Zlatan ប្រកាសឈប់លេងឲ្យជម្រើសជាតិ ក្រោយស៊ុយអែត ជ្រុះចេញពី Euro 2016 ក្នុងពូល
(ប៉ារីស)៖ កីឡាករខ្សែប្រយុទ្ធជួរមុខ Zlatan Ibrahimovic បានសម្រេចចិត្តលាឈប់ពីក្រុមជម្រើសជាតិស៊ុយអែតជាផ្លូវការហើយយប់មិញនេះ បន្ទាប់ពីមិនអាចជួយស៊ុយអែត ឆ្លងផុតវគ្គជម្រុះក្នុងពូល E បន្ទាប់ពីចាញ់ប៊ែលហ្ស៊ិក ១-០ ទៀត ឈរនៅបាតតារាងនៃពាន UEFA Euro 2016 នៅប្រទេសបារាំង។
សារព័ត៌មាន BBC បានឲ្យដឹងថា ចាប់ពីពេលនេះតទៅ ប្រិយមិត្តលែងបានឃើញកីឡាករកម្ពស់ ១.៩៥ម៉ែត្ររូបនេះ លេងក្នុងក្រុមជម្រើសជាតិស៊ុយអែតទៀតហើយ តែនៅបន្តលេងក្នុងក្លឹបអាជីពដដែល អាចជាក្លឹបនៅអង់គ្លេស Manchester United បន្ទាប់ពីតារាវ័យ ៣៣ឆ្នាំខាងលើ បានចាកចេញពីក្លឹប PSG របស់បារាំង កាលពីដើមខែឧសភា ឆ្នាំ២០១៦។
អតីតកីឡាករក្លឹប Inter Milan និង FC Barcelona ខាងលើបានថ្លែងយ៉ាងខ្លីថា «ខ្ញុំពិតជាមានមោទនភាពខ្លាំងណាស់ ក្នុងការជួយក្រុមជម្រើសជាតិស៊ុយអែតនាពេលកន្លងមក និងសូមសំដែងនូវការដឹងគុណ ចំពោះមិត្តរួមក្រុម និងគ្រូបង្វឹក ដែលនៅជាមួយគ្នានាពេលកន្លងមក ទោះបីជាលទ្ធផលយ៉ាងណាក៏ដោយ»៕
ផ្តល់សិទ្ធដោយ ៖ ខ្មែរថកឃីង
- ផ្លូវការ! Zlatan ចុះកិច្ចសន្យារយៈពេល ១ឆ្នាំ លេងឲ្យក្លឹបបិសាចក្រហម Manchester United (03/07/2016 10:47:00)
- Zlatan ត្រៀមចាកចេញពី PSG ទៅកាន់ទឹកដីអង់គ្លេស ក្នុងក្លឹប Man Utd វិញ (14/03/2016 15:40:00)
កីឡាអន្តរជាតិ ដែលមើលច្រើន
