋមសិក្សា នៅឯកូរ៉េខាងត្បូងផង ៕
ដោយ ៖ គន្ធា
ប្រភព ៖ វីគីភីឌៀ