CamNews

(ភ្នំពេញ)៖ ពិធិខួបកំណើតរបស់ពិធីការិនី​ ថន លក្ខិណា កាលពីល្ងាចថ្ងៃទី ២២ ខែធ្នូ ​ឆ្នាំ២០១៥នេះ ត្រូវបានគេមើលឃើញថា ក្រៅពីតារាសម្ដែង តារាចម្រៀង និងពិធី​ករ-ពិធីការិនីល្បី ស្ទើរទូទាំងប្រទេសចូលរួមហើយនោះ ភ្ញៀវកិត្តិយសក៏បានឃើញវត្តមានមន្រ្តីធំ ​លោកឧកញ៉ា ​ជាច្រើនរូបចូលរួមអបអរផងដែរ ខណៈដែលកម្មវិធី បែបទ្រង់ទ្រាយធំបែបនេះ ត្រូវបានប្រភពបង្ហើបថា អាចមានឧកញ៉ាណាម្នាក់ឧបត្ថម្ភ ព្រោះស្រីស្អាតដូចជា ថន លក្ខិណា ពិតមានបុរសអ្នកមានស្ម័គ្រចូលខ្លួន ជួយនាងពុំខាន។

​ពិធីនេះបានចំណាយលុ​យ​រាប់ពាន់ដុល្លារ ដើម្បីរៀបចំធ្វើពិធីជប់លៀងខួបកំណើត គម្រប់អាយុ២៥ឆ្នាំ នៅភោជនីយដ្ឋា​នសេវេនប្រាយ ទូលគោល​ដោយអញ្ជើញភ្ញៀវ ភាគច្រើន​សុទ្ធតែតារាល្បីៗ ដើម្បីចូលរួមអបអរ ប្រមា​ណ​ជិត​២០​​តុ។ ប៉ុន្តែមានប្រភពបង្ហើបថា លុយដែលចំណាយក្នុងខួបកំណើតរបស់ ថន លក្ខិណា កាលពីយប់មិញ គឺមានការសង្ស័យថា ទទួលបានការឧបត្ថម្ភពីគូស្នេហ៍ងារជាឧកញ៉ា​ ដែលចាំជួយពីក្រោយខ្នងនាង ស្ទើរគ្រប់ពេល។

ភ្ញៀវដែលបានទៅចូលរួម អបអរពិធីជប់លៀងខួបកំណើត លើករាសីរបស់ កញ្ញា ថន លក្ខិណា កាលពីយប់ម្សិលមិញភាគច្រើន ជាអ្នកសិល្បៈល្បីៗ មានទាំងតារាសម្តែង,ចម្រៀង និងពិធីករ-ពិធីកា​រិនី ជាដើម។ អ្វីដែលកាន់តែពិសេសជាងនេះទៀត ក៏មានវត្តមានលោកឧកញ៉ាដែលគេសង្ស័យថា ​ជាគូស្នេហ៍​ ហើយ​ចំណាយលុយ ដើម្បីធ្វើពិធីខួបកំណើតផ្តល់កិត្តិយសចូលរួមផងដែរ ប៉ុន្តែហាក់​មានការ​បិទ​បាំងពីក្រសែភ្នែកក្រុមអ្នកសារព័ត៌មាន ក៏ដូចជាភ្ញៀវមិត្តសិល្បៈ ដែលបានចូលរួម។​ ​

តាមការកត់សម្គាល់ បើទោះបីកញ្ញាថន លក្ខិណា មានភាពក្តុកក្តួលនិយាយអួលដើមករ និង​មា​នទឹកភ្នែករលីងរលោង​នៅ​មុន ពេលពិធីផ្លុំពន្លត់ទៀន និងកាត់នំបានចាប់ផ្តើម ព្រោះរំភើបចិត្តដែ​លត្រូវបានលោកឪពុកចូលរួមក្នុងកម្មវិធីក៏ពិតមែន តែបន្ទាប់ពីនេះនាងហាក់ប្រែមានទឹកមុខស្រស់ស្រាយ បង្ហាញសកម្មភាពសប្បាយរីករាយ​ជាធម្មតាឡើងវិញ ធ្វើឲ្យកម្មវិធីទាំងមូលមាន​ភាពសប្បាយខ្លាំង។

មិនតែប៉ុណ្ណោះនាង ថន លក្ខិណា ក៏ញញឹមស្ទើរបិទមាត់មិនជិត រីកមុខ​ដូចគ្រាប់ជី​ ព្រោះទទួលបានការផ្តល់កំលាំងចិត្តពីសំណាក់ភ្ញៀវទាំងអស់ ដែលបានយល់ចិត្ត និងចូលរួមគ្រប់ៗគ្នា បង្កបរិយាកាសពិធីខួបកំណើត ឲ្យយ៉ាងមានភាពអ៊ូអរបែបនេះ។ Khmer TALKING មិនទាន់អាចទទួលបានការបំភ្លឺណាមួយ ពីតារាសម្តែង និងជាពិធីការិនីកញ្ញា ថន លក្ខិណា បានទេ នៅរ​សៀ​លថ្ងៃទី២៣ ខែធ្នូនេះ។ ដូច្នេះសង្ឈឹមថា នាងនឹងចេញមុខបកស្រាយ នៅពេលក្រោយជុំវិញដំណឹងសង្ស័យមាន​ប្រុ​ស​ស្នេហេ៍ ឧបត្ថម្ភរៀបចំធ្វើខួបកំណើតខាងលើនេះ៕

ផ្តល់សិទ្ធដោយ ៖ ហ្រ្វេសញូវអាស៊ី