CamNews

(ភ្នំពេញ)៖ ទស្សនិកជនជាច្រើន ប្រាកដជាមិនទាន់បានដឹងទេថា ភរិយាវ័យក្មេងដ៏ស្រស់ស្អាត របស់​​អ្នកឧកញ៉ា ហុង ពីវ ម្ចាស់បុរីពិភពថ្មី គឺអ្នកនាង លី យ៉ាណា គឺជាអតីតតារាបង្ហាញម៉ូដ និងជាម្ចាស់ជយលាភី​ចំណាត់ថ្នាក់លេខ២ ក្នុង​កម្ម​វិធី «Super Model»​នោះឡើយ ប៉ុន្តែរឿងដ៏គួឲ្យភ្ញាក់ផ្អើល ក៏បានបែកធ្លាយ ក្រោ​យពេល​អ្ន​ក​នា​ងបង្ហាញ​វត្តមាន​ចូ​ល​រួម ក្នុងកម្មវិធីសម្ពោធចាក់បញ្ចាំង ខ្សែភាពយន្តរឿង «ចន្ទ្រា» ហើយ​ត្រូវប្រ​ភ​ពទម្លាយថា ភរិយាអ្នកឧកញ៉ា ហុង ពីវ អ្នកនាង លី យ៉ា​ណា ធ្លាប់ជា​អតីតតារាបង្ហា​ញម៉ូដ ម្ចាស់ជ័​យលាភីចំណាត់ថ្នាក់លេខ២ ក្នុងកម្មវិធី «Super Mo​dels» របស់ស្ថានីយទូរទស្សន៍ ប៉ុស្តិ៍លេខ៣ក​ន្លងមក។

បើតាមប្រភពព័ត៌មាន ពីអ្នកសិល្បៈដូចគ្នា បានបង្ហើបឲ្យដងឹថា អ្នកនាង លី យ៉ា​ណា ដែលត្រូវជាភរិយា​ដ៏ស្រស់​ស្អាត រប​ស់​​​អ្នកឧកញ៉ា ហុង ពីវ ដែលល្បីល្បាញខាងផ្នែកជំនួញ និងមានសណ្តានចិត្តល្អ​តែង​ទទួលបាន​កា​​រ​គោរ​ព​ កោតសរ​សើរ ពីមជ្ឈដ្ឋានមហាជននោះ កាលពីអំឡុង​ឆ្នាំ២០១១ នាង​ធ្លាប់​ចូលរួមប្រឡង ក្នុង​ក​ម្មវិធី «S​uper M​o​dels» របស់ស្ថានីយទូរទស្សន៍ ប៉ុស្តិ៍លេខ៣។ គ្រានោះអ្នកនាង លី យ៉ា​ណា ជា​ប់ចំណាត់ថ្នាក់លេខ២ ក្នុងចំណោមបេក្ខជន-បេក្ខនារី ជាច្រើននាក់។

ប្រភពដដែល បានបន្តថា កាលនោះមិនត្រឹមតែមានសមត្ថភាព ​គ្រងតំណែងចំណាត់ថ្នាក់លេខ២ ប៉ុណ្ណោះ​ទេ អ្នកនាង លី យ៉ា​ណា ក៏ទទួលបានការលើកសរសើរ ពីសំណាក់ទស្សនិកជនជា​ច្រើន មិនដាច់ពីមាត់ថា ​អ្នកនាងមា​ន​រូបសម្រស់​ស្រស់ស្អាត ថែមទាំងមានចរិកឫកពារ​ សុភា​ព​រាបសា​ស្លូតបូត ចេះគោរពឲ្យតម្លៃមនុស្សជុំវិញខ្លួន គួរឲ្យស្ញើចសរសើរទៀតផង។

ប្រភពខាងលើ បានបន្ថែមថា ក្រោយពេលប្រឡងជាប់ ចំណាត់ថ្នាក់លេខ២ ក្នុងកម្មវិធី «Super M​o​dels» ភរិយារបស់អ្នកឧកញ៉ា ហុង ពីវ អ្នកនាង លី យ៉ា​ណា គឺ ទីផ្សារសិល្បៈ ពេលនោះ​ហាក់ពុំសូ​វ​​មាន​សន្ទុះ កើ​នឡើងខ្លាំងឡើយ ជាហេតុធ្វើឲ្យទីផ្សារសិល្បៈធ្លាក់ចុះ ហើយ​បាត់ខ្លួនមួ​យរយៈ​ពេល​។​​ ប៉ុន្តែ​​ប​ន្ទា​ប់មកក៏ស្រាប់​លេច​ដំណឹង មកជាមួយ​វត្ត​មានបង្ហាញ​ខ្លួន គ្រង​​ឈុតសម្លៀក​បំពាក់ ជា​កូន​ក្រមុំរបស់​អ្នកឧកញ៉ា ហុង ពីវ គួ​រឲ្យភ្ញាក់ផ្អើលទៅវិញ។

សូមបញ្ជាក់ថា អតីតតារាបង្ហាញម៉ូដ អ្នកនាង លី យ៉ា​ណា ដែលបច្ចុប្បន្នត្រូវបានមនុ​ស្សជាច្រើ​ន ​​ហៅថា «ជំទាវ» នឹងត្រូវជាភរិយារបស់ អ្នកឧកញ៉ាចិត្តធម៌ ហុង ពីវ រហូតមកទល់ពេលនេះ​ នូវតែ​ទទួ​លបានការលើកសរសើរ មិនដាច់មាត់ពីមហាជនគ្រប់គ្នា ចំពោះអត្តចរឹត និងរូបសម្រស់ស្រស់ស្អា​​ត ថែមទាំង​មា​ន​ភាពសាមញ្ញ រាល់ការតុបតែងខ្លួន ពោលនៅតែស្រគត់ស្រគំ មិនតម្កើងឫកពារ តាម​រ​យៈ​ងាជាជំទាវឡើយ។ ក្រោយពីរៀបអាពាហ៍ពិពាហ៍ អ្នកឧកញ៉ា ហុង ពីវ និងភរិយា អ្នកនាង លី យ៉ាណា សព្វថ្ងៃក៏ទទួលបាន​ចំណងដៃកូនស្រីម្នាក់ ដ៏ស្រស់ស្អាតទើបមានអាយុជាង១ខួប​ មានឈ្មោះថា រ៉ូប៊ី ផងដែរ៕

ផ្តល់សិទ្ធិដោយ ៖ ខ្មែរថកឃីង