ផ្ទុះកំប៉ុងហ្គាសឆេះផ្ទះ លក់ក្រណាត់ នៅម្តុំផ្លូវភ្លោះអូរឬស្សី
ភ្នំពេញ៖ នៅវេលាម៉ោង ៨ និង៣០នាទីព្រឹកថ្ងៃសុក្រ ទី១៤ ខែវិច្ឆិកា ឆ្នាំ២០១៤នេះ អគ្គិភ័យបានឆាបឆេះផ្ទះអ្នកលក់ ក្រណាត់តាមបណ្តោយផ្លូវ១២៥ ស្ថិតក្នុងសង្កាត់បឹងព្រលិត ខណ្ឌ៧មករា (ម្តុំផ្លូវភ្លោះអូរឫស្សី )។
យោងតាមសេចក្តីរាយការណ៍ភ្លាមៗពីកន្លែងកើតហេតុ បានឲ្យដឹងថា អគ្គិភ័យនេះ ផ្តើមចេញពីការផ្ទុះកំប៉ុងហ្គាស។ ហើយផ្ទះ ដែលរងការឆាបឆេះជាផ្ទះជាន់ទី១ ដែលមានផ្ទុកទៅដោយដុំក្រណាត់។
រហូតដល់ម៉ោង ៨ និង៥១នាទីថ្ងៃដដែលនេះ កម្លាំងសមត្ថកិច្ច និងអាជ្ញាធរ ព្រមទាំងកងកម្លាំងពន្លត់អគ្គិភ័យកំពុង ជួយអន្តរាគមន៍ និងបាញ់ទឹកពន្លត់។ សេចក្តីរាយការណ៍បន្តថា រថយន្តពន្លត់អគ្គិភ័យបានទៅដល់កន្លែងកើតហេតុ ចំនួន ៣គ្រឿង.
រហូតមកដល់វេលាម៉ោង ៩ និង៣៩នាទី ពោលក្រោយការឆាបឆេះរយៈពេលជាង ១ម៉ោងនេះ ភ្លើងមិនទាន់រលត់ទៅវិញនៅឡើយទេ តែការអន្តរាគមន៍នៅតែបន្ត ញាប់ដៃញាប់ជើងដដែល។ សេចក្តីរាយការណ៍បានបញ្ជាក់ថា រថយន្តពន្លត់អគ្គិភ័យជាច្រើនគ្រឿងបានទៅកាន់កន្លែងកើតហេតុ ហើយបាញ់ទឹកអស់ ២០រថយន្តផងដែរ។
ដោយសារតែកន្លែងឆាបឆេះមានផ្លូវតូចចង្អៀត និងនៅខ្ពស់ ពីបាកក្នុងការបាញ់ពន្លត់នោះ នៅពេលនេះ រថយន្តពន្លត់អគ្គិភ័យមកពីកងពលអន្តរាគមន៍ង៧០ បានបញ្ចេញរថយន្ត ដែលមានជណ្តើរវែង បានចេញមកជួយអន្តរាគមន៍ផងដែរ។
សេចក្តីរាយការណ៍បន្តថា អគ្គិភ័យបានឆេះរាលដាលទៅផ្ទះ ដែលក្បែរនោះផងដែរ៕
ផ្តល់សិទ្ធដោយ ៖ ដើមអម្ពិល
- ឃាត់ខ្លួនប្រធានសាខាធនាគារអេស៉ីលីដា ពាក់ព័ន្ធករណីរំលោភសេចក្តីទុកចិត្ត មានទឹកប្រាក់ខ្ទង់លានដុល្លារ! (25/01/2017 08:58:00)
- ទស្សនារូបភាពភពផែនដី នាពេលយប់ ថតចេញពីផ្កាយរណប នៅទីអវកាស (02/12/2016 15:50:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (28/09/2016 15:47:00)
- បញ្ជីរាយព្រះនាម ព្រះមហាក្សត្រខ្មែរ សោយរាជ្យតាំងពីសតវត្សទី១នៃគ្រឹស្ដសករាជ រហូតសព្វថ្ងៃ (12/04/2016 16:30:00)
- ទំលាប់សាមញ្ញ៣ ដែលអាចបំផ្លាញក្រលៀនរបស់អ្នកយ៉ាងធ្ងន់ធ្ងរ (12/04/2016 14:38:00)
- ប្រើប្រាស់ស្វាយទុំ ដើម្បីបំបាត់មុខមុន (12/04/2016 14:37:00)
- BREAKING NEWS: អគ្គិភ័យកំពុងឆេះកន្លែងជួសជុលរថយន្តមួយកន្លែង នៅខណ្ឌទួលគោក (18/03/2016 15:39:00)
- ក្រសួងការបរទេសអំពាវនាវយុវវ័យខ្មែរ ដាក់ពាក្យប្រកួតប្រជែងចូលបម្រើការងារនៅអគ្គលេខាធិការដ្ឋាន អ.ស.ប (18/03/2016 13:36:00)
- អាជ្ញាធរខណ្ឌជ្រោយចង្វារ ប្រកាសកាត់ដើមត្រែង និងដុតបំផ្លាញចោល សូមឲ្យប្រជាពលរដ្ឋ កុំភ្ញាក់ផ្អើល (18/03/2016 09:56:00)
- BREAKING NEWS: សម្តេចតេជោ តែងតាំងអភិបាលខេត្ត៤៖ សួន បវរ អភិបាលខេត្តបន្ទាយមានជ័យ, វ៉ែ សំណាង កំពង់ស្ពឺ (18/03/2016 09:52:00)