បើតាមប្រភពសារព័ត៌មាន Divaasia ដែលបានចេញផ្សាយកាលពីម្សិលមិញនេះបានអោយ
ដឹងថា តារា K-pop នារីដ៏ស៊ិចស៊ីម្នាក់ នឹងមានសម្រស់ស្រស់ស្អាតដាច់គេនោះ នៅតែបន្ត
មានទំនាក់ទំនងស្នេហា ជាមួយបុរសម្នាក់ ដែលមានរូបសម្បត្តិមិនសូវស្អាត នឹងស្រស់សង្ហា
នោះទេ ទោះបីជាមានការរិះគន់ក៏ដោយ។
គួរបញ្ជាក់ផងដែរថា តារា K-pop នារីដ៏ស៊ិចស៊ីម្នាក់នោះ មានឈ្មោះថានាង Lee Hyori ដែលត្រូវបាន
បណ្តាទស្សនិកជនទទូលស្គាល់ថា នាងជាអ្នកចម្រៀងស្រី ក៏ដូចជា ពិធិការិនីដ៏ល្បី ស៊ិចស៊ី នឹងមាន
រូបស្រស់ស្អាតបំផុត ហើយនាងត្រូវបានអោយដឹងថា មានទំនាក់ទំនងស្នេហាជាមួយនឹងមួយបុរស
ដែលជាអ្នកនិពន្ធម្នាក់មានឈ្មោះថា លោក Lee Sang Soon ស្របពេលដែលលោកមិនសូវមានរូប
សម្បត្តិស្រស់សង្ហា ដូចបុរសឯទៀតនោះទេ ពោលគឺលោកមានភ្នែកតូច នឹងទំរង់ច្រមុះរាងធំបន្តិច ។
លើសពីនេះទៅទៀត បើតាមប្រភពសារព័ត៌មានដដែល ក៏បានបញ្ជាកផងដែរថា នាង Lee ក៏ធ្លាប់
មានទំនាក់ទំនងស្នេហាជាមួយនឹងតារាចម្រៀងប្រុស ដែលមានឈ្មោះបោះសម្លេងផងដែរ គឺលោក
Rain ក៏ដូចជា Lee Seo Jin ដែលក្រោយមក ពាក្យចចាមអារាមក៏បានធ្វើការប្រៀបប្រដូចលោក
Lee Sang Soon ដែលជាដៃគូរស្នេហារបស់នាងនាពេលបច្ចុប្បន្ន ទៅនឹងដែគូស្នេហារបស់នាងនា
ពេលអតីត ដោយមានមតិរិះគន់ថា លោក Lee Sang Soon មានរូបសម្បត្តិមិនស្អាតនោះទេ ។
ថ្វើបើ ជាមានមតិរិះគន់ ទៅលើដៃគូស្នេហារបស់ខ្លួនក៏ពិតមែន តែនាង Lee Hyori ដែលជាតារា
ចម្រៀងស្រីដ៏ទាក់ទាញរូបនេះ ក៏បានធ្វើការបញ្ជាក់តាមរយៈ e-mail ផងដែរថា ទំនាក់ទំនងស្នេហា
របស់ពួកគេនៅតែមានភាពផ្អែមល្ហែមជាប់ជានិច្ច ទោះបីជាមានមតិរិះគន់ក៏ដោយ ហើយពួកគេនឹង
បន្តទំនាក់ទំនងស្នេហាមួយនេះ ស្របពេលដែលពួកគេអាចធ្វើទៅបាន ដោយមានការស្តែងចេញពី
ចិត្ត ជាជាងកាលដែលធ្វើទៅបានដោយក្រឡេកទៅមើលតែរូបសម្បត្តិតែខាងក្រៅ ៕
ដោយ ៖ ពិសី
ប្រភព ៖ diva