CamNews

រឿង «សួស្ដីលោកគ្រូកំឡោះ» សម្រាប់តារាសម្ដែង សុខ សោម៉ាវត្តី គឺទទួលបានតំណែងតួឯកសាជាថ្មី​ខណៈអ្នកនាងផ្ទាល់សម្តែងជាតួព្រានបុរស បែបក្រម៉ិចក្រមើម រហូតបានជួបបុរសក្នុងក្តីសុបិន្តដែលជាគ្រូ គណិតវិទ្យា ថ្នាក់វិទ្យាល័យ ដែលសម្តែងដោយលោក ជា សុវណ្ណនរាហ៍ ជាតួឯកប្រុសផ្ទាល់តែម្តង ។ ពួកគេទាំងពីរ ក៏តែងទទួលបានការកោតសរសើរ ពីទស្សនិកជនផងដែរ ថា សម្ដែងសមគ្នា និងស៊ីសង្វាក់គ្នាជាខ្លាំង។ សូមបញ្ជាក់ថា សុខ សោម៉ាវត្តី គឺជាតារាសម្ដែង ដែលតែងតែក្តាប់បានតំណែងតួឯកសឹងតែគ្រប់រឿង ស្របពេលដែលរឿងថ្មី "សួស្តីលោកគ្រូកំលោះ" មួយនេះ សុខ សោម៉ាវត្ត Drama ខ្លាំង និងព្រានបុរសដល់កំពូលផ្ទាល់តែម្តង មិនព្រមឈប់ ព្រានបុរសនោះទេ រហូតបានជួបនឹងគ្រូគណិតវិទ្យា៕

- សុខ សោម៉ាវត្ត Drama ខ្លាំង និងព្រានបុរសដល់កំពូល ខណៈក្តាប់តំណែងតួឯក "សួស្តីលោកគ្រូកំលោះ"

គួរបញ្ជាក់ថា តារាសម្តែងលំដាប់ជួរមុខ ដែលក្តាប់បានតំណែងតួឯក ជាញឹកញាប់ អ្នកនាង សុខ សោម៉ាវត្តី បានព្រលយឲ្យទស្សនិកជន ក៏ដូចជាផលិតករឲ្យបានដឹង ក្នុងពិធីសម្ពោធរឿង «សួស្ដីលោកគ្រូកំឡោះ» កាលពីពេលថ្មីៗនេះថា ថ្វីត្បិតតែនាងជាតារាសម្ដែង មានបទពិសោធច្រើនឆ្នាំ និងទទួលបានការគាំទ្រខ្លាំង ក្នុងអាជីពជាអ្នកសិល្បៈសព្វថ្ងៃនេះក្ដី ប៉ុន្តែសម្រាប់ការសម្ដែងរឿងនីមួយៗ នាងមិនចង់សម្ដែងឲ្យខុសពីអត្តចរិតរបស់ខ្លួន តាមការចង់បានរបស់ផលិតករនោះទេ ព្រោះនាងពិបាកក្នុងការសម្ដែង ជាពិសេសការធ្វើទឹកមុខ រៀបចំឫកពារ កាយវិការ និងសម្ដីសម្ដៅជាដើម ពោលនាងចង់សម្ដែងរឿងណា ដែលត្រូវនឹងអត្តចរិតពីធម្មជាតិរបស់ខ្លួនពិតៗ ក្នុងន័យបង្កលក្ខណៈងាយស្រួល ងាយចូលតួ និងដើម្បីជៀសផុត ពីការរិះគន់របស់មហាជនថា នាងសម្ដែងឆ្គងៗ។

បន្ថែមពីលើនេះ អ្នកនាង សុខ សោម៉ាវត្តី បន្តឲ្យដឹងថា «សម្រាប់ខ្ញុំការសម្ដែងរឿង.. រឿងអ្វីក៏ខ្ញុំអាចសម្ដែងបានដែរ ប៉ុន្តែសាច់រឿងណា ដែលខុសពីអត្តចរិតរបស់ខ្ញុំ គឺមានលក្ខណៈពិបាកបន្តិច និយាយរួម គឺ សម្ដែងទម្រាំត្រូវ អាចច្រើនដង។ បងប្អូនទស្សនិកជន ដឹងស្រាប់ហើយថា ខ្ញុំមានចរិតបែបណា? ខ្ញុំក៏ដឹងដែរថា ពេលរឿងណាមួយ ផលិតករឲ្យខ្ញុំសម្ដែង តាមចរិតពិតរបស់ខ្ញុំ គឺមានការគាំទ្រច្រើន ប៉ុន្តែបើរឿងណា ផលិតករឲ្យខ្ញុំសម្ដែង ខុសពីចរិតពិត គឺមានអ្នកទស្សនាច្រើន បង្វែទៅជាការរិះគន់វិញ..!»។ ដោយឡែក សម្រាប់ខ្សែភាពយន្តថ្មី «សួស្ដីលោកគ្រូកំឡោះ»  របស់ផលិតកម្ម «មហាហង្ស» ចុងឆ្នាំ២០១៦នេះ ដែលកំពុងទទួលបានការគាំទ្រយ៉ាងខ្លាំង ពេលកំពុងដាក់បញ្ចាំង ក្នុងរោងភាពយន្ត ត្រូវបានតារាសម្ដែង សុខ សោម៉ាវត្តី បញ្ជាក់ថា ផលិតករ បានតម្រូវឲ្យនាង សម្ដែងខុសពីអត្តចរិតពិតខ្លះ និងសម្ដែងត្រូវនឹងចរិតពិតពីធម្មជាតិខ្លះ ជាហេតុនាំឲ្យនាង មានការពិបាក សម្ដែងមិនសូវត្រូវតាមអ្វី ដែលផលិតករចង់បាន។ តែយ៉ាងណា សុខ សោម៉ាវត្តី តាំងចិត្តថា ត្រូវតែធ្វើឲ្យល្អ ព្រោះក្នុងនាមជាតារាសម្ដែងមួយរូប ត្រូវតែឆ្លងកាត់គ្រប់រសជាតិ ដើម្បីបម្រើអារម្មណ៍ទស្សនិកជន ដែលតែងតែគាំទ្រនាង តាំងពីដើមរៀងមក៕