Zlatan ត្រៀមចាកចេញពី PSG ទៅកាន់ទឹកដីអង់គ្លេស ក្នុងក្លឹប Man Utd វិញ
(ប៉ារីស)៖ កីឡាករខ្សែប្រយុទ្ធដ៏មុតស្រួច Zlatan Ibrahimovic របស់ក្លឹប Paris Saint Germain កំពុងស្ថិតយ៉ាងប្រកៀកក្នុងការចាកចេញពីទឹកដីប្រទេសបារាំង ទៅកាន់អង់គ្លេសវិញក្នុងក្លឹប Manchester United ក្រោយពេលកិច្ច សន្យាកីឡាករស៊ុយអែតខាងលើ នឹងផុតកំណត់នៅខែមិថុនាបំណាច់រដូវកាលនេះ ។
សារព័ត៌មាន BBC បានផ្សាយថា កីឡាករប្រធានក្រុមជម្រើសជាតិស៊ុយអែត វ័យ៣៤ឆ្នាំខាងលើនេះ កំពុងតែមានទំនាក់ទំនងយ៉ាងជិតស្និទ្ធជាមួយនឹង Man Utd ក្រៅពីនេះ ក៏មានក្លឹបលេងនៅក្របខណ្ឌ Major League Soccer របស់អាមេរិកផងដែរ តែអាចនឹងមកបិសាចក្រហមច្រើនជាង ។
អតីតកីឡាករក្លឹប AC Milan របស់អ៊ីតាលីបានឲ្យដឹងថា “នៅពេលនេះ ខ្ញុំសូមប្រកាសថា ខ្ញុំនឹងមិនបន្តលេងនៅក្នុងក្លឹប PSG នារដូវកាលក្រោយទៀតទេ ដោយកិច្ចសន្យាចាស់នៅទីនេះនៅសល់តែ១ខែកន្លះទៀតប៉ុណ្ណោះ ។ ប្រសិនបើគេ ធ្វើរូបសំណាកខ្ញុំ ជំនួស Eiffel Tower ខ្ញុំនឹងនៅទីនេះបន្តទៀត តែមិនអាចទេ” ។
ទន្ទឹមនឹងនោះដែរ ប្រធានក្លឹបជើងឯកបារាំងលោក Nasser Al-Khelaifi បានបញ្ជាក់ដែរថា “យើងចង់បាន Zlatan បន្តលេងនៅទីនេះទៀត គាត់ជាកីឡាករដ៏អស្ចារ្យ ហើយយើងក៏មានគម្រោងពិភាក្សាជាមួយគាត់ដែរ ថាគាត់ចង់បានអ្វីពិត ប្រាកដ ដើ់ម្បីជំរុញឲ្យគាត់ព្រមនៅលេងនេះទៀត” ។
Zlatan ដែលស៊ុតបញ្ចូលទីបាន៤គ្រាប់ និងរកបានគ្រាប់ហ៊ែកទ្រីក កាលពីសប្តាហ៍មុនបានរកគ្រាប់បាល់ស៊ុតបញ្ចូលទីសរុបបាន២៧គ្រាប់ ពីការចូលលេងបាន២៤ប្រកួតនារដូវកាលនេះ ជាមួយនឹងជួយក្រុមការពារតំណែងជើងឯក PSG រកបាន១០២ពិន្ទុនាំមុខដាច់កំពូលតារាងតែម្តង ក្រៅពីបានជួយ Paris ឡើងទៅវគ្គ៨ក្រុមចុងក្រោយនៃ Champions League ក្រោយទម្លាក់ Chelsea ៤-២ ទាំងពីរជើងរួចមក ៕
ផ្តល់សិទ្ធដោយ ៖ ហ្វ្រេសញូវអាស៊ី
- លេចធ្លាយដំណឹងអំពីទំហំអេក្រង់ទូរសព្ទអំបូរ Galaxy S22 (15/06/2021 15:20:00)
- ហេតុអ្វី អ្នកគួរបញ្ចូលជីអង្កាមក្នុងរបបអាហារប្រចាំថ្ងៃរបស់អ្នក? (17/04/2021 10:36:00)
- ជនជាតិចិនយកលុយតាមខ្លួនជិត ១លានដុល្លារ ម្នាក់ទៀតត្រូវបានឃាត់ខ្លួន (30/05/2019 11:11:00)
- កម្ពុជាប្រុងប្រយ័ត្នខ្ពស់ ករណីរាត្បាតជំងឺប៉េសជ្រូកអាហ្វ្រិកថ្មីៗទៀត នៅវៀតណាម (30/05/2019 09:30:00)
- ការប្រយុទ្ធរវាងកំពូល Titans និង Godzilla បានមកដល់រោងភាពយន្តក្នុងរឿង “Godzilla: King of the Monsters” (28/05/2019 14:36:00)
- Bella ranee និយាយអំពីរឿងដែល Weir សាងសង់ផ្ទះក្រោយរៀបការ (28/05/2019 14:20:00)
- អង្គការសង្គមស៊ីវិល ស្នើរាជរដ្ឋាភិបាល ផ្តល់ឱកាសដល់កុមារចូលរួមពិភាក្សាបញ្ហាអំពើហិង្សា (28/05/2019 10:00:00)
- ប្រឈមមុខជាប់ពន្ធនាគារ១៥ឆ្នាំ ដោយកំហឹងផ្ដើមពីប្រាក់ ១មុឺនរៀល (27/05/2019 16:38:00)
- រឿង “ដូនជីកំណាច” បែបរន្ធត់ជាស្នាដៃថ្មីពីអ្នកដឹកនាំខ្សែភាពយន្តដ៏ល្បី “Saw” II, III និង IV (27/05/2019 14:01:00)
- ក្រុមហ៊ុនចិន នឹង សាងសង់ឡសម្ងួត និងឃ្លាំងស្តុកអង្ករបាន ១លានតោន (27/05/2019 11:44:00)
កីឡាអន្តរជាតិ ដែលមើលច្រើន
