ផ្លូវក្រោមសមុទ្រដំបូង តភ្ជាប់អាស៊ី នឹងអឺរ៉ុប សម្ពោធដាក់ឱ្យប្រើប្រាស់ថ្ងៃនេះ (វីដេអូ)
ប្រព័ន្ធផ្លូវដែកក្រោមបាតសមុទ្រដំបូងដែលតភ្ជាប់ពីអាស៊ី ទៅអឺរ៉ុប នឹងត្រូវបានសម្ពោធដាក់ឱ្យប្រើប្រាស់នៅថ្ងៃនេះ។
ផ្លូវដែកឆ្លងកាត់សមុទ្រ Marmaray របស់ទួរគី ត្រូវបានគេបណ្ដាក់ទុនសរុប ឡើងដល់ ៤,១ពាន់លានដុល្លារអាមេរិក។ កំណាត់ផ្លូវដែកដែលត្រូវបានសាងសង់ក្រោមដី មានប្រវែង ១,៤គីឡូម៉ែត្រ និងស្ថិតក្នុងជម្រៅ ៥០ម៉ែត្រក្រោមបាតសមុទ្រ ដោយកាត់តាម Bosphorus ឆកសមុទ្រ ដែលតភ្ជាប់ពីទឹកដីអាស៊ី ទៅទឹកដីអឺរ៉ុប នៃក្រុង Istanbul នេះបើតាម Bangkok Post។
នាយករដ្ឋមន្ទីរជប៉ុន លោក Shinzo Abe នឹងមានវត្តមាននៅក្នុងពិធីសម្ពោធបើកឱ្យប្រើប្រាស់ចាប់ពីថ្ងៃនេះ ដោយសារតែធនាគារមួយរបស់ជប៉ុន បានចំណាយជាង ១ពាន់លានដុល្លារ ហើយបានក្លាយជាអ្នកវិនិយោគធំជាងគេក្នុងគម្រោងនេះ។
គម្រោងផ្លូវដែកក្រោមសមុទ្រ Marmaray ត្រូវបានគេធ្វើគម្រោងសាងសង់ កាលពី៤ឆ្នាំមុន ប៉ុន្ដែក្រោយមក វាត្រូវបានពន្យាពេលមួយរយៈ ព្រោះតែរកឃើញតំបន់បុរាណសំខាន់នៅការដ្ឋាន។ វត្ថុបុរាណជាង ៤០,០០០ ត្រូវបានរកឃើញក្នុងអំឡុងពេលសាងសង់ ក្នុងនោះ មានខ្មោចកប៉ាល់ ចំនួន ៣០គ្រឿង ក្នុងសម័យកាល ចក្រភព Byzantine ។
ទីតាំងផ្លូវដែក Marmaray ដែលក្នុងនោះកំណាត់ផ្លូវពណ៌ខ្មៅគឺជាផ្នែកដែលរត់ក្រោមដី ចំណែកពណ៌ក្រហម គឺកំណាត់ផ្លូវក្រោមបាតសមុទ្រ។ BBC
អត្ថបទសំខាន់ៗគួរចាប់អារម្មណ៍ ៖
អាគារភ្លោះ ៤៧ជាន់ ភ្លេចដាក់ជណ្ដើរយោង
ជម្លោះក្នុងគុក ញ៉ាក់សាច់ លោតចុះពីជាន់ទី ១ ដើម្បីគេច ពីការតាមចាក់ស្រស់ (មានវីដេអូ)
ស្ថាបត្យកររបស់ ZA រចនាអាគារសម្រាប់ ភពព្រះអង្គារ
ប្រែសម្រួលដោយ ៖ តារា
ប្រភព ៖ YouTube/Bangkok Post
ព័ត៌មានអន្តរជាតិ ដែលមើលច្រើន
