ប្រាក់ ផាខន លេចឮដំណឹងថា មានស្រ្តីវ័យកណ្ដាលម្នាក់ចិញ្ចឹម

តារា

ប្រាក់ ផាខន លេចឮដំណឹងថា មានស្រ្តីវ័យកណ្ដាលម្នាក់ចិញ្ចឹម

08:49 AM 15.01.2016
Print Email

(ភ្នំពេញ)៖ តារាសម្ដែងប្រុស មានកេរ្តិ៍ឈ្មោះល្បីល្បាញបង្គួរក្នុងសិល្បៈ លោក ប្រាក់ ផាខន ដែលបានប្រឡូកក្នុងអាជីពអ្នកសម្ដែង រាបសិបឆ្នាំមកហើយ និងមានអ្នកស្គាល់លោកច្រើន តែងតែលេចមុខក្នុងការសម្ដែង បទចម្រៀងឲ្យផលិតកម្មសាន់ដេ និងផលិតកម្មភាពយន្តផ្សេងៗជាច្រើនទៀត ។ លោក ប្រាក់ ផាខន ភាគច្រើនសម្ដែងតែជាតួចិត្តអាក្រក់ ដែលស៊ីនឹងទម្រង់មុខរបស់លោកបែរកាចៗ ។

ក្រៅពីអាជីពជាតារាសម្ដែងលោក ប្រាក់ ផាខន ក៏មានហាងកាត់សក់បុរសមួយកន្លែង នៅជិតសន្ធរម៉ុក ដែលជាមុខរបរប្រចាំឆ្នាំរបស់លោក រាប់ឆ្នាំមកហើយ តែមិនជាធំដុំទេ ព្រោះមុខរបរកាត់សក់ បានត្រឹមរស់ស្រួល មិនអាចធ្វើអ្នកមានអ្នកបានបានឡើយ ។ ថ្វីដ្បិតតែលោក ប្រាក់ ផាខន ចូលសិល្បៈច្រើនឆ្នាំ កេរ្តិ៍ឈ្មោះមិនសូវល្បីល្បាញ តែរូបរាងលោកសង្ហា មិនចាញ់តារាល្បីដទៃឡើយ តែអ្វីដែលសំខាន់លោក មិនបានបង្ហាញមុខគូស្នេហ៍ ឲ្យមហាជនបានឃើញនោះទេ ។

ប្រភពព័ត៌មានដ៏កក់ក្ដៅមួយ បាននិយាយថា លោក ប្រាក់ ផាខន មានស្ត្រីវ័យកណ្ដាលម្នាក់ ស្រលាញ់ហើយផ្គត់ផ្គង់ មិនឲ្យលោកខ្វះខាតអ្វីឡើយ សំខាន់ធ្វើឲ្យតែស្ត្រីវ័យកណ្ដាល សម្បូរទ្រព្យនោះសប្បាយចិត្តបានហើយ ។ ថ្វីដ្បិតពួកគេស្រឡាញ់គ្នា តែប្រាក់ ផាខន មិនមានបំណងរៀបការ ជាមួយស្ត្រីវ័យកណ្ដាលនោះឡើយ លោកគ្រាន់តែចង់សប្បាយ មួយពេលប៉ុណ្ណោះ ។

រីឯរឿងរៀបការលោកនឹងរៀបការ ជាមួយនារីដទៃ ដែលមិនមែនស្ត្រីវ័យកណ្ដាល សម្បូរទ្រព្យនោះ ។ លោក ប្រាក់ ផាកខន មិនអាចសុំការបំភ្លឺបានទេ នៅពេលនេះ គេហទំព័រ Khmertalking នៅព្យាយាមសុំការបំភ្លឺបន្ថែមទៀត ដើម្បីឲ្យមហាជនអស់មន្ទិលសង្ស័យ ៕